第二日o既行程至係戲肉所在，其實今次專登嚟中山都係想去新開o既長江水世界，亦因為呢間雅居樂長江酒店o既位置就近水世界，所以就揀咗係度住喇﹗
酒店o既自助早餐少少失色呢~咁靚咁新o既酒店，應該配上精緻少少o既自助早餐~要好好向三亞o既Hilton學習啊~大家都係五星級~
只要步行幾分鐘就去到長江水世界了，一大早，人都唔少啦~我哋買好門票(人民幣80大元~)就入場了，奇怪o既係，locker居然係更衣室外面喎，所以要放好東東，先至去更衣室換衫，換好衫又出番去locker大堂再出去遊樂區，更衣室又通唔到去游水o既地方喎~
更衣室一出嚟就係「雨林部落」，其實係俾啲B玩o既區，有不同程度+不同長度o既滑水梯，要刺激有刺激，要溫和有溫和~又有遮陰o既地方，都好適合啲媽媽遙遠地望住佢哋啲B~
過去愛琴海灣，其實係人造浪嗰啲，舊陣時海洋公園o既水上樂園都有~每15分鐘就會開動一次~而家新開o既水上樂園o既人造浪好似都冇以前水上樂園o既咁勁？﹗抑或因為嗰陣我細個所以覺得好激呢？
為咗今次個trip，都有少少專登買咗多部新相機，係Sony o既TX-05，賣點係可以潛水3米~試下呢個function先~哇﹗因為total internal reflexion o既緣故，影唔到個頭添﹗好恐怖~似乎要水底影，最適合o既情況都真係去浮潛呀、潛水甚麼的嗰陣，要成個人係水底至影到~
「飛越彩虹」，day形容呢個o既feel就好似去大阪Universal Studios嗰個「Hollywood Dreams過山車」咁，歡樂度好高，但驚嚇度同嘔吐度都好低，我讚成﹗大家趴係張蓆上面跣落嚟，都好快速o架，爽呀~箭嘴指住o既就係我了﹗
過去好多滑梯嗰，逐條排隊玩先~
外面有呢個「舞動噴泉」，啲水間歇性噴上嚟，都幾開心~
呢張條滑水梯都好正，又係歡樂度高之作﹗藍白間條呢個係「巨浪飛舟」衝落去嗰下都幾離心o架~旁邊黃白間條嗰條係「深海旋渦」，係個旋渦度轉咗好多個圈至跌落去，好似好抵咁~:p
好鍾意呢張﹗:)
餓餓地，去食嘢先~話時話，我哋著住泳衣泳褲，啲$$放係邊度好？最初以為呢啲新開o既水上樂園會好high tech，隻儲物櫃錶就有晶片，可以record你o既消費之類，好似上次去東京o既大江戶溫泉物語咁…點知…
原來係low tech之作﹗一人派一個膠盒仔，可以塞啲錢落去﹗啲銀紙真係唔濕o架~都算low tech之中o既high tech﹗哈~我都幾鍾意呢個喎~
個餐廳差差地…冇乜嘢食~啲飯都唔係太吸引，結果食咗個唔太好味o既杯麵…點解出前一丁杯麵都唔好食o架？居然有唔好味o既味精？﹗返到香港要食下合味道杯麵，挽回下對杯麵o既信心先~
下午我哋先租水泡，可以揀單人、雙人or三人水泡，我哋少有地揀咗兩個單人，感覺好似free啲咁~
玩呢個「叢林漂流」其實有少少搵自己笨…因為…實在太晒了﹗漂下漂下好似好過癮咁，但因為冇乜樹蔭，所以怒晒我哋expose o既皮膚，我相信我番嚟之後o既sunburn絕大多數原因都係呢個﹗因為嘛，面、膊頭、手臂、小腿有曬傷，但肚仔、大脾同埋背脊就冇乜﹗
「長江水世界」值得推薦嗎？以兩日一夜的短期渡假來說，你喜歡「御溫泉」，還是「長江水世界」呢？
[版主回覆08/05/2010 19:06:00]replied
更衣室去唔到游水o既地方真的差左D~ 整體都好好玩~ 不過遲D人多，可能要等到爆炸!! 人力車好坐到訓著!!
[版主回覆08/05/2010 19:07:00]replied
~你們吃的出錢一丁杯麪會不會是冒牌貨？
~看到那個low tech起來又幾high tech的膠盒，我爆笑了至少一分鐘！
~看到你的blog，我想起我們早前一齊去過的水上樂園，但忘記在哪裡，當天的情景一幕幕出現腦海，很想再去一次呢。自今年二月在郵輪上游過兩次水後，一次也沒有下過水呢！
[版主回覆08/05/2010 19:10:00]replied
Hi ~ 想請問你由水世界去返孫文西路步行街打的要幾多錢呀 ?
另外你 book 間酒店幾多錢一晚呢 ?
Thanks !!
[版主回覆08/05/2010 19:14:00]replied
Re爹爹: 都可以去下玩下呀~水上樂園你expect o既玩意佢都有齊o既~而且好新淨~安全措施亦做得足﹗不過啲配套設施就差少少囉，餐廳麻麻地，更衣室又麻麻地咁~ 兩日一夜o既短trip？hee，御溫泉留係冬天去吧﹗夏天可以去呢個~
Re day: 我唔明點解唔設計到方便人多啲~反正佢又唔係改建，想整成點都係啲建築師自己諗出嚟之嘛，方便到人唔係更好麼？ 我哋嗰日ok呀~ 係因為你太眼眼吧？﹗
Re媽: 冒牌？我都覺得有機會，冇理由味精會唔好味~ 哈哈，我形容得好吧﹗ 嗰次係珠海o既夢幻水城嚟o架~ http://hk.myblog.yahoo.com/november111/article?mid=7708 搵日我哋又去游下水~
Re小魚: 搭的士exact幾多$$我唔係好記得噃，唔貴，應該20-30左右吧~ 我哋book間酒店$780一晚，係攜程網book o架~坐係屋企click click click就plan好個trip lu~ http://big5.ctrip.com/
義順牛奶係邊嫁??有無地址?
[版主回覆08/27/2010 12:41:00]replied
Re包包頭: 沿住孫文西路步行街一路行入去，過咗最熱鬧嗰段，過埋馬路，義順牛奶就係馬路o既左手邊~確實地址我又唔知bor~
「巨浪飛舟」同海洋公園既滑浪飛船比較,衝落去果下邊個勁d呀??
[版主回覆09/19/2011 11:25:00]replied
Re yk_Pang: 你好呀﹗歡迎你嚟到我個blog~ 咁遲先回你唔好意思呀，因為太忙了，所以近埋都疏於管理我個blog~ 其實好難比較o既，因為滑浪飛船係機械遊樂設施，而巨浪飛舟就係單純o既坐水泡滑梯~ 巨浪飛舟感覺就飄啲、離心啲囉，滑落去時順丫嘛，所以感覺應該暢快過滑浪飛船~ 你有冇去到長江水世界？