如果去世博，無論幾攰都好，真係要留到夜晚黑，起碼一晚，因為世博o既夜景嘛，好多館一著起燈都好靚~而且世博入面咁多餐廳，要留夜啲先可以食多餐嘛~呵呵~

我哋就係某個地方食飯時影到荷蘭館o既夜景~

我哋去咗羅馬尼亞館o既瑪利亞餐廳食dinner~

餐廳位於球型場館o既高處，居高臨下，餐廳都好闊落~雖然食物唔算特別好味，價錢亦冇德國館餐廳咁「高級」，但坐得反而舒服好多喎~可能比較少人專登走上嚟食飯吧？

我哋叫咗兩份set，set o既價錢人民幣88蚊起，有湯、沙律、主菜、甜品，都幾抵食，不過嘛，雞翼嗰個就平凡少少~

最搞鬼係呢個主廚推薦o既菜牌囉，米飯居然係主廚推薦？﹗哈~

之後去咗加拿大館~

零排隊呢，係咪因為位置偏遠？雖然都靚靚地，但如果要排長龍我又覺得唔係太值了~因為內容唔算好充實~

呢個都幾過癮，你踩架單車，就會見到沿途o既風景，踩得快就去得快，踩得慢條片就去得慢~就由唔識踩真單車o既day去試玩啦~佢又悠悠閒閒地踩，果然睇到多好多detail~

波蘭館—-

通花o既設計非常靚~

印象最深刻o既，莫過於展示咗好多選美o既video，城市生活，波蘭小姐選美~

瑞士館~見到有得坐纜車，我哋決定之後嗰日o既morning dash要dash佢了~

時間越嚟越晏，仲有冇地方可以去呢？我哋發現一個21:55都仲可以入場，非常搏盡o既館，就係丹麥館~

外型係通透o既小圓點…

裡面係打圈圈上去o既迴旋設計~

重點…當然係去睇下千里迢迢由丹麥過嚟o既小美人魚啦~

小美人魚，8271公里長征~

居高臨下都可以望到遠處o既景觀~背後o既係碗狀o既芬蘭館~不過我哋都冇機會入過去參觀呢~

丹麥館裡面可以踩單車，不過夜晚就冇開放呢項設施了~

累得不得了…發現行咗長長o既一日之後，兩條腿唔算好累，但係腳板底超痛，後來媽咪著咗有air o既波鞋去世博，完全冇呢個問題，所以嘛，大家去世博，打算好搏盡咁玩full day的話，一定要著有air o既波鞋去呀~

待續

Comments

comments