離開澳門博物館,我們跟住GOOGLE MAP向禮記雪糕的方向進發。
經過一間後街的手信舖,職員正在為剛出爐的杏仁餅入盒,立即入手,仲暖架,立即食返一粒非常好味,而且只賣MOP20,真係唔知點解仲要去咀香園同鉅記。
經過舊區的樓梯
一邊行一邊周圍影下相
點影都靚
差不多6PM我們終於見到禮記雪糕了。過馬路之前我在其中一家運動舖睇中了一對跑鞋,但係職員要去附近舖頭拎我個呎碼,於是我地先對面食雪糕,食完雪糕再試鞋。
禮記雪糕幾時都咁正,今次我食咗芋頭同花生,逸逸就食士多啤梨同芒果,恆仔就食密瓜。
最後係仲貼緊紅紙的運動舖選了一雙輕巧的跑鞋,成為了恆仔送我的情人節禮物。
下一站就係吃晚飯,一場來到這邊,就會想起對面斜路直上婆仔屋入面的ALBERGUE 1601。
首先經過望德聖母堂
然後就來到佈置得非常漂亮的仁慈堂婆仔屋,我們還在這兒的攤檔買了一個髮夾給逸逸。
原來依家ALBERGUE 1601是很受歡迎的店,我們來到的時候全場FULL HOUSE。店家建議我們可以去他們的另一家店,還有職員為我們帶路。
跟我們一起去另一家店的還有另一組客人,其實也不知道目的地是什麼地方,只知道走路大約需時十多分鐘。
咦~原來店是開在議事堂前地附近。
我們轉入曾經嚟過搵食的板樟堂巷
間餐廳跟Albergue 1601同系都係食葡國菜的Portucau澳葡坊
薯絲蛋馬介休、海鮮燴飯、白烚雜菜,樣樣都咁好食,而且難得連逸逸都啱胃口。加埋杯SANGRIA,正﹗
食飽飽出返議事堂前地散下步影下相
裝飾得靚靚的澳門郵政總局
去埋對面市政署影下相
影下大桃花
不知不覺已經玩到8:30PM,係時候要返香港,我地係新馬路搭101X去港珠澳大橋,依架巴士都搭得耐耐地,而且無位坐,好在企咗一陣逸逸有個位可以坐下。
9:30PM過完關拎返架車出發返香港,當然又係唔駛俾大橋費喇~返到香港關口時逸逸瞓到要我推佢個臉俾入境處職員叫做巡例望一下,我估依個關口好多小朋友都係咁既狀態,11:00PM前順利返到屋企,今次即興澳門一日遊完滿結束。