o黎到第二日o既行程﹗第一次享用酒店o既自助餐，都有少少興奮，難得住五星級酒店喎~

坐係室外o既枱椅，感覺特別開揚，好有度假feel~大家見到嘛？我o個條項鍊係尋日係貝殼館度買o架~

自助早餐真係好多選擇﹗主要係中式同西式，仲有少少日式，而品種都好多，bakery、pastry都有好多款，粥類又有好幾款喎~飲品就犀利咯，除o左有一般o既咖啡奶茶果汁之外，仲有任飲o既大大隻椰青呀﹗我每朝都飲一個，yeah~

有唔少人去海南島玩都係主攻陽光與海灘，住resort之類，但胡宅o既旅行不嬲都主張「多樣化行程」，去到一個地方樣樣都玩~所以我o地都plan o左出去活動活動~

食飽飽我o地就出發去今日o既第一個景點「大小洞天」喇，呢個係國家4A旅遊點o黎o架，未去都唔知，原來大小洞天係一個道教主題o既風景區，而另一個三亞o既勁勁旅遊點「南山」就係佛教主題o既~經過尋日o既環境視察之後，我o地發覺亞龍灣中央廣場o個度有巴士旅遊專線可以去大小洞天、天涯海角、南山等等o既沿海景點，所以我o地好順利就搭上呢D巴士…

點知…哇，原來係賊船o黎o架，係市區度兜o黎兜去兜o黎兜去兜客兜o左勁耐﹗我o地搭o左兩個幾鐘先去到大小洞天呀，失策咯失策咯…

大小洞天係一個頗大o既旅遊景區o黎o架，你睇呢個導賞圖就知~

入口呢個大廣場上面o既係八卦圖，爸爸代表「乾」，媽媽代表「坤」~

我就同呢個大鼓影張相先~

去到都差唔多午飯時間，我o地join o既guided tour帶我o地去食個「養生午餐」先~

呢度就係食所謂「養生午餐」o既餐廳喇，點養生就唔知，反正就係普通o既蘿蔔肉丸湯、咕嚕肉、炒青菜之類o既東東~淨係知道…哇~~~~~~~~~~~~~好熱呀﹗大汗疊細汗﹗爹爹簡直全身濕透添~

餐廳呢度掛起好多符咒，仲有教人點樣燒、點樣貼、點樣食…都幾多li lo~

開始guided tour了~

見到道德經，我估媽咪諗起o既係可風， 以前教o既儒釋道，而我就諗起林夕同埋劉德華…

呢個山頭又叫鰲山，係度拜一拜就係想獨佔鰲頭o既意思~

祈福o既木牌之間…哇呀~~~~~~~~~~~~咩o黎o架？導遊叫媽：「呢位女士，你行過呢邊少少…」原來係、原來係成條油炸鬼咁長o既巨蜈蚣呀~~~~~~好得人驚呀﹗

呢度俾人掛D祈福小木牌o既有祈求平安o架啦、學業事業o架啦、而最多人掛上去o既，當然係財運啦~中國人嘛~

呢棵樹似唔似一隻打開o既手掌？導遊話，人企係中間，自然就係「掌上明珠」啦~

好喜歡呢張相﹗老樹上面都可以長出幼嫰o既新芽﹗

好多人將唔同o既願望寫上去紅帶度，掛上去樹上許個願~

heehee，好傻瓜呀~兩個人拼埋上去就係「壽比南山」﹗旅遊書上面有寫，導遊又有講，爸媽馬上就興緻勃勃咁走過去配合了，呵呵~

行完山頭上面o既景點，就去靠海o既景點~呢度海邊可以望到越南o架﹗而沿海有好多似唔同物件形狀o既石頭﹗

呢個似唔似有個和尚瞓係度晒太陽？

D人話「洞天」係指仙景、神仙住o既地方，我o地就覺得奇怪喇，小洞天就參觀o左喇，但點解搵o黎搵去都搵唔到大洞天？連導賞圖度都冇喎~後來導遊解釋，原來大洞天就係我o地身處o既大自然，係一種意境o黎o架~

好喜歡靚靚盛放o既花花~

糟糕了，開始落雨啦~

唔知點解，大小洞天呢度仲養o左一隻有三隻角o既牛，莫非多o左一隻角就覺得佢係仙牛乎？﹗

我o地行埋個三亞自然博物館，睇o左各種化石之後，都決定離園了，因為實在太太太太太大雨啦~我o地亦都放棄o左去埋南山or天涯海角，咁大雨，去邊度都麻煩啦~都係寧願早D番酒店沖番個涼舒舒服服~

去到三亞市區，大雨到水浸呢~

待續

前往其他中國旅遊blog

Comments

comments