每日一日去到十一點幾到下晝四點左右都係入園o既高峰時間，去到周圍都係人人人人人人人人人人人人~~~~~~~~~~~~~~~~~點樣可以好好運用時間？我都冇乜好suggestion，但真係太長o既隊要避免，同埋隊要識郁o既至好排囉，另一個option其實係去睇下show~我哋第一日o既下晝至黃昏時份，去咗睇咗啲唔駛點排隊o既館，所以先創造就出一日行18個館o既紀錄~

係浦西呢邊o既D、E區，我哋行咗國家鐵路館~

和諧號列車~其實平時返樟木頭都成日搭佢o既「真身」，不過又真係未影過相喎~

入面展示咗好多個大城市o既新o既、浮誇o既大火車站~又有講下中國o既列路歷史~

小茶座係火車o既餐卡設計嚟o架~

去到呢個時間，我哋兩個都已經好累好累了，坐船過去浦東，兩人都係船上呼呼大睡，儘管只有10分鐘左右o既航行時間…不過嘛，呢黃金10分鐘，已經為我哋充番電，之後先可以繼續衝衝衝﹗

過番去浦東呢一邊，去咗歐洲區o既「秒殺館」，基本上每個館o既排隊時間都係20分鐘之內﹗當中包括：塞爾維亞館、摩納哥館、愛沙尼亞館、烏克蘭館、愛爾蘭館、土耳其館、希臘館﹗

塞爾維亞館主題係時間，因為製作日曆o既問題，令呢個地方每唔知每年會多or少兩秒？唔係好記得添，但佢就有個大screen，訪問咗好多國民，如果有兩秒，佢哋會做啲咩咁~場館o既正中間就有呢個大時鐘~地上豎出嚟o既一支支嘢，有音樂播o架~

塞爾維亞館o既外型就好似積木咁~我蓋到章啦﹗講起呢個蓋章問題，有樣好瘋狂o既東東叫做「世博護照」，其實我哋未出發已經知道，每個館都有得蓋個紀念印仔，所以我哋第一日去南京路時，已經係指定紀念品店買定本護照，準備入園蓋印仔~點知咁唔爭氣唔記得帶喎﹗結果我咪蓋落呢本書度囉，其實仲好丫，因為有啲館冇護照o既指定頁數，但介紹場館o既書嘛，就一定有屬於佢o既地方~

大家蓋印真係好瘋狂o架，你睇落去就會見到人多擠逼o既狀況﹗

之後去到摩納哥館~

排隊入場時有個大電視，呢個男人係度講佢哋創立o既一個環保基金會，當時都唔知佢係邊個，入到去至知原來佢係而家摩納哥o既國王﹗仲係一個滑雪o既運動員？

原來摩納哥係F1賽車o既比賽場地嚟o架，真係唔講都唔知，因為我哋唔係呢方面o既fans吧~

愛沙尼亞係邊？

係度﹗呢個館真係要特別介紹﹗事關我哋本來咪好累、好頹o既~入到嚟愛沙尼亞館之後精神為之一振﹗因為好搞笑o既事發生咗~

入面一大幅牆o既巨screen播住佢哋一個合唱團o既片段~開頭唱啲佢哋方言o既歌…後來…

居然唱普通話o既「茉莉花」﹗wow~~~~~~~~~~~~

咁都不特止﹗

場館入面仲要有好多支咪﹗大家可以一齊唱﹗有啲人係會專登行過去唱o架~當然走晒o音既人都有啦~我哋笑完一輪之後就精神晒﹗

呢啲七彩繽紛o既豬豬寄托咗大家唔同o既願望~

秒殺館之中，有好睇o既館，亦有唔好睇o既館~

當中唔好睇o既數一數二都包括呢個烏克蘭館…

入到去之後…吓？呢度係出口o架嗱？﹗轉番身嗱嗱聲影番張相先，唔係入過嚟做過乜都唔知﹗﹗

接住係愛爾蘭館~

外型設計線條好簡單，外牆係通透o既大玻璃~

Kelvin話，館有兩大類，一係就係「show off類」，例如日本館、德國館、中國館呢啲，show off啲新科技~另一類就係「旅遊博覽類」，愛爾蘭館就係其中之一喇~

咁佢旅遊博覽得嚟都幾成功o既，我睇完佢啲圖片真係幾想去下~:p

呢個紅色一個個洞洞o既係土耳其館~

累到頂唔順o既day~

土耳其館都幾好，裡面展示咗好多文物，講好多歷史裡面o既城市、建築~不過裡面好暗、人好多，所以都影唔到啲好相俾大家睇~

有土耳其雪糕﹗師傅係用枝長長o既柄嚟裝雪糕俾你o既呢~好有風味﹗不過我哋因為打算之後去食飯lu，所以都冇食到~

哇，排隊蓋印呀~~~~~~~~~~~~好多人﹗day又係由得我去同人逼了﹗可惡~自己就係外面影我狼狽不堪o既樣子~

待續

Comments

comments