疫情下的情人節

過去咁多年的情人節,我們也不喜歡到外面湊熱鬧,有幾年也是在家煮飯仔。

今年實在太忙太累,根本就無力再搞咁多嘢,幸好依家有Food Panda,連精緻西餐都有得外賣,今次幫趁藍地大街的thre3concept,好味道。

————————————————

我們的情人節一向都沒有送花的習慣,買花的錢我情願省下來用作旅行經費,不過只要一睇Facebook自然就會見到各式各樣的情人節花束。

今年武漢肺炎肆虐,最珍貴的不再是金銀珠寶,而是周圍都極度缺貨的口罩和各式消毒產品,於是商人就諗出依d gimmick嘢,真係有創意。

HAPPY WEDDING 4500 DAYS

又係要在平淡之中找一些特別日期的時間。

2020年2月7日是我們結婚4500日的日子,恆仔和逸逸特地花了一個口罩出去買蛋糕,可惜我突然要OT,10pm先放工返屋企,唯有先食左蛋糕慶祝再食炑八外賣晚飯吧!

抗疫的日子之街童變宅女

逸逸自小已經是一個街童,非常鍾意出街。

自從武漢肺炎肆虐,一定要戴口罩出街,逸逸就變左宅女,情願留係屋企,因為逸逸實在太討厭戴口罩。

讀N班的時候,經歷了流感高峰期,當時所有小朋友在學校都要戴口罩,當時的逸逸只肯遮住個下巴。讀K1上學期尾聲臨放新年假之前,內地武漢肺炎已經開始非常嚴重,小朋友在學校又是一定要戴口罩,今年有小進步肯遮住個嘴仔。

農曆新年過後,香港的情況都變得嚴峻,口罩唔肯遮口鼻已經唔再好笑,而係唔會俾逸逸出街。結果多番解釋、討論,終於接受左戴口罩要遮埋口和鼻,亦清楚知道出街唔可以周圍摸亦唔可以摸眼睛,不過要讓楊小姐願意出街也不簡單,行程唔夠吸引就會拒絕。

乜嘢係最吸引的行程?唔計去沙灘玩,早前話去買蛋糕都仲OK,依家要去買雪糕雪條先有一定的吸引力。