繼續珠海澳門之旅o既第二日，schedule o左o既活動就只有去「夢幻水城」一項o者，我o地呢D自由行係非常自由o既﹗因為今次主要係渡假性質啦，所以都唔會逼得太緊，唔想趕行程~

所以都唔會太早出發~係酒店等車接送時影張靚靚插花先~

我o地上晝就去夢幻水城啦，自從海洋公園o既水上樂園執o左粒之後，要玩water park好似難o左好多咁，一定要去外地~長隆o個個我又未去過喎~umum…印象最深刻最好玩o既應該係美國orlando o既disney world入面o既三個water park了，我第時一定要再去呀﹗

雖然珠海唔係協辦城市，但周圍都有濃濃o既奧運氣氛呢，呢D係附近o既學生畫o既畫o黎o架﹗福娃好可愛~

係夢幻水城入面就冇乜影相，俾張介紹o既板板俾大家睇下o個度有咩玩啦~

其實有少少「略」水，已經俾o左咁多入場費入去，但玩部份遊樂設施要用到水泡家嘛，又要再俾錢租水泡喎，咁都去到咯，冇理由唔玩家嘛，唯有租o羅~我o地一開始就玩o左要用水泡o個D先，好似飄流河呀、激流河咁，但係…點解個激流河一D都唔激o既呢？但沿途牆壁上寫o左D圖畫，D內容係「太刺激了﹗」，又話者係「你真勇敢﹗」…吓？﹗不明所以…心諗，有幾勇敢呀？﹗後來我o地明白了，晏晝再去時，D浪真係大超多﹗原來朝早遊客太少，佢o地未開電呀﹗所以「飄流河」同埋「激流河」一樣咁平靜﹗真係oh no no~估佢唔到…

玩到中午之後大家都累累地啦~我o地係夢幻水城入面食o左個湯粉lunch再hea多一陣就離開lu~玩過最好玩o既water park始終都係美國florida o既disneyworld入面o個幾個，第時一定要再去呀~到時同埋day去~

我o地出到o黎之後又去番中藥谷，不過今日唔係入去浸，而係去按摩，今次個holiday大家都好想relax relax，既然唔知道珠海邊度做按摩好，咁不如就試試中藥谷o既啦~結果都幾好，值得推薦，而且價錢都相宜~

既然係走悠閒路線o既假期，不如去嘆個tea添啦~我o地漫步街頭發現呢間靚靚地o既cafe，umum…其實我o地俾佢o既下午茶餐餐牌吸引入去，但結果已經過o左鐘﹗太過份了，又唔收番個餐牌入去喎~唔，唯有散叫啦，我o既椰香凍咖啡，最大問題係唔夠凍﹗大家share o既西多士都唔錯o既~

距離奧運越來越近lu，周圍都好有氣氛呢，我o地酒店外面都有個倒數板板﹗

接著落o黎o既活動係…

打保齡﹗

呵呵，我o地冇一個人係專業o架，完全唔擅長，但既然度假村有免費coupon可以玩，何樂而不為？我o地仲專登為o左打保齡一人買o左一對襪，哈哈，anyway，對襪第時又可以著番o既~

last but not least，估唔到晚飯都有驚喜﹗我o地諗住去度假村附近揀一間餐廳o黎食之嘛，點知有間睇落超正宗o既印度餐廳喎~我大叫要入去試試，打開餐牌真係熟悉o既餸名呢~因為冇乜用我部相機影相呀，details不如大家去我家姐個blog blog睇下丫~除o左食物好「懷舊」之外，居然仲有跳舞表演睇添，一大surprise呢~非常好﹗

待續

前往其他中國旅遊blog

Comments

comments