27-4-2011:上海pre-wedding+杭州day 3(part 2).濛濛細雨的西湖

雖然係正確o既巴士站落到車,但要兩人撐住一把遮都幾狼狽,因為都唔細雨…其實本身打算踩單車遊西湖,全杭州都有好多公共租借單車服務點,只要有張IC卡,嘟一嘟就可以帶架單車走,一個鐘內還就免費,一個鐘兩個鐘都係幾蚊o架咋,好方便,見到市內都有好多市民用嚟代步,而且佢哋鋪單車徑都好全面~但我哋去問一問,要去唔知咩路o既幾多號先辦到張IC卡呢,哎吔吔,好麻煩丫~所以結果三日都冇踩到單車呢,可惜可惜~

行到西湖邊時,呢個音樂噴泉啱啱表演緊,但呢,最近先睇過Las Vegas Bellagio 嗰個,呢個比起上嚟就…真係唔係太up to standard…雖然噴水同音樂都幾配合,但啲水柱比較弱、有啲歪歪地、同埋故事性比較弱囉~有待改進﹗

但我哋都同個音樂噴泉影張相留個念啦~

我叫day搵下杭州係邊度…oops,搵唔到添~因為唔係好知orientation呀~

帶咗腳架,所以可以輕鬆自拍,好在咋,周圍冇乜放相機o既地方,即使係自拍王都好難冇腳架影到靚相~呢個亭起係湖o既中間呢~雖然啲文人雅士、皇帝貴族嘛,幾百年來都會嚟遊西湖,好多建築都講到係幾百年典故…但事實上好多都係近代有維修過,所以好多都好新淨咁~

鍾意呢對鴛鴦o既圖案係地板上面﹗

我哋一直沿住湖東邊o既岸向南行,雖然出名o既景點係呢一邊唔多,但沿途風景都優美~而且啱啱快要日落呢~

我哋最尾一日都有坐呢啲遊船,全個西湖有好幾個碼頭,上船之後會送你去中間嗰個島,欣賞三潭印月,之後可以選擇回程去任何一個碼頭~除咗呢啲「官方」船之外,有啲「泥鯭」船,係人手撐o既搖櫓船,收費點、坐幾耐、航道都冇標明,我哋都唔係好敢坐呀,因為係水魚二人組嘛,費事俾人呃,所以都係坐番官方o既好啲﹗:p

沿住岸邊都有唔少餐廳、茶室,啱啱呢度有人擺酒結婚呀,真係識揀呢,係咁靚o既景旁邊~

西湖天地係一堆建築群,有好多有品味o既餐廳、coffee shop、藝術品、精品店…全部都靚靚的~

呢間starbucks可能係全杭州最舒服嗰間starbucks吧﹗

好多柳樹係路o既兩旁,所以風景o既感覺總係好水墨畫,柳樹真係好中國feel,究竟其他國家有冇柳樹o既呢?

滿意的一張相相~ 🙂

啱啱落完雨,所以先有倒影係水漥度~相對於有一張個倒影更完美的,我更喜歡有拖手呢一張﹗:”)

錢王祠已經關門了,冇得入去參觀,我哋係外面裝模作樣一番~:p

雷峰塔係佛教建築物,又係另一個收費風景區,係西湖o既南端,我哋都冇機會入去參觀呢~要問下阿乳好唔好睇了,聽講佢最近嚟杭州時有入過去~

西湖旁邊的草坪好多都keep得好好呀~係咪大家有公德心咗呢?很好﹗不過事實上啲圍欄都好完整,要入去就要專登跨過去囉~

我哋稍後好偶然之下去咗熱鬧o既南宋御街玩呀,大家繼續留意我個blog o既update啦~

待續

前往其他中國旅遊blog

Comments

comments

在《27-4-2011:上海pre-wedding+杭州day 3(part 2).濛濛細雨的西湖》中有 4 則留言

  1. 西湖附近的山,嬌小柔和,落在遠方,像在為平靜的湖面作點綴,還有油油綠草坪,雅緻的小店鋪,使湖光山色倍添美態。
    [版主回覆05/19/2011 13:54:00]replied

  2. 要是雷峰塔下真有白蛇娘娘,那简直更给杭州旅游业注入一剂猛料!
    [版主回覆05/19/2011 13:55:00]replied

  3. Re爹爹:
    如果陽光普照就更好了~
    有時間我都想入去啲coffee shop度enjoy一下~

發表迴響

你的電子郵件位址並不會被公開。 必要欄位標記為 *