我o地每三個月o既rotation就有六日annual leave，都算係不幸吧，我七月底就要放晒呢六日假lu~下次再有假期要等到十月之後啦~時間倉卒，plan唔到去咩複雜o既旅行，就只有我o地一家四口去珠海、澳門度過三日兩夜o既短trip~

我o地29號一大早就出發去上環搭船lu~九洲港同我o地入住o既珠海度假村非常近，搭專車大約5-10分鐘就去到啦~因為房間仲未執好，我o地放低行李，就先係度假村o既周圍行下啦~

o個度有個人工湖，後面就係我o地入住o既度假村酒店部份，如果唔住酒店，都可以住別墅區o架~

度假村範圍好大，酒店好似最近裝修過，所以好新淨好靚，不過其他設施就比較殘舊o羅~但整體都好令人滿意o既~我o地住度假村可以免費玩部份o既設施o架，見未夠鐘食飯，不如先打一局乒乓波啦~

真係好難得可以一家四口一齊運動運動呢~而且我媽媽係出名打乒乓波叻o既添~不過…冷氣壞o左﹗無論係打緊波o個個，定係坐係度o個個，人人都大大汗﹗

午飯就係度假村入面叫小菜食，因為係weekday，人客唔多，可以慢慢坐，好自在咁享用~

下晝我o地出去附近o既百貨公司逛逛街~

都有少少收獲o架~

珠海果然係大城市，比起樟木頭，D衫o既款式呀，全部都吸引好多呢﹗

因為夜晚有節目，要晏少少先食dinner，所以去食個tea先啦~

係麥當勞，有一款香港冇得食o既「麥香酥」呀﹗外面係脆脆o既酥皮，裏面係暖笠笠、軟乎乎o既滑滑蛋~味道唔係好夠濃，不過都ok丫~

之後就到今日o既重頭節目了，我o地去「中藥谷」浸溫泉呀~

umum，淨係影o左招牌相咋~

比起「御溫泉」，「中藥谷」俾人o既感覺更舒適，可能因為今次咁o岩人冇咁多，冇咁混亂吧？溫泉水有唔同味道、唔同溫度，令人特別興奮o既，有大家都好喜歡o既薄荷凍水池啦，涼浸浸，周圍好似牙膏味咁﹗而且o岩o岩浸完出面o既熱熱池，浸一浸呢款真係成個人精靈晒﹗另外又有玫瑰花瓣浴啦，真係有一片片花瓣o架，令人感覺自己係一個美女…heehee~中藥谷起係一個山頭度，所以層層遞上，如果去到最頂o個幾個池，景觀仲好開揚添~

o個度仲有保健按摩服務o架，不過今晚時間唔夠lu~第二日再去啦﹗

番到酒店，最好梗係呢埋入去被窩度呼呼大睡啦﹗呵呵~goodnight﹗

待續

前往其他中國旅遊blog

Comments

comments