第二朝好早就起身lu~morning call其實係七點鐘，但六點鐘矇矇矓矓之際聽到爸媽話要出去行下，哇，唔好漏低我呀，我又要去，咁就冇賴床，急急忙忙起身梳洗了﹗

「晨運」完畢﹗其實都只不過係我o地自己o個間小木屋附近o者~

出門口lu~呢度咪就係我o地住o個間小木屋o羅~真係俾森林包圍住o架~

哇~山、水、世外桃源﹗

風唔大，所以水面好平靜，倒影先可以咁靚~

我o地半行路半搭小火車，去山腰o既「外婆家」食完早餐，就正式開始睇盤龍峽景區lu~我o地要行大約一個半鐘o既步道落番山~

盤龍峽出名o既就係瀑布群，有大有細，有闊有窄，各有各o既型態，各有各o既美~

呢個瀑布就走澎湃路線﹗

靚靚大合照~

其中一段路有水車群，不過呢，裝飾居多，係呢D深山嘛，都冇田地需要用到水車去灌溉了~

爹爹遠遠的影我o地~

我o地落山o個段路其實仲有D刺激玩意o架，一個係「空中飛人」，即是沿住綱索，由一個山頭滑過去另一個山頭，都真係幾驚，舊年港姐拍外景咪要玩o羅，售票亭個電視機不斷咁播放o個D片段~另一個就係激流，但而家好似冇開放呢~

轉眼間就落到山腳啦，係個招牌度影張「到始一遊」相先~

山腳有得住薰衣草木屋，話因為D薰衣草係變種，所以而家呢個時節都開花o羅~住係度真係好浪漫啊，俾薰衣草圍住﹗下次再o黎一定要住下~

再見啦，盤龍峽﹗

下一站我o地去到「金林水鄉」~

金林水鄉係一個有七百年歷史o既古村落，有孔子o既後人住係度o架~

村口o既兩旁又有好多好多好多好多o既柑樹了~

村子入面有好多古老o既房屋，雖然呢度變成遊客到訪o既地方，但依然有村民住係度o架~

去到一個位置，有D女子表演歌舞俾我o地睇~家姐個blog話，有少女表演…但其中一兩個係中女…我睇到時哇哈哈哈哈咁笑o左出聲﹗

笑到見牙唔見眼，咪就係因為有豐富收獲o羅~買o左手信﹗有好味道o既酒糟花生同埋柑皮製o既鹹濕o野~呢個時間唔係柑o既收成期，但我o地都可以享用柑o既產品，中國人真係好聰明呀，識得物盡其用﹗我o地係後面o既永盛酒坊試o左著名o既「巴戟酒」，但…好難飲﹗可能因為細路女唔識欣賞吧？﹗

旅行團贈送o既豆腐花，價值RMB$1，都好滑呀~

村子周圍都係走地雞﹗

影咩？右下角o個個小伙子係我o地旅行團o既領隊甘仔，佢都有買手信呀﹗明明佢話自己o黎o左好多次o架，即是D品質真係好good~

有村民賣攤子賣牛奶蕉，犀利咯，居然係直接係個樹幹度割出o黎﹗我o地買o左一梳RMB$3之後，佢話俾多RMB$2就俾埋左邊o個D我o地，哇，如果拎住成碌咪好有型？﹗結果都冇買~邊度食得晒喎~買蕉就可見民風純樸，明明可以見到遊客抬高個價，但佢o地都仲係賣得好平喎~

其實今日未完o架，不過因為yahoo blog只准放20張相，我係day 3 o個度講埋之後o既o野啦，反正都係相關o既~

待續

前往其他中國旅遊blog

Comments

comments