二零二四年三月十六日(星期六)
為慶祝公司成立45週年，今年在中環海濱活動空間舉辦綠鐵B動樂日，還協辦由世界綠色組織主辦的地球敢「動」行城市定向比賽，報名費為每隊$250，員工可以報名抽籤有機會免費參加，好好彩抽中咗，於是我地就一家三口組隊參加企業及機構組的比賽了。
搭車出去中環，成日都古靈精怪。
香港站前往碼頭的天橋掛上這些色彩繽紛的畫作，應該主要是為遮擋天橋旁邊的地盤景象。逸逸非常喜歡這幅畫，原來它叫做LIVING DREAMS，主題是展示香港的動感活力，同時融入自然景色及中西區城市景觀。
來到綠鐵B動樂日的會場，城市定向比賽的起點就在會場之內，參加者可憑確認參加電郵內附有的二維碼入場門票入場。我們來得有點早，入場後第一時間先去地球。敢「動」行登記處領取號碼布，之後就可以先周圍逛逛，我們的組別開始前15分鐘才到起點集合。
綠鐵B動樂日會場
入場時每人獲發一張集印咭
透過現場玩遊戲集齊綠鐵B印章可以換禮物。
一入場逸逸就被大型吹氣滑梯吸引住，逸逸話個滑梯好好玩，好可惜只能夠玩一次。
同巨型綠鐵B影返張相打下咭先，見唔見到我們身上的綠鐵B T-恤？係公司預備俾員工的戰衣，逸逸鍾意到平日出街都會拎出嚟著。
綠鐵B又名GREEN T BABY，是MTR的綠色大使。綠鐵Ｂ頭頂有條小幼苗，用來感應綠色行動。而心型的鼻子，代表遇到有需要幫助的人時，會閃閃發光；而法寶袋就裝住綠色環保工具。
依家依三個綠鐵B去咗九龍站，大家有興趣可以去探下佢地。
活動咭除了玩遊戲仲可以換小食一份，我地換左一支棉花糖同埋兩杯爆谷。
逸逸係度油顏色油到唔捨得走
仲係上面簽咗個名添
夠鐘集合預備出發了﹗今次11:30AM依一場比賽全部都係同事，我都遇到相識的人，她一向都熱衷運動，果然我地個時段就係佢個組攞冠軍。
現場才知道各個CHECK POINT的位置，終點設於灣仔臨時休閒站HABOUR CHILL。
比賽玩法
1. 參賽隊伍需在限時90分鐘內自行策劃路線，利用大會提供的電子地圖尋找並到訪不同的「檢查點」。
2. 比賽設有10個檢查點，部分「檢查點」還設有挑戰任務。
3. 每個組別中用最短時間完成所有「檢查點」的隊伍將獲勝。
不過其實路線都好簡單，無乜技巧可言，如果認真比賽的話都係睇下邊個跑得快。
出發前大合照
睇張相就知我地係慢慢行喇~
第一個CHECK POINT
所有隊員必須一同到達各「檢查點」，工作人員先會蓋印確認。
維港TEAM LAB預備中
今次無「跑」的元素，逸逸反而玩得輕鬆。
依個check point要打咭
都真係有跑過下架
雖然依個城市定向比賽同我想像中唔太一樣，不過除了沿路風景好靚之外，最大的好處係會經過平日唔會特登行去的香港地標，逸逸在書學到的東西，今日可以親自到此一遊，感覺真係幾唔錯。
香港回歸紀念塔
金紫荊廣場
到終點喇！我諗全程大約行咗4km。
我們完成了﹗
終點站都有攤位，依個好似叮噹空氣炮的體驗真係超級有趣。
灣仔臨時休閒站HABOUR CHILL的農曆新年裝飾仲未拆，可以影下相。
我們又闖入了迷趣海濱 A-Maze-ing Harbourfront這個活動，逸逸係當中的「躍動迷宮」樂而忘返，仲幫佢改咗個名叫做快樂迷宮。後來上網睇返原來「迷趣海濱」有5大迷宮，仲有以光影為主題的「迷時」、以鏡面為結構的「鏡院」、以竹為元素的「迷走竹林」、以燈光變化組成的「光盒子」，當日都唔係好覺眼，展期到今年7月中，有機會要去睇下。
我地係附近的金記冰室食午餐，之後慢慢再行返去參加綠鐵B動樂日活動。
剛才比賽時行得快沒有留意到依個大牛龜電視機，原來依個藝術品叫做「港」電視，講「家」情，讓遊人通過電視機的螢幕，觀賞維港對岸美景之餘，運用互動視覺的拍攝角度，製作有趣的相片。
因為要趕返屯門返主日學，所以時間不多，本來打算回來玩下攤位遊戲，逸逸選擇要排隊同綠鐵B合照。
咁依個都係好難得機會來的。
又忍唔住繼續油顏色
影下靚相
大鄉里唔識整印水紙，失敗左兩張經人指點先成功。
逸逸鍾意到臨返學之前要洗走印水紙，佢唔捨得到喊呀~
最後我地影埋即影即有相片
仲係度預到同事添~
臨走拎埋選手紀念包，包括綠鐵B索繩袋、綠鐵B水樽以及綠鐵B冰巾，加埋玩遊戲蓋印章又換咗禮物，真係拎咗好多錄鐵B返屋企。