24-9-2006:聖保祿樂靜院

點解尋日會冇寫diary?因為我去o左避靜呀~避靜其實係一種宿營,類似係個camp入面做D反省、討論咁o既,唔係話太多玩樂o個種~今次個避靜係基基團主辦(即是我媽有份搞~),本身媽咪都冇特別叫我去o架,但day之前一直都聽聞有呢樣東東,所以佢話想去下,咁我自然都去o左啦~

星期六上晝番o左lecture啦,下晝就係聖堂集合,搭旅遊車去位於上水o既營地聖保祿樂靜院~分房、做o左少少嘗試了解自己o既問卷+討論之後,有一個環節我o地要去個花園度散步,係入面搵幾樣觸動你心靈o既物件~花園都幾大o架,有D果樹、一小塊田地、大草地、魚池、聖母岩…最高興係見到有怕醜草﹗因為實在實在有好多年冇見過怕醜草lu~細個時係兆康苑有好多,見親都一定會埋去搞下佢、玩下~有個六歲o既小妹妹從來未見過怕醜草呢,我都覺得唔出奇,我諗我都起碼有六年未見過﹗

其實呢度係影day拎住個楊桃o架~棵楊桃樹結實纍纍﹗不過都好細粒呢~我估暫時都唔可以食住~

仲有各式各樣靚靚o既花呢~影o左好多o架~不過淨係揀o左呢張有人o既放出o黎咋~

呢個就係樂靜院o既外觀喇﹗我o地o既房間係一樓二樓,我諗應該係突出o黎o個舊入面~

大草地﹗唔好睇我好似瞓得好舒服,其實D草好硬好拮﹗day話因為水少喎~

o個度o既飯餐好好味呀~食o左兩餐都係三餸一湯,第二日午餐仲有我超喜愛o既椰子雞湯添~D食物又有益呢,營養均衡,可以變美女﹗yeah~我o地食完飯要洗碗家嘛,o個度有個超重型o既洗碗碟機﹗放入去洗都好爽﹗之後D碗碟會烘到熱辣辣o既呢~

晚飯後有泰澤祈禱(以短誦、默想、讀經o既形式o黎祈禱~),係小聖堂度舉行,其實氣氛應該係唔錯o架,不過因為我要幫手彈琴,所以難D投入氣氛之中了﹗

我o既房間﹗我話,張床褥超舒服﹗肯定舒服過金風o個張好多,但要比較屋企o個張呢…要再瞓下、再比較﹗但後來我拆張床單出o黎時發覺,哇,原來呢度張床褥同屋企o個張一樣﹗難怪啦~

第二朝七點幾起身早餐前就先o黎個早操,屈修女教我o地太極呀~但因為時間唔多,所以都只係跟下跟下﹗揀o左得day o既相放上o黎其實冇咁有代表性,不過費事搞到其他人無啦啦露面啦~day肯定唔介意嘛~

太極後再係花園度逛逛,媽咪話呢棵樹好似把遮喎~都幾似o架~係下面坐好舒服~大樹好遮陰﹗坐係下面的確係涼快D~

媽咪係度準備之後o既programme D o野,我係度…無聊﹗哈,但都排得幾靚o架~day話要捕捉呢個對比喎~

係個招牌度影影相先~大家如果有興趣係度搞避靜可以搵我﹗我拎o左張pamphlet,有contact number~

其實樂靜院入面都有個小聖堂,但今次我o地隨行冇神父呢,開唔到彌撒,所以我o地出o左去上水太平邨o既基督之母堂望彌撒,我都係第一次去o個度咋,裝修好新穎好靚~但教友唔係太多呢,間聖堂始終都係比較細~

今次個避靜係靈性上o既增長就一般般啦,但的確今次我故意乜都唔帶入去,所以都可以算係一個徹徹底底o既休息,充一充電~(不過我下星期又會再徹底地充電﹗)同埋o個度o既環境真係唔錯,所以我都想下次考慮下同孝女會去o個度~

番到camp食埋lunch都要搭番車番屯門lu,因為我o地要趕番去贖世主堂參加下晝o既工作坊,講者係一個神父、一個修女,個修女就犀利咯,佢係我媽咪中學時o既老師呀﹗佢竟然認得媽~媽10高興呢~恐怕係因為媽咪係個修女第一批教o既中學生吧~個工作坊都唔錯呀,主題係溝通,用o左好多圖像、theory去解構呢個課題,可以有深入D o既了解~

跟住就番屋企lu~食飯﹗

Comments

comments

在《24-9-2006:聖保祿樂靜院》中有 5 則留言

  1. 今次我們都影了幾多相~ 比以往好~ 唔!!  要沉澱下d 心情和整埋d野才講到避靜的事~ 真是好好吃~ d 魚真的好好食!! 今天最後的互作坊很好~ 我會打番我記得的野在我的板板那裡!! 謝伯母請我去~ 謝世伯送了本書給我!! 非常合適! 因為我真的在看大衛自己!!撒母耳記!!!

  2. 今次我們都影了幾多相~ 比以往好~ 唔!!  要沉澱下d 心情和整埋d野才講到避靜的事~ 真是好好吃~ d 魚真的好好食!! 今天最後的互作坊很好~ 我會打番我記得的野在我的板板那裡!! 謝伯母請我去~ 當中都有d 野觸動了我! 謝世伯送了本書給我!! 非常合適! 因為我真的在看大衛自己!!撒母耳記!!!

  3. Re day: 是啊﹗我不嬲都覺得我o地太少影相了﹗而且好多時只有兩個人出動,好難影到靚靚合照呢~ 我爸偶然都幾細心(or有趣?)吧,哈~

發表迴響

你的電子郵件位址並不會被公開。 必要欄位標記為 *