9-8-2019:玩轉古典音樂會

早前留意到康文署「國際綜藝合家歡」既宣傳,我就睇下有咩節目啱兩個分別四歲同一歲半既小朋友睇,又要考慮入場年齡,又要考慮喜好,又要考慮日子同地點,結果決定帶曉去睇屯門大會堂舉行既「玩轉古典音樂會」~因為入場年齡最少要三歲以上,適逢公公婆婆去咗旅行,咁就由爸爸照顧詩詩,我帶曉曉去睇~

大backdrop太多人影,我哋同小冊子影啦~

其實曉曉都叫做第三次入場睇古典音樂,頭兩次都係香港小交響樂團既「寶寶愛音樂」系列,第一次去時曉曉都未夠一歲,嗰次個concert好多嘢玩,又有玩具又有樂器又有大合奏,小朋友可以離開座位又唱又跳,好似慶典一樣,非常開心,無奈當時曉只係個bb,未識行,得個望字~第二次去同系列既活動,嗰次詩出世冇耐,曉應該大概三歲,但嗰次就非常靜態,大會要求小朋友乖乖坐係座位一個幾鐘(曉坐係樓梯級都俾人趕番起身),個指揮又不停用英文講解啲音樂(究竟個concert係for家長定小朋友?﹗),甚至開到聲話如果小朋友太嘈可以帶佢出去,嗰次曉一直嗌住要走,我對個concert都好失望~所以都一直等合適既機會再帶佢去聽合適既音樂會~今次可以去聽「玩轉古典音樂」實在太好了,我睇咗少少宣傳短片就知道曉一定鐘意~

未開場時好緊張既小朋友~

「玩轉古典音樂會」係嚟自西班牙既恩波達室樂團,團員大約廿幾三十人吧,樂器只有小提琴、中提琴、大提琴同低音大提琴四種~與其話係音樂會,其實應該係戲劇音樂各佔一半份量;與其話台上面既係音樂家,其實佢哋應係演員﹗台上既演出只用音樂、肢體動作、表情嚟講故事,雖然冇語言冇對白,但都可以引到大家笑到卡卡聲,又可以引到大家拍手歡呼,非常厲害~

有一段演出係關於爭櫈仔,有一段係關於爭做指揮,有一段係關於指揮講電話,有一段係關於指揮指指下瞓著,然後啲音樂家趁佢瞓著就亂咁嚟~其中最精彩一段係電影主題曲medley,佢哋會演出電影既經典橋段,用樂器製造音效,有時先音樂後演出,有時先演出後出音樂,總之令人拍案叫絕,不過用既電影比較舊,可能要爸爸媽媽們先識笑,小朋友覺得有趣純粹係因為佢哋搞笑既動作同表情吧?另外將氣氛推至高峰既一段係,指揮教大家打幾個節奏,大家一齊練習好幾次本來都好興奮好開心,但更令人雀躍既係,原來啲節奏可以配合入去之後演奏、大家耳熟能詳既古典樂曲入面,全場大合奏當然開心啦~

不過有一段搞到曉曉爆喊,事關台上既樂手突然間衝落觀眾席,邀請大家上台參與下一個環節,我乜都冇做過,大提琴樂手非常自然地拖咗我上台參加,我受寵若驚地跟咗上去,冇諗到曉會馬上爆喊,但我發現曉爆喊時我已經坐咗上台度,唯有頂硬上,陣間再呵番佢…個環節係,我哋啲觀眾們坐係樂手既位置,然後佢哋匿埋係我哋背脊後面代彈,但台上面幾乎都係小朋友,好似得我一個大人?﹗點解咁榮幸揀咗我呢?我一直心急如焚想快啲去呵番個曉,一曲快樂頌完成,我就唔理咁多跳咗落台衝番埋個位度~好在曉好快都冷靜番,投入番去欣賞個演出~

演出只係1小時15分鐘,剛好適合小朋友既耐性,離場時原來樂手們出咗去大會堂既大堂,繼續演奏多一曲,一邊跳一邊彈,好好氣氛,最後佢哋企去backdrop前面俾大家影相~大家可以撈埋汁先返屋企,離開大門口時個個都笑咪咪呢~

演出非常成功有魅力﹗﹗下年都要再留意國際綜藝合家歡既節目呀~

「玩轉古典音樂會」介紹:

https://www.hkiac.gov.hk/2019/tc/concerto.html

恩波達室樂團官方網站:

http://www.concertoumore.com/concerto_CAT.html

恩波達室樂團Facebook專頁:

https://www.facebook.com/orquestradecambradelemporda/

香港生活blog

親子生活篇

9-8-2019:玩轉古典音樂會

5-5-2019:開心游泳班

20-4-2019:Baby Shark音樂劇doo doo doo~

14-2-2019:小鴨鴨找媽媽by小天使兒童劇團

17-1-2019:幼稚園一人一花之我家的一串紅

13-1-2019:bb節目<點點光>by普劇場

23-7-2017:曉曉看電影之《反斗車王3》

15-2-2016:年初八Family Day@Seas Ahoy親子餐廳、K11玩具亭、Baby “R” Us買買買

 

趣味小品篇

18-7-2019:我們都是第一次(食榴槤)

15-10-2017:可愛的菇菇巢穴

31-12-2014:年尾blog stat之回顧

27-10-2014:cute到爆的Digibirds choir

23-10-2013:QB剪髮 vs GOPD睇醫生

23-4-2009:醫生漫畫巡禮

2-3-2008:小時候

 

靈性修養篇

13-1-2019:bb節目<點點光>by普劇場

4-10-2014:美妙歌聲.維也納兒童合唱團

26 & 27-4-2014:美麗寧靜與感恩的避靜@長洲聖公會靜修院

27-12-2013:物質主義中的綠洲.香港藝術館

15-12-2013:古典音樂之美

24-9-2006:聖保䘵樂靜院

 

持續自我增值篇

21-8-2017:我的韓語學習.邁向第七個學期

25-3-2017:學車記(一)之筆試精讀

12-6-2015:한국어第二學期.趣味gogogo

14-11-2014:學習真好.한국어之進度

11-9-2014:韓文班開學咯~

7-6-2014:Fitbit Flex之我要fit fit

21-11-2013:第一堂手風琴課

 

用家分享

2-6-2019:Food Panda嚟到我屋企啦

9-8-2017:超方便順便智能櫃

15-10-2016:幸福人妻之Sparadise Chocolate Spa

26-2-2015:趕潮流.試搭西港島綫

25-2-2015:水果剝皮神器之提子篇

16-2-2015:水果剝皮神器之橙篇

13-2-2015:激讚GOGOVAN

29-1-2015:蠢蠢地的除塵小露寶ViRobi

19-10-2008:新相機

 

特別活動篇

15-2-2017:半熟手媽媽22m.曉曉的第二個農曆新年

15-2-2016:年初八Family Day@Seas Ahoy親子餐廳、K11玩具亭、Baby “R” Us買買買

30-8-2015:荔園重現回味童年

8-8-2015:回味童年之Wheres Wally@海港城

2-8-2015:反斗奇兵20週年玩具派對

18-2-2015:送馬迎羊之逛年宵、食湯圓團圓

14-2-2015:情人節part 2之浪琴表香港馬術大師賽

18-1-2015:Jayesslee Live in Hong Kong 2015

28-12-2014:聖家節婚姻祝福禮

25-12-2014:自家製作聖誕大餐& sweet sweet聖誕禮物

7-1-2007:公益金百萬行

 

閱後感讀後感

23-7-2017:曉曉看電影之《反斗車王3》

22-2-2015:童年經典回憶新作之STAND BY ME多啦A夢

 

18-7-2019:我們都是第一次(食榴槤)

向來聽講,大家對於榴槤嘛,一係耍手擰頭,一係狂熱份子,從來冇乜點聽過有啲人會食,不過唔係特別鍾意食咁~我諗食榴槤都同原生家庭好有關係,我爸我媽我家姐都唔食,即使以前嫲嫲食榴槤都會係自己房度食,所以由細到大我都唔食榴槤,聞到陣味就走夾唔抖,最難忘有一次去滿記食糖水,原本滿心歡喜,但隔離枱叫咗啲榴槤甜品,即刻覺得呼吸唔到~

我同我老公識咗二十年,結婚都差唔多八年,對於結咗婚之後令佢食少咗榴槤、雞腳、豬潤等等我唔食既嘢我都有啲遺憾,所以曉出世之後,我都希望曉可以成為佢既榴槤伙伴~

曉兩個幾月大時,day話要「從小薰陶」,可想而知佢幾想曉陪佢食吧~

曉一歲幾嗰次去美食展,我媽仲好積極咁俾曉曉試各種榴槤產品,等爸爸「有個伴」~但間中行過超級市場,我問day要唔要買榴槤同曉share,佢都唔太積極,可能我表明唔會食,令佢意興闌珊吧?

我發覺年紀大咗,飲食方面好多口味都唔同咗,最近經過啲榴槤聞落都唔覺得臭了,我問曉香唔香,佢都話香喎~適逢經過Aeon超市,可能時間有啲夜吧,有啲一盒盒開好既榴槤特價,最平既四十幾蚊都有,我提議day可以買一盒細細地既,等啲細路可以試下,day又可以過下癮~結果day揀咗一盒七十幾蚊既,佢話四十幾蚊嗰啲睇落dry dry地喎,我都完全no idea~

返到屋企其實我都有啲急不及待試,又有少少戰戰兢兢~詩其實好爽快咁樣食咗吞咗,又冇反抗,問佢好唔好味佢話好味,再俾都肯要,不過都係食咗兩三啖左右,可能本身已經太飽(出街食咗飯連埋甜品)~曉呢,當然好受我戰戰兢兢既反應影響啦,試都細細啖,試咗幾啖,都冇吐,但對於味道不置可否,冇追住食,可能都係因為本身太飽…(或者我哋唔應該係佢哋咁飽時試,試唔真~)

詩詩試食﹗

我呢,我好驚訝原來榴槤啲核咁大粒,一pack果肉本身已經唔多,入面啲核仲咁大粒,咁咪真係好貴?﹗味道方面,原來真係水果﹗﹗只有水果既甜蜜,食落去一啲臭味,一啲嗆鼻既味都冇,其實有啲清香添~不過我又覺得佢既甜味唔算有個性,好似西瓜既清甜,荔枝既酸甜蜜味都比起佢有個性~我唔係好明點解大家對佢咁著迷~day話可能我哋呢舊榴槤creamy既layer唔算厚,而外皮本身相對比較乾,好味既榴槤係甜蜜+豐厚creamy,聽落應該都吸引既~

今次試吃總結,原來我可以食榴槤﹗﹗不過好貴~而且我未食到真正最美味既榴槤~而我亦未變成榴槤fans~下次有好味榴槤可以預我一份~其他榴槤product?我諗未必太吸引吧?可以一試既~

詩詩成長誌blog

10-1-2018:詩詩出世啦

10-2-2018:詩詩成長誌1m

10-3-2018:詩詩成長誌2m

10-4-2018:詩詩成長誌3m

10-5-2018:詩詩成長誌4m

10-6-2018:詩詩成長誌5m

10-7-2018:詩詩成長誌6m

10-8-2018:詩詩成長誌7m

10-9-2018:詩詩成長誌8m

10-10-2018:詩詩成長誌9m

10-11-2018:詩詩成長誌10m

10-12-2018:詩詩成長誌11m

10-1-2019:詩詩成長誌12m

10-2-2019:詩詩成長誌13m

10-3-2019:詩詩成長誌14m

10-4-2019:詩詩成長誌15m

10-5-2019:詩詩成長誌16m

10-6-2019:詩詩成長誌17m

10-7-2019:詩詩成長誌18m

10-7-2019:詩詩成長誌18m

詩:我今天滿18個月大了!即是一歲半啦~

我現在上落樓梯很叻了,媽媽拖著我,我可以一口氣走上海景花園的長長樓梯到頂~

我這個月最喜歡用餐具,我用匙羹舀湯湯和粥粥都很好,可以送入嘴仔,我發現大件的食物很熱時,我也會自己找叉子來用~

我不是只會講單詞的bb,我會講句子和很多表達方法~上巴士要盡快坐下來,我叫家姐「快啲啦」,我在床上想找媽媽我一邊招手一邊說「過嚟啦」,家姐躲在被子下面我說「家姐唔見咗呀」,西鐵上有位子我叫「家姐坐」,我知道差不多要去大便我會說「屙屎」,婆婆教我的古老兒歌我也會唸少少,「打仔仔,賣魚魚,魚魚淡呀~」

我最近最愛看朵拉的書書,我喜歡「貓貓虎(尋找美洲虎)」,裡面的人物除了主角朵拉和布茨之外,我也很喜歡「迪迪哥(迪亞哥)」和「班班牛(班尼牛)」,我也會參與講故事~最喜歡的歌一定是讚美之泉的「跑跑跑(無止境)」和Baby Shark,偶爾我記起任何一首歌我會哼出來,你猜猜我在唱什麼吧~

這個月我們一家去了泰國旅行,有很多新體驗,喝了很多椰青,你們留意媽媽的旅行blog吧~

這個月我一口氣出六隻牙,加上本來的八隻牙就有十四隻了