二零二三年一月七日(星期六)

從來都不知道原來濕地公園可以賞紅葉，直至今年年初媒體的廣泛報導，我們也立即湊湊熱鬧前往濕地公園逛逛。

半年前來的時間沒有駕車，見到連濕地公園個車場都未滿，仲話附近多咗咁多屋苑停車場下次無理由唔駕車過來；今次再來真係無位泊車，結果要將車泊在天澤村，從天逸站坐兩個站輕鐵去濕地公園。

今日濕地公園真係好多人，要排長龍買入場券。

濕地公園最新推廣的濕地家族

灣鱷‧貝貝

普通翠鳥‧小翠 – 逸逸有本書講翠鳥媽媽教翠鳥寶寶捉雨，原來翠鳥捉魚係好TYPICAL的形象。

仲有彈塗魚，今次先知原來大彈塗魚身上係有螢光藍色的小點。

香港濕地公園歡迎你

一話要去濕地公園，逸逸就話要去玩室內遊樂場 – 沼澤歷奇。所以入到濕地公園第一時間先去拎入場証，我們領取了11:30AM-11:45AM的場次。

玩之前先去個洗手間，原來依家洗手間入面多咗有關動物排泄的資訊，很有趣。

仲夠時間影埋濕地快拍

逸逸第二次玩依個室樂遊樂場，上次爸爸同佢入去，今次輪到我。

上次部份滑梯唔敢玩，亦宥在幼童區的滑梯徘徊，今次連最高的滑梯都唔再驚了。

諗起首爾大公園動物園行人路上的豹通道，我問逸逸會唔會係上面疴屎

玩完遊樂場就開始展開我們的大自然濕地之旅了。

首先探下貝貝先，今次貝貝又回復返成尊佛咁一動也不動，不過上次活躍的貝貝真係好罕見。

一行到出去就見到紅葉喇~

因為驚逸逸凍幫佢打咗底，所以熱到無心機影相~

咁等我影喇~

藍天加紅葉再加倒影，真係好靚喎~

濕地探索中心的紅葉牆都好靚

真係無諗過可以係香港欣賞到依個景，其實樹已經長得這麼高，應該已經存在已久，點解竟然可以去到今時今日先俾大家發覺？

真係好靚

因為有水加了倒影的元素，跟大棠飄香林是完全不一樣的美態。

來濕地公園當然要探下我最喜歡的彈塗魚，看得到螢光斑點，不過好像不是藍色的，牠是小彈塗魚嗎？

終於決定不顧外觀都脫下了外衣，成個人開心返晒~

好多魚呀~

根據媒體介紹，這個時候來濕地公園除了欣賞紅葉，還要欣賞蘆葦。

配埋藍天白雲真係好靚

毛茸茸的很可愛

今次我們去晒三個觀鳥小屋，全部都睇到好多雀。

觀鳥的人也很多

要輪候才有觀鳥的位置

今次都有帶相機，所以影到靚靚CLOSE UP。

逸逸要求食埋兒童餐先走，因為佢記得有啫喱糖。

今年七月的時候逸逸再次跟學校來濕地公園，對於去到濕地公園無得玩沼澤歷奇同埋無得食兒童餐佢話覺得好遺憾喎~

Comments

comments