雖然朝早比較涼快,我都專登著咗打底長袖tee,但越嚟越接近中午時,太陽出嚟就熱熱熱lu~行完一輪,都想休息下,涼快下~
最好就梗係搵個陰涼處,食番支雪條啦~其實呢個時間都差唔多到lunch time,但一問之下,原來附近冇食肆﹗又會咁o既,個公園咁大,呢啲小賣部得雪糕雪條飲品餅乾咋~睇嚟要捱一陣餓了~
我哋去到呢個area,勁多學生﹗係咪校外學習?
我嚟走入去西溪濕地植物園,呢度都係需要RMB 80嗰張門票的﹗入到去,哇,花花花花花…
我嚟能夠做到,就只有狂影相了﹗
有個水底觀光隧道?咩嚟o既?有指示牌指嚟指去,好似係好深入o既位置咁,anyway,一場嚟到都跟住去睇下啦~
經過好多個大小池塘…哇,呢度咁多荷葉,如果夏天嚟到,開滿荷花的話咪靚得好交關?﹗
終於到了~
原來係一條通道,深入池塘之間,可以係兩旁睇到啲水底生物﹗day話呢個idea都幾好,不過入面唔係太多嘢睇呢~
因為水比較濁吧,未必真係污糟o既,可能池塘都係咁~因此啲魚呀要遊得好近先見到佢哋~另外比較少見o既就係荷花o既根部原來係咁o既~
出番去,有勁多各種盛放o既花花了~
砌成蝴蝶形狀o既花花~
另外嘛,我哋都帶咗兔子去影相呀,呢度咁多花,啱晒佢哋影pre-wedding相啦~
佢哋咁細小,呢啲「花圃」睇落就變成「花海」了﹗勁﹗呢張配色幾sharp,我都幾鍾意﹗
仲有無限咁多o既火百合﹗
心形花圃~
係咪叫做薔薇?呢啲花花同兔子捧住o既花球係同一品種丫﹗
呢張曾經榮為我部notebook o既wallpaper~呵呵~不過好快就俾我哋自己人樣o既pre-wedding相取代咗了~
合照都唔錯丫﹗
我哋都唔係好識花草樹木,都唔識分邊啲花打邊啲花呀,只係覺得開得好燦爛,好colourful~
呢啲花都係最近移植過來的,所以全部都係花朝節呢段時間咁燦爛,全靠呢一班大嬸o既努力+勞力﹗
唔知點解一條直路兩旁都整咗呢啲畫框,莫非就係俾大家咁樣影相?我哋使用正確嗎?
肚子餓到不得了,但成個植物園得一間鋪頭咋,而且又係得啲小食賣,都有麵包同杯麵o既,但好似好浪費quota咁,食呢啲嘢食飽咗,失去食其他嘢o既機會咪好可惜?﹗所以我哋食咗餅同埋可樂,純粹用嚟「支撐住一小段路」所需o既energy~:p之後再去食啲好味的﹗冇辦法,因為真係餓到軟lai lai~
我哋係成個西溪濕地東邊o既大門離園,影下花朝節個大招牌先~oops,我哋仲未去非誠勿擾o既拍攝地,又未坐船仔喎,已經下晝兩點啦,冇時間啦冇時間啦~
大家要跟住睇埋part 3,我哋會去搭船仔﹗可能會見到你熟悉o既景色~
待續
前往其他中國旅遊blog
妳拍出來的花卉好美!不知道是何原故,最近兩個月我去過的地方處處都見到花:北京、邢台、台北、宜蘭,苗栗,不但多,而且是美極了。即使是香港,今年的花也開得特別茂盛,最近開得勁燦爛是鳯凰木。
[版主回覆05/28/2011 12:32:00]replied
Re媽:
係呀,啲花開得好燦爛﹗
因為春暖花開嘛~
在這個季節,花才會開得美,拍得非常不錯….
[版主回覆06/05/2011 19:46:00]replied
Re飛毛華腿: 歡迎你到訪我個blog~ 謝謝讚賞啊~
來這兒遊覽的,除了學生,大概也是本地客居多吧!
[版主回覆06/11/2011 14:40:00]replied
Re爹爹: 遊客都多o架,不過地方太大,所以唔覺得逼,總之都係國語人啦,係唔係本地人就唔知lu,但杭州o既遊人都嚟自全國五湖四海,所以有外省遊客一啲都唔出奇~