繼續支持《普劇場》，今次係2+親子劇場，專為2歲至6歲小朋友而設，劇名為《我要飛》。

照片來源：普劇場FACEBOOK 繼續閱讀 →

一向都係韓印紅的粉絲，最鍾意就係韓印紅的包飯菜，又新鮮又乾淨；另外蜂巢式燒烤調味五花肉都係好嘢，明明係五花肉但係唔會食到成口油﹗

近日加入咗韓印紅粉絲團，第一個試食活動就係魚糕+年糕，我好鍾意食魚糕同埋年糕，但一向都麻麻地韓國年糕+魚糕的煮法，因為經典紅色的年糕醬汁入面有種我唔太鍾意酸酸地的味道，所以今次我就揀咗比較特別的口味：[國民學校]高級魚糕炸醬長條年糕。

原來係急凍年糕，要存放係冰箱。

入面有三個包裝袋，分別係長條年糕、魚糕同埋醬汁。 繼續閱讀 →

倪匡先生近日離世，以前也曾經因為看過一個有關倪匡先生的電視節目寫過一篇文章，今天也希望藉機會記錄一下倪匡先生其實曾經也是在我的中學生活中重要的一部分。

中學時代看了過百本倪匡先生所寫的衛斯理+原振俠+女黑俠木蘭花，快閱模式一日完成一本，多到書名內容都記到亂晒，有時去到圖書館都唔肯定睇過未，搬咗返屋企睇幾頁先發現已經睇過係常見的事。

每過一段時間就想試下由頭睇一次成個衛斯理系列，所以睇得最多次一定係一號作品鑽石花。好可惜通常都係有頭威冇尾陣，有時候自己無時間去圖書館（仲要無還書被罰款），有時候就係借唔到下一本書，總之就係每次都好快放棄。

最印象深刻的作品：大廈、玩具，睇完覺得好驚。

最近看過一篇有關育兒的文章，筆者講到自己小時候交到好朋友，媽媽卻因為那孩子不是乖巧聽話的類型要她跟朋友疏遠，今天成為她成長中的一條刺，亦很後悔當年沒有勇敢的守護好朋友，反思自己對孩子交友的態度。

小孩子的友情很單純也很脆弱，學校認識的朋友還好，熟落後雙方的父母有機會因而認識，在學校以外的地方可以繼續友誼。又或者因為爸爸媽媽的關係，跟爸爸媽媽朋友的孩子總會定時定候聚在一起，成為沒有很投緣的「朋友」。

逸逸是一個很容易認識新朋友的人，落公園玩第一次見都可以玩到依依不捨，不過始終一齊玩既時間短，轉頭就忘記得一乾二淨。最近我們一家三口去露營，在營地入面共有8個年紀相近的孩子，逸逸跟一個女孩子特別投緣，又說想跟對方做好朋友，玩玩下逸逸流鼻血她會停下來陪逸逸，可惜她們的父母是互不相識的陌生人，離別的時候只能無奈說應該唔會再見了。

明明其他小朋友在瘋狂跳彈床，這兩個小女孩卻靜靜的邊談話邊盪鞦韆，這就是一個4歲半小女孩和一個5歲半小女孩的離愁。

本來上次睇《蛐蛐》的時候已經買了票看今年3月公演的《神勇第2夜》，結果因為疫情關係取消。直至疫情稍為轉好，普劇場就為我們帶來第二屆心之河土壤「新苗兒童劇編劇」栽培計劃最優秀作品公演，是編劇黎曜銘先生的作品《彼德與影子的奇幻之旅》。

故事簡介：

於是他們決定各走各路，尋找各自的新生活。

最後，彼德與他的影子真的能找到屬於自己的幸福生活嗎？

我們一起乘搭夢想火車，經歷奇幻之旅

跟以往普劇場的演出相比，今次劇本的完整度係差少少，觀眾比較容易理解影子無左木偶的處境，但開頭應該描繪多少少點解木偶無左影子會俾人呃；另外用打油詩的方式講故事，最好多少少押韻聽落會比較舒服。

不過內容比以往簡單易明，小朋友觀眾睇得非常投入，是個值得欣賞的演出。

最近逸逸正好在學校學習影子的相關主題，問我點解影子會變左一個人？真係好難解釋；彼德想去北邊，阿笨想去南邊，逸逸話好想知東邊同西邊又有咩睇？結果唯有亂咁講。小朋友年紀越大識既野越多問既既野就越複雜，大人真係要好好思考一下點樣回答越嚟越多充滿挑戰性的問題。

好鍾意去睇兒童劇，因為睇到小朋友的反應真係好可愛，聽到小朋友的笑聲真係好治癒。