我們由GALAXY出發行路去官也街。
經過澳門輕軌排角站，我一直都好想坐下澳門輕軌，本來諗過食完晚餐可以坐澳門輕軌過去放煙花的地方，不過今日無帶逸逸八達通出來，輕軌又唔係真係非常啱路，下次先喇~
點解依度彩色繽紛咁靚既？原來2023年聖誕至2024年農曆新年澳門旅遊局聯同六大综合旅游休閒企業以《璀璨遊樂場》為主題，以浪漫繽纷的燈光装置、光雕表演及互動裝置，打造出一個夜間樂園。
位於氹仔牌坊的華麗音樂盒
原來只要走上樓梯並到達齒輪裝置感應器前面，就會觸發 LED燈開始移動，不過我們來的時候太多小朋友在走上走落，只見燈光不斷在移動。
好漂亮的鋼琴座椅
小朋友的POSE果然比較自由奔放
好美的樂韻摩天輪
我們向著官也街的方向走去，白色碎石地充滿澳門風情。
好美的花花彩燈
芬達與可樂
來到嘉妹前地的動感電車站
電車上播放著強勁的音樂，逸逸實在忍不住要聞歌起舞。
我們一齊係車上面享受一下音樂
好可愛的長喇叭
我一向都好鍾意食麻糬波波，見到一間叫做SILVER MINE BAKE的舖頭可以專賣麻糬波波咁勁，唔肚餓都要買嚟試下，佢有好多種唔同的口味，我就揀咗WHITE MOCHA，正﹗返嚟上網SEARCH下先發現原來佢係香港舖頭，發跡於梅窩，唔怪知得中文名叫做銀礦烘焙喇~原來係銀礦灣。
一路上見到好多好靚的葡國餐廳，但係今晚係年三十晚，好似食中菜有氣氛啲。
終於來到官也街，依度幾時都係人頭湧湧，幾年無來見返好多熟悉的舖頭，真係有啲感動。
我地都係幫襯返熟悉的誠昌飯店，不過佢重新裝修過，原來誠昌飯店係1960年代已經開業，都算係澳門的老字號。
一講到誠昌名物大家一定會第一時間諗起水蟹粥，不過對於我同恆仔嚟講，依度的椒鹽鮮魷先至係名物之中的名物，每次都回味無窮。
誠昌另一名物係干燒伊麵，不過今晚點都算叫做食團年飯，所以點了鮑魚冬菇伊麵。其實鮑魚冬菇炆得好好食，但係個獻汁浸淋咗啲伊麵令佢無咗干燒伊麵漲卜卜的彈牙感，不過味道仍然不錯，起碼本來話一啲都唔餓完全唔想食嘢的逸逸都食咗兩小碗伊麵。
反而今次第一次叫的酥炸鯪魚球拼墨魚丸就麻麻地，本身粒丸係OK，不過如果鯪魚球可以配蜆介醬而墨魚丸就沾椒鹽吃會更好。
點了一枝蔗汁好清甜，不過逸逸唔多鍾意，最後都係飲汽水。
吃過晚飯出來，官也街街尾的木偶葡國餐廳外牆原來也有光雕表演，澳門政府好明顯沒有理會附近的民居，因為音樂播得好大聲，但係亦因為咁個表演真係好有氣氛~
對面係NIKE OUTLET，我地都忍唔住入去行下，有很好的節扣，恆仔揀啱咗對鞋，又買咗件外套俾逸逸。
本來見到依度有得賣一個恆仔的候選背囊，NIKE OUTLET一向都係買得越多節扣越好，其實加多百幾蚊就可以買埋個背囊，我叫恆仔好好考慮一下。不過原來上次恆仔睇的時候我講過覺得個背囊太大佢會越放越多嘢，因為依個原故個背囊已經早就被出局了。