1-5-2014:銅鑼灣的Gaudi之旅

係Facebook見到大朋友轉載網頁,講係時代廣場有聖家堂,我即刻同day講我哋一定要去睇了﹗正好要回味一下我哋舊年十一月嘅西班牙之行~去西班牙個trip有好多靚靚的東西睇過,好多寶貴嘅文物古蹟,但其中一樣最震憾我哋嘅,莫過於Gaudi嘅多項建築工程了,因為佢真係個天才﹗我哋唔係啲咩建築人美術人,咩建築方法、派系都唔係好識,但可以知道嘅係,入到去佢嘅建築覺得好舒服、好靚,就係咁簡單﹗所以知道係銅鑼灣有佢嘅聖家堂、奎爾公園、米拉之家呢啲我哋去過嘅哋方,梗係要再嚟朝聖一下啦~IMG_3945

嚟到先見到熟悉的,呀⋯呢個人頭仔係邊度出現嘅呢?yeah,係米拉之家嘅屋頂丫﹗SONY DSC

大家可以睇一睇半年前嘅真身﹗(請參閱:3-11-2013:西班牙day 4(part 3).建築奇才高第之米拉之家)米拉之家係Gaudi當時設計嘅豪宅,整個平面都圓嘟嘟的,裡面設計著重透光、通風~IMG_3946

呢條睇落有啲陌生嘅彩色柱子⋯umum⋯我哋冇錯,因為我哋係未去過的﹗真係撞鬼~嗰陣去到Time Square明明睇咗呢條柱係出自邊度,而家已經唔記得了~IMG_3948

大家唔會唔識呢條咁出名嘅salamander吧﹗佢係奎爾公園嘅標誌啊﹗影相影出嚟好似差不多咁,不過摸上手呢嗰就膠做的,唔係真正嘅瓷磚鋪成~SONY DSC

雖然話銅鑼灣真係好多人,我哋參觀Gaudi展嗰日雖然係公眾假期,但可能時間早吧,其實人流冇真正嘅奎爾公園嗰日咁多人~所以係銅鑼灣可以摸住佢嚟影,但係現場只能遠遠影咯,因為逼唔到埋去呢﹗(請參閱:3-11-2013:西班牙day 4(part 2).建築奇才高第之奎爾公園IMG_3951

Gaudi嘅作品都非常多亮麗嘅色彩同埋圓弧嘅線條﹗IMG_3952

當然唔少得文字嘅介紹啦,見到呢度譯Gaudi做「高廸」時,我心裡面諗嘅係,我係個blog度係tag咩譯名呢?會唔會因為只tag「高第」而少咗點擊率呢?哈,諗埋啲無聊嘢⋯sorry~IMG_3953

戶外展覽嘅全貌﹗大家睇上去好似全部東西都由西班牙搬咗過嚟展出咁,其實佢哋一舊一舊都係嚟自唔同嘅建築物堆埋一齊㗎~因為我哋係Barcelona只留咗四日三夜,所以都唔夠時間去晒Gaudi嘅所有出名作品呢,佢哋實際上嘛,散佈係唔同地方﹗IMG_3955

入到裡面要睇我嚮往嘅聖家堂﹗呢度有啲藏品係真的由西班牙運過來展出的~呢個小沙包模型展示咗Gaudi點樣計算柱子要受幾多力咁,好叻丫﹗IMG_3956

時代廣場內部整咗聖家堂嘅模型,啲柱真係唯肖唯妙呢,我最欣賞嘅一點係,佢用咗黃色射燈去照啲柱子,扮成好似真正嘅彩色玻璃透光映落去柱子上嘅效果﹗SONY DSC

當然,程度上同真正嘅聖家堂真係差好遠啦,特別係樓底有幾高﹗(請參閱:3-11-2013:西班牙day 4(part 1).建築奇才高第之聖家堂IMG_3957

呢啲玻璃箱入面嘅展品就應該真係西班牙運過來展出的了~IMG_3959

懸高嘅呢個模型,真實地點我哋冇去過,呢個都做得好靚丫﹗IMG_3960要由商場嘅三四樓望落嚟先見到全貌呢~

我啱啱同day講起,我個blog由yahoo搬咗過嚟之後人氣每月增加,其中最重要就係好多人入嚟睇我西班牙個trip嘅blog,我試一試由iphone個safari嚟search,原來search「西班牙旅遊」同埋「blog」,我個blog第三條就出咗嚟啦,勁﹗希望大家認為我個blog helpful啦~day話,你似乎去旅行時已經要諗諗個blog點寫,寫番啲實用嘅資訊係度啦~好的﹗我下下星期二就出發去馬來西班嘅古晉了,因為搵資料時發覺中文嘅旅遊資訊好少,等我去完俾多少少資料大家啦~

大家可以去我真嘅西班牙旅遊blog度睇睇bor~

Comments

comments

在《1-5-2014:銅鑼灣的Gaudi之旅》中有 4 則留言

    • 第一次係旅遊書之中見到奎爾公園就俾啲曲線同色彩繽紛吸引,覺得古靈精怪好得意,係去到現場先會讚歎佢係一個genius﹗

發表迴響

你的電子郵件位址並不會被公開。 必要欄位標記為 *