新春自駕到澳門 – DAY 1 – 氹仔幻彩耀濠江之璀璨遊樂場‧官也街誠昌飯店團年飯

我們由GALAXY出發行路去官也街。

經過澳門輕軌排角站,我一直都好想坐下澳門輕軌,本來諗過食完晚餐可以坐澳門輕軌過去放煙花的地方,不過今日無帶逸逸八達通出來,輕軌又唔係真係非常啱路,下次先喇~

點解依度彩色繽紛咁靚既?原來2023年聖誕至2024年農曆新年澳門旅遊局聯同六大综合旅游休閒企業以《璀璨遊樂場》為主題,以浪漫繽纷的燈光装置、光雕表演及互動裝置,打造出一個夜間樂園。 繼續閱讀

新春自駕到澳門 – DAY 1 – 港珠澳大橋澳門口岸轉乘計劃初體驗

二零二四年二月九日(星期五)

疫情之後終於第一次去澳門喇~

睇返我們的澳門旅遊BLOG就知我們有幾鍾意去澳門,連結婚相其中一部份都係澳門影,唔知去到做乜都照去,去咗再算。不過疫情過後有好多地方都想去,而澳門又無乜地方特別想去,加上酒店又非常貴,所以一直都在觀望的狀態。

不過另一方面我就被港珠澳大橋澳門口岸轉乘計劃所吸引,因為除非屯門碼頭有船去澳門個段時期,否則每次去澳門總是要被交通所折騰,就算現在有港珠澳大橋,要先搭疏到嚇死人又兜搵成個屯門的機場巴士去到香港口岸再轉金巴,仍然是非常繁複。

其實申請港珠澳大橋澳門口岸轉乘計劃也很簡單,只是簡單填表同埋不斷俾錢。

  1. 申領由香港運輸署發出的過境車輛封閉道路通行許可證。
  2. 由於港珠澳大橋主橋位於內地水域,需要購買及持有有效的內地的「機動車交通事故責任強制保險」又稱交強險。
  3. 登入港珠澳大橋跨境通行交通管理信息平台,上載交強險保單及其他所需資料,內地政府發出的有效電子臨時車輛牌證及駕駛證。
  4. 按澳門法例購買車輛保險,可單次購買,保障期為九天。
  5. 澳門停車場可免預約進場,除非車位餘額少於600個時則需先網上預留車位。

我一直對於年2013年跟恆仔在澳門過年睇放煙花燒炮仗印象非常難忘,也記得年三十晚澳門人流會較少酒店也會特別便宜,於是收到內地政府發出的批文之後就立即訂酒店,買埋澳門的車保,年三十放工就立即出發去澳門了。

年三十有得放早,3PM就放工,立即向屯赤隧道駛去。記得屯赤隧道剛通車的時候,覺得係屯門見到有路牌指示去澳門和珠海係一件好不可思議的事,平日行依條路通常都係去迪士尼,今次路牌顯示的澳門終於同我地有關喇~

今次我地要行右線 – 珠海及澳門 繼續閱讀