二零二四年二月二十八日(星期三)
自從見到中學好友阿芝同跑友跑過荃灣西至屯門之後,一直心思思想試下。難得之前因為舞獅返咗一日星期六,可以揀返一日平日放假,這天上午送了逸逸去返學之後就去挑戰了。
搭車去荃灣西站出發
依對新跑鞋係恆仔係澳門買俾我的情人節禮物
今日天氣好好,好涼爽又唔曬。
而且成條路都望住個海,真係好舒服!!
小時候每次搭車經過都要大力聞下麵包香味,記得以前還有一間啤酒廠,依家兩個廠房都係嘉頓要晒。
依度啲麵包會唔會特別新鮮?
從來搭車時都無留意到青山公路原來有個城門設計的大宅,真係要跑步先會留意到細節。
跑到轉車站時仲想繼續,因為本來想跑到黃金海岸,不過可能因為第一次跑超過10K的原故,去到12K開始腳板底痛,當年由5K train上10K的時候都有依個情況,開始痛就係時候要休息,否則傷左跑唔到又上唔到空中瑜伽反而得不償失。
平均配速都係7分鐘樓下,成績唔錯。