6-1-2007:夜裡的海洋公園x歌手演出

補寫番呢日o既日記先,一月六號﹗angela唔知點解可以訂到飛參加一個支持版權法o既活動,一方面可以以超低價入去海洋公園玩啦(因為function係o個度搞),另一方面又可以睇歌星表演,更重要o既係,要預祝angela生日快樂呀~~~~~~~~~~~~~~~~~~~~~~~~~~

原本想朝早去做埋gym先meet佢o地,但結果偷o左懶添~唔夠早起身,mi-mi-mo-mo,趕唔切啦~所以係屋企撻皮撻o左一個早上﹗唔緊要啦,o岩o岩開block o者~所以都係係屋企上下網、睇下書咁o羅~

我o地首先約埋一齊係time square食lunch先~我差唔多到時接到angela個電話,佢話要遲少少先到,本來呢件事都冇咩問題or特別,最搞笑o既係個原因,佢話:「rita,我坐o左o架賊船呀﹗﹗﹗」呵呵,原來佢坐o左駕車駕得極度慢o個位老伯o個部31號小巴﹗咁就當然會比原定o既遲啦~佢開車平均速度係30km/h﹗破壞o左一般小巴必須要「亡命」o既規矩﹗結果係citysuper個food court度食,都幾好丫~

都冇乜點逛就要出發入去海洋公園lu,我o地可以4:30pm入場,個show 7:30pm開始,一個鐘左右,之後可以玩到10:30pm﹗真係超抵

係正門入海洋公園,睇o左熊貓先啦~安安同佳佳今日都好活潑﹗兩個輪流表演俾遊人睇~

正門o個邊都冇乜其他特別啦,所以我o地都幾乎即刻坐纜車過去山上面lu~

重要新景點:水母館﹗

未入水母館之前發覺呢個觀景轉轉就快開動,我o地趕過去搭埋先啦~

睇水母睇水母﹗唔好睇佢o地咁靚呀,好凶狠o架~係langkawi就被襲擊過了﹗唔知係邊個品種呢?

久違了o既救火game,原來同時係我同angela細個時o既favourite﹗用水柱射D target就會郁,好過癮的啊

玩o左一連串o既機動遊戲之後就要買o野食準備去海洋劇場睇show lu~排隊買麥當勞時有段小插曲﹗哈,因為麥當勞要收工,咁就派o左一個年紀好輕,戴住colour con o既小胖子出去截龍,佢D溝通說話技巧真係好差,差到我o地好想拔刀相助幫佢講,佢最初企係排隊圍欄o既最外面,希望阻止D人入去圍欄裏面排隊,結果D人冇理佢成個人捐過D欄企入去,於是佢改變策略,直接排係隊尾,出事啦~然後佢同D新加入隊伍o既人講(註:係原裝句子):「冇包賣個lu喎,你o地排都冇包食個lu喎,因為入面唔會再整包,賣晒呢D就冇o架啦~」哎吔吔,點會有人講樣講o野o架?﹗其實只要講:「唔好意思呀,我o地要收舖啦,食物都已經賣晒,麻煩你o地去其他舖頭買o野食啦﹗」咁咪ok o羅~最搞笑係D人唔理佢,照排係佢後面,咁再後面D人直情唔知道中間有一個渺小o既佢係度添﹗咁佢咪俾入面賣包D姐姐鬧o羅~D阿姐們又奇怪,又會serve緊客人又係counter裏面嗌出o黎鬧佢o既呢?係咪應該經理放低手頭上o既工作,然後直接出o黎處理呢個難堪o既局面呢?總之一團糟啦﹗好在我o地排係截龍o既位置o既前面,都順利買到4人份o既食物,但想食o既包就買唔到啦~

去o左海洋劇場享用辛苦買番o黎o既麥當勞包包~

節目開始lu~首先睇o左海洋劇場o既海豚海獅表演先,之後有D致詞呀、頒發紀念品之類o個D之後就係歌星表演o羅~成個show最紅o既咪何韻詩o羅~但唱o左一首「光明會」咋~佢都有又唱又跳o既,但台下反應一般~

仲有鄭融啦,唱o左兩首歌~

謝安琪~其實好聽o架,但唔夠搶o羅,D人見唔係好識佢,好多人係呢個時候走o左呀,好慘呢~

最尾係EO2﹗本來對佢o地冇感覺,總之只要係幾個(其實我本身唔sure有幾多個)男人,當中有一個係光頭o既,咁呢堆男人就係EO2﹗好似時時都有佢o地,但我又未睇過佢o地演出喎~原來好好睇o架~唔係特別靚仔、唱歌唔係特別好聽,跳o既舞唔係特別有型,但總之佢o地o既演出好吸引啦,可能係夠動感,夠跳躍吧﹗總之睇得人開心﹗雖然佢o地算係唔係太紅,但氣氛反而最好喎,好多觀眾,包括我o地都企o左起身跳﹗很好嘛~

睇完show繼續行程﹗夜晚o既摩天輪好靚呀~

景係好靚o架…但呢…超級凍呀~~~~~~~~~~~~~~

見咁高興,都玩下攤位遊戲啦,本來都冇咩期望,我o地掟波波,掟到最後一個時dor竟然中o左細獎呀﹗犀利呀~但個禮物呢…見到佢手上o既公仔嘛?咁難掟中都得咁細個咋~慘~

咁睇得清楚少少啦,係超細粒o既熊

10:30pm開始走,但大樹灣o個邊走唔到呢,又要搭番纜車過正門o個邊走,真正離開海洋公園都要10:45pm了,冇搭貴貴遊客巴士呀,行o左出去香港仔隧道口搭其他車,原來真係抵好多喎,遊客巴士出金鐘要$10.8,我而家搭小巴出銅鑼灣$3就得啦~

結果番到金風都好夜lu~10累呀~

Comments

comments

在《6-1-2007:夜裡的海洋公園x歌手演出》中有 2 則留言

  1. 安安全全都很好麻~ angela 是電了個頭麼?!~ 真的差差gweg 的經理呢…. 有獎!! 很好麻! 不過好似不太cute :p

  2. Re day: 真係慢得好交關o架~你坐過就會知道慢得有幾離譜﹗ 係呀~幾靚呀可? 成間分店都差呀~ 就是嘛,所以掟中時超興奮,但拎o左個獎品出o黎時有少少失望呢~

發表迴響

你的電子郵件位址並不會被公開。 必要欄位標記為 *