大約5:10PM，我們終於來到澳門銀河。
我們來到水晶大堂下車，好有氣勢的飛龍在天。
行入去就係我們熟悉的美食廣場，見到個葡撻影相位即刻相食返個~
結果除咗買了三個羅夫人祖傳葡撻之外，仲買多兩支熱維他奶，經過咗三年疫情，原來依家澳門多咗地方可以用香港的八達通付款。
依個葡撻好好味，不過之前都沒有聽過羅夫人祖傳葡撻依個品牌，上網SEARCH一下，原來之前在澳門所吃到的葡撻屬改良版風味，並非完全依照傳統葡國食譜烹製。而依個葡撻就係由「澳門銀河」主廚Chef Andre遵循祖母Rosa（羅夫人）的秘傳食譜引入澳門，由烤焗的溫度、時間，選料及食材比例都跟足晒，難怪說是百年正宗秘方。
飲埋熱維他奶暖粒粒~
仲有得同維他奶影相添~
美食廣場仲見到我一路都好想帶鍾意生煎包的逸逸上大陸食的小楊生煎，依家食得太飽，今次一定要安排去食。
逸逸在澳門銀河有如劉姥姥進大觀園，樣樣都覺得非常新奇，不斷的在讚嘆~
依幾條LED柱連我都覺得好靚
這是「童」在銀河的孔雀小淘淘，主要是宣傳小朋友入住銀河系酒店的特別禮遇。
又有另一條龍，今次係會發光仲會變色的。
係依度學習拜年吉祥說話就非常合適了
終於行到來我們今晚入住的澳門百老滙
房間望海，個VIEW好靚~今次入住雖然沒有包早餐，但係就有MINI-BAR同埋係間CAFE有免費飲品和小食，不過我地無胃容量去試間CAFE。
休息一會兒就出發去食晚餐，我們打算行去官也街。
好有型的賽車手熊
晚餐前去食咗小楊生煎先~
小楊生煎的爆湯指數之高係我和恆仔去上海旅行的重要回憶，兩次去上海旅行都有光顧。第一次食唔熟架步，結果我被濺到成身都係；第二次同埋爸爸媽媽去，特地提點大家小心，結果媽媽仍然不小心濺濕了爸爸。其實第二次逸逸都有份去，只係佢當時太細個無份食。
買咗四個生煎包，逸逸自己食兩個，同平日我地食開的堅信號上海生煎皇唔同風味，不過逸逸話兩間都咁好食喎。