二零二四年三月十日(星期日)
我地又去玩跑步比賽喇﹗
今次係由香港遺傳性乳癌家族資料庫主辦之年度慈善活動，旨在提高公眾對遺傳性乳癌、卵巢癌及前列腺癌的認識及關注，活動所籌得之善款將用於資助本地經濟有困難之高危家庭進行 BRCA基因突變測試及輔導工作。這個比賽參加費只要$100，另加最低捐款額$200，所以只要報名參加比賽就已經做咗善事了。
至於我地參加的原因主要係我睇中了今次的跑步路線，賽道設於赤柱，5KM比賽其中3KM是斜路、石級和狹窄的小路，約2KM是低流量的車路。一來如果唔係參加比賽唔會山長水遠去赤柱跑步，都算係一個機緣，二來當時我正在與妹妹討論想試下跑山，今次依條賽道咁有挑戰性，可以讓我小試牛刀都唔錯，於是邀請埋恆仔同逸逸跑親子1KM，一家人一齊出去玩半天。
比賽在10:30AM開始，預留足夠時間寄存行李以及熱下身，我們乘的士由屯門出發，大約9:30AM就到達赤柱。
無諗過今日天氣超級凍，大家都要著羽絨先頂得順。
原來我們實在來得太早，好彩有個公園仔可以俾逸逸玩下。
為咗襯返粉跑個主題，我預備咗頂粉紅色CAP帽，但係實在太大風，頂帽一吹就甩，最後都係放返係背囊拎去寄存。
雖然唔知有無10度，不過跑起步就會熱，點都係著短袖衫穩陣啲，但係未開始跑時真係好凍。
無諗過係度遇到大學時的老友CRYSTAL，好開心呀~
首先有嘉賓帶領大家一齊做熱身，其中一個嘉賓係何沛珈。其實我今日先第一次知邊個係何沛珈，原來佢係《東張》女神，真人又真係幾靚喎！
5KM路線
預備出發喇~
恆仔同逸逸的賽事比我遲5分鐘先開始，可以幫我影出發相。
我一早就知道今次跑5KM要上山，但係無諗過要上的大斜路斜度係1:8﹗不過我耐力都唔錯，還有能力不停步兼一步一步的超前。
順利地跑到舂坎角道的尾位後折返，回程時遇上超級大風還要迎臉而來，有一段路大風到唔好講跑，連企係度我都覺得透唔到氣，要停下來擰轉面等風停下來才可以繼續前進。
落山係行山徑的樓梯級，睇嚟係俾我想開拓越野跑作準備。
見到靚景停低影返張相先
我完成喇~恆仔同逸逸已經係終點位迎接我﹗
以依條咁有挑戰性的賽道，PACING都好滿意。
第1至2KM係上斜同埋有一段條路太窄俾架車塞住咗被迫慢行，第4KM係超大風，第5KM係行山徑落山，睇配速就知第3公里係我跑開的正常路。
我發現我最大的弱點係落斜，上斜時我一步一步的超前，一落斜就俾人追返晒，真係要克服落大斜路的心理恐懼才可以去跑山。
這是恆仔同逸逸1KM親子跑的賽道
因為撞晒時間，我無得同佢哋打氣，好彩有大會攝影師的相片，見唔見到由恆仔抱高咗既逸逸？
天氣太凍，兩父女竟然著住件羽絨跑。
逸逸最近跑少咗又無晒耐力，講好咗返屋企每日最少要跑一集PJ Masks。
每人一個靚靚獎牌
依個影相BACKDROP好靚
拎選手包時只有跑步TEE同埋號碼牌，其他紀念品完賽先拎，身為粉紅色控的逸逸好鍾意個運動索袋。
難得入到嚟赤柱，梗係要去美利樓的德國餐廳食埋午餐先走。我對這家餐廳有特殊的情意結，因為2003年的時候就因為我們在這兒吃了一頓德國菜，爸爸媽媽就決定暑假一家人去德國旅行了。
佈置真係好有氣氛
佢午餐係BUFFET，其實晚上我地都BOOK咗係尖沙嘴食BUFFET，不過因為想食依間餐廳的意志很堅定，所以今日我地係連食兩餐BUFFET架。
佢個豬手真係超級好食，不過餐廳已經於今年4月中結業了，幸好我們可以有機會與它告別。
今次參加者比渣馬少得多，可以可以輕易找到大會攝影師拍到自己的照片。
特別要介紹一下，今次我著跑鞋係李寧牌，價錢唔貴又幾好著喎~