30-9-2012:三亞悠閒遊day 1(part 1).重遊亞龍灣

又上一個韓國trip o既blog blog又「暫時」爛咗尾添,我遲啲要補番打﹗等我丫~每一次重新的起心肝要打blog,又係因為去完一個新o既旅行返嚟囉~今次難得十一假期連埋中秋,唔駛請假都可以去到三至四日旅行,太好了~我真係要放一放鬆丫﹗考慮今次目的地去邊都有好幾個諗法,開頭想去曼谷,事發之前做過spa,上癮了,好想去泰國大做特做,但因為決定去旅行都有少少遲,班機時間唔係好啱,又超級貴~另外近近地都可以去越南,但得三至四日,又去唔到陽光海灘o既relax假期lu bor,去越南都只能遊城市,咁咪越去越攰囉~台灣又好似成日都去咁…最後決定重遊海南島o既三亞﹗其實數落數落都總共去過三次,第一次2009年同爸媽去(可參閱blog21-9-2009:三亞day 1 (part 1).初抵亞龍灣及其後都幾篇),第二次就係去遊輪o既其中一個停站(可參閱24-2-2010:海洋神話號day 5.再訪海南島三亞.郵輪say goodbye)~三亞好處係機程短,只係一個鐘鬆啲,咁近又可以有咁高質素o既resort + 靚海灘我真係諗唔到仲有邊度~有人對於「去大陸」有抗拒,事實上三亞市真係尤如絕大多數的大陸城市差唔多,但入住resort就會變成去到國際級的感覺了~因為希望往返時間flexible啲,我哋決定深圳機場飛~以我哋住屯門咁計,其實去赤鱲角機場同去深圳寶安機場都唔差得遠,坐B3X到深圳灣口岸,轉機場巴士8號就抵達,因為算係內陸機,check in、入閘又比較簡單,所以不失為一個好o既選擇,而且網上訂票又簡單方便~今次我哋呢個trip book機票酒店都係屋企自己搞掂﹗

抵達三亞鳳凰機場了﹗今次我哋坐海南航空,都算正常啦,仲有超簡便飛機餐wor~(熱的雞肉包包﹗)因為只係去三日兩夜,行李唔多,我哋冇寄倉,落飛機直接就可以出機場了~

我話時間咁早,提議不如坐巴士,反正見機場有直接去亞龍灣o既巴士,我哋之後又好大機會會淨係留係resort唔再出嚟咯,就不如去呢個「天下第一灣」度望下啦~坐巴士…坐成個幾鐘﹗真係oh no no~

不過都有好處o既~沿途就已經可以睇到靚靚o既三亞灣~

沿途仲見到呢個咁歷史性的banner,三沙市成立﹗影低佢先~

我哋坐咗個幾鐘,終於去到亞龍灣了﹗﹗﹗亞龍灣屬於國家級AAAAA旅遊區(即最高規格),確實都非常水清沙幼~ 🙂

但今次勁多人丫﹗簡直水洩不通﹗我哋落巴士o既位置仲要係水上活動中心o既範圍,周圍係人、人、人,好嘈+好濃o既烤肉味~

行出去碼頭透透氣啦~

今日天氣都唔錯~

其實個灣好長,但因為水上活動中心呢一帶封到通唔到去灣o既其他位置,所以我哋被困咗係個小小o既地方…我哋都決定此地不宜久留~

嚟到熱帶地區,梗係要飲個椰子啦﹗可惜亦係好彩,最後我哋淨係飲個呢一個椰子咋~之後就再冇機會了~

下一篇我哋就入去resort啦~

待續

前往其他中國旅遊blog

Comments

comments

在《30-9-2012:三亞悠閒遊day 1(part 1).重遊亞龍灣》中有 5 則留言

  1. 自從好多年前係珠海飲過一個唔凍既椰青之後,我都唔係好敢係大陸飲椰青,今次係廈門見到好多次都忍住無買…
    [版主回覆10/09/2012 19:28:57]今次都係涼涼地咋~因為人流太多雪唔切吧,正如世博入面都飲唔到凍o既汽水﹗

  2. 睇到你呢編旅遊後感,我有新既睇法,以前我不喜歡中國,由於身邊的朋友常跟我說,以前中國與現代不同,我問佢地有乜唔同,佢地只係話總之唔同喇…
    現在睇到你一而再再而三到此處,攪到我好想去下,
    我想問多少少,
    1)由深圳飛三亞需要多多個鐘?
    2)去到交通方便嗎?
    3)四日三晚自編行程可以嗎?
    4)食物與泰國相似嗎?
    太多問題了,Sorry
    無論如何你改變我的睇法,多謝!
    [版主回覆10/09/2012 19:28:20]你好﹗歡迎你哋我個blog~
    深圳飛一個鐘多啲啲啫~你可以上去攜程網直接search下班機,深圳飛的話班機好密,好多選擇~
    市內交通就麻麻地方便咋~如果唔想花太多時間搭巴士,都係的士最方便+唔駛煩~
    我第一次去就係自遊行去四日三夜,可以參考一下﹗第二次因為係遊輪泊岸,所以得一日~今次我哋就主要stay係resort啫~
    食物呀…係中國地方,市內都係中國菜啦~國際級的酒店當然有幾間餐廳,乜菜都有,但你要expect國際級o既酒店,價錢亦係國際級~你可以留意我之後幾篇blog blog的~

  3. 真開心又看到你的旅遊篇,本來我也想跟何生於11月去,但最後都擱置,現在看到也有衝動旅遊,希望阿女回來跟我們一起去吧!Waidy
    [版主回覆10/10/2012 22:24:33]原來係你嚟o架?﹗:p我都唔知道添~ 🙂

  4. 相信是不會飲到凍的椰青! 因連可樂都是涼..~
    環境天氣都很好,不過太多人了,應游不到水啦! 同屯門泳池一樣多人~
    [版主回覆10/21/2012 23:22:08]好在入到resort好少人,超鍾意個大大泳池~

  5. 三亞的海漢,就鏡頭所見,人還不算太多。中秋節那個晚上,在黃金海岸見到的人潮,才叫人望而卻步。
    [版主回覆12/19/2012 12:05:14]始終三亞灣好長嘛~

發表迴響

你的電子郵件位址並不會被公開。 必要欄位標記為 *