去到黃昏，係時候「打算一下將來」，因為嘛，每一日o既黃金時間其實係一早一晚，呢兩段時間人流都比較少，可以去一下啲熱門o既館~旅行團大多數四點幾就會集合離園，你會發覺周圍o既地方開始鬆動，空氣都清新啲﹗:p

我哋決定…去排德國館﹗

因為下晝去咗A區嗰邊嘛，所以番去C區都遠遠地，我哋決定搭呢o架園區巴士﹗呢啲巴士係電動車嚟o架，所以好寧靜又冇廢氣排放~佢到站時就可以用支「觸鬚」接觸站入面頭殼頂o既「充電器」，連接以秒計o既時間就可以行一段距離~都係一個好o既發明﹗不過嘛，世博入面人太多，呢啲巴士無論班幾密，車上面都係勁勁勁勁勁勁勁逼﹗所以依然係一架坐得不太舒服o既巴士~

我哋知道排德國館係長期作戰，所以我哋係餐廳食肆附近落車，買咗兩個KFC餐外賣，用手挽袋帶過去邊排邊食﹗yeah~

如我哋所料，當然係人山人海啦，我哋邊jap jap jap啲雞，邊排隊，之後o既時間又有玩下小iphone啦，day又睇下金庸o既小說啦，消磨時間﹗有時我哋又吱喳下~時間都好快過~

係呢條隊上面，發現原來屋企有太細o既小朋友真係唔適合帶嚟世博囉，因為小朋友太易頂唔順了~臨近黃昏，發覺好多好攰o既小朋友，基本上個個都變咗一pat~排我哋前面o既小女孩基本上係由媽媽搬佢係條隊上面移動囉~究竟，如果下屆2015米蘭世博，有咗好細o既小朋友o既話，仲去唔去好呢~哎吔吔~

排咗…大約兩個半鐘頭吧？我哋成功入咗德國館了﹗入去第一件事…我同day講，如果有地方可以坐低，我要先坐一陣﹗排到腳板底都痛啦~

先入眼簾o既係幾幅德國唔同地點o既大圖片，附有佢哋出名o既東東呢~合照留念~

太好了，有坐低稍為休息o既位置~唔坐一坐真係唔知點樣行落去~

由德國館望番對面，見到夜晚著晒燈o既法國館呢~華麗o既外觀﹗

德國館o既外觀係不規則o既幾何有稜有角o既設計，有種機械人o既感覺…

咁cyber o既通道，梗係帶領緊我哋去好多新科技產品展出o既德國館啦~

明亮o既展廳~德國館好大，不過舖排上同意大利館都幾唔同，意大利館係一個好大o既空間，放咗好多展品係度，但德國館嘛，有少少似行宜家傢俬，分開一個個section，一條路跟住佢行，展示唔同o既主題，而每一個section嘛，佈置上都好有分別~

用電腦試試construct一個水上花園﹗

雖然唔知點解，但有得玩滑梯﹗yooooooooooohooooooooooo~~~~~~~~~~~~~

展出各種新產品，雖然係市面上尚未流通，但都有唔少改善生活o既設計呢~右上嗰個蛋糕模好棧鬼，你用嚟焗蛋糕，焗出嚟o既蛋糕已分成一份份了，要幾大份有幾大份，要幾細份有幾細份，迎合唔同人o既需要~右下角o既小朋友係螢光幕touch screen度學煮餸呢~要好有手尾o架，煮完要抹埋枱先完成mission﹗

有一樣嘢我都幾欣賞德國館，就係佢o既中立不偏不倚o既立場﹗佢o既所有展覽，全部都係三種語文，中文、英文、德文，非常好﹗有啲館甚至只有中文﹗呢度係中國，有中文好應該丫，英文係國際通用語言，世博作為國際上o既盛事，當然要有英文，而自己o既身份都好重要，要有埋德文﹗因為呢，其實行有啲展館，都有種感覺覺得佢要討好中國人咁…唔知呀，好似保持少少對自己國家o既驕傲都係一件好事~

呢度o既主題好似係花園…

所以可以野餐﹗

cosplay？？

嚟到另一精彩環節，我哋入去一個分開幾層o既廳，中間有個大大大波波~大家要團團圍住嚟坐~

原來係睇show~

有嚟自中國講普通話o既女主持同埋德國人男主持，佢哋用三種語文同大家玩呢個interactive o既show~話說呢個波波可以對聲音有反應，大家o既喊叫聲可以推動佢郁喎，兩位主持就帶領大家大叫，去推郁呢個波波~大家都high咗呢~呵呵~到尾時仲有video係個波波上面播~

德國館就係呢個高潮之中結束﹗今次我哋行咗總共三十幾個館呢，我都係覺得德國館係最值得推薦o既館呢﹗大家一定要花啲時間排下呀~

都晏晏地，好想出去搵嘢飲…但發現﹗

挪威館居然好搏盡地仲未關門﹗又唔駛排隊，入去兜個轉先~

挪威館係一間單層但闊落o既building，用好多木木砌成，入面好涼快…

不過，building靚就靚，但裡面冇乜嘢睇呢~都係有啲電視機播下挪威地方各方面o既片段…係我身後o既就係音樂~最有印象係臨到尾時有個巨型濾水器，可以將啲水變成飲用水…我都有試過佢哋水…但味道嘛，都係屋企啲凍滾水好飲啲…(掃興﹗:p)

另一個搏盡o既館，就係澳洲館﹗

因為我哋都係繼續口渴嘛，發現有人聲就衝過去，原來澳洲館係戶外有音樂會呢~而且有個小賣部仍然開放，賣啲小食呀、啤酒呀俾啲參與音樂會o既遊客﹗我哋嘛，買咗支水，坐係度聽咗一陣歌，都唔錯呀~

夜晚o既世博園區人好少，可以係大馬路中間遊蕩呀~

日日番去時都超級累呢，我建議大家必須著有air o既波鞋去世博，兩條腿其實啲肌肉都唔係好酸好攰，但係腳板底就好痛，可能因為我幾日either著薄底布鞋or涼鞋吧~後來媽咪去世博日日著住有air o既波鞋，佢腳板底就冇事呢~

有幾攰？好似冇戴過帶去o既眼鏡，每一晚除咗con之後不能從事任何活動就倒下﹗帶咗電腦去都冇上網，帶咗小說去都冇睇…只能夠…sleep~ sleep~ sleep~

待續

Comments

comments