辛苦o左咁多個月，終於有機會同屋企人一齊出去玩幾日~本身想自遊行o架，但因為我o地單數人數，自遊行唔得，咁我o地咪跟旅行團o羅~超早集合呀﹗6:30am就要去到中港城碼頭lu~天未光就要出門口o羅~

原來我o地搭7:10am o既船去順德，難怪要咁早集合啦~

早餐都未食，想去碼頭買麥當勞都趕唔切，唯有上船食啦，hee，搭船一定要食麵﹗但呢碗麵好貴呀~好在有醒目爸﹗由屋企帶o左盒裝飲品o黎，起碼可以慳番買o野飲o既$$~

去到順德lu~我o地搭o個架船叫做「順水」，咁係咪另一架叫做「順風」呢？

搭o左兩個幾鐘車，食o左午飯後，我o地去到第一個景點，就係肇慶o既七星岩了~

去到睇乜？其實係一個好大o既公園，有山有水，所謂o既七星岩就係七座山了﹗話說由高處睇落o黎，o個七座山o既排列係好似北斗七星咁o架喎~

當中有好多神像呀、觀音呀、羅漢呀咁，而且仲有一尊臥佛，哇，我第一次見呢D咁粗o既香﹗旁邊o既小攤子有得賣，原來要$198 o架，不過呢支都未算係最粗o既，最粗o個支…$675﹗想像得到吧~

魚池入面有好多好多好多好多錦鯉﹗呢一角係最少魚o既一角﹗

逛完七星岩之後就要繼續行程啦~跟旅行團冇咁理想o既地方，就係限時限刻o羅，其實要認真咁行晒成個七星岩真係要成個下晝，而家只有個半鐘，係差咁D o羅~

繼續我o地o既行程，進發去盤龍峽，今次o既重點目的地﹗旅遊車外面o既風景，有一望無盡o既田地，係廣東北部o既呢區，柑係佢o地最重要o既農作物﹗而家睇到o既一棵棵就係柑樹o黎o架啦~

去到盤龍峽lu~呢度係山腳，之後食飯要搭小巴上去山腰，而我o地住o既地方係山頂o架~

ooooooooooo~~~~~~~~~~後面就係「森林溫礦泉水世界」了，本身我o地想參加o個個團會去呢個o架，但陰差陽錯，而家去呢個團就冇時間去lu~好可惜啊﹗

有唔少團都係住盤龍峽o既薰衣草木屋或者天堂酒店，而我o地呢，就住呢個森林海木屋，一間間o既小木屋真係俾森林圍住o架~

係山腰o既「外婆家」食飽飯之後就番房先，夜晚黑睇木屋外型唔清楚，而家先睇內裡吧﹗唔，四面牆天花地板全部都係木木木，都幾舒服o架~一間木屋有兩間房，原本我同另外o既團友share另外o既木屋o架，不過…我要湊熱鬧﹗黐埋大家一齊~好在D床夠闊~

晚飯後搭車落番去山腳睇藏族歌舞表演，表演就普普通通啦，雖然演出o既全部都係美女俊男，但投入度就麻麻地咋，得一兩個好投入咁跳，冇辦法唔將佢同之前去沖繩睇o既歌舞比較…

番去小木屋食宵夜room service，我o地叫o左…雞﹗

係呢種雞o者~叫做泥焗雞，聽講係特色煮法o黎o架~香氣四溢，味道都唔錯~

唔，係小木屋除o左睇電視之外都冇乜娛樂，所以睇埋古靈精探，沖個涼都瞓覺lu~

待續

前往其他中國旅遊blog

Comments

comments