我地最後9:45PM先離開大餐廟會的會場，不過唔係返房休息，而係繼續玩。
大餐廟會外面都有夜繽紛，外面人工湖畔設有娛樂園，由8:00PM至11:00PM提供了一堆經典懷舊攤位遊戲，住客憑CHECK IN時贈送的游藝券又可以繼續玩遊戲。
恆仔射箭射上癮，今次主題係射PAT PAT特別搞笑。
又可以推下保齡球
擲下沙包
仲可以拋圈圈
依個要用兩碌棍要運送個波波去中間的洞口，好難。
除咗用游藝券玩攤位遊戲，還提供了一堆經典玩具可以免費借用。
不過最吸引到逸逸的還是追泡泡，玩得不亦樂乎。
睇下幾HYPER
依度日間可以買飼料餵牛，不過晚上他們的食物就是我們晚餐的廚餘例如西瓜皮，雖然心知其實畜牧就是這樣，但親眼看到又覺得牠們很可憐似的。
每房又送一張煙花券，所以今晚最後一個節目是放煙花。
排隊換領一紮滴滴金
見到有小朋友會提供勞工手套作保護，本來覺得太誇張，點知玩完煙花之後我地發現逸逸隻手套穿咗個窿，好彩戴咗手套。
圍爐點火
今次第二次玩已經有經驗了
雖然只係滴滴金，不過影起相來都好靚~
仲要擺埋POSE
玩完煙花再返去追多陣泡泡
今日晚餐前寫咗信，我地要來雲來客棧寄信。
玩完之後恆仔陪逸逸返房沖涼瞓覺，我就拋夫棄女再返溫泉區按摩。
晚上來按摩的人很多，本來說要等大半個小時，後來知道我做太醫經穴全身按摩又話有位可以即刻開始，真係好彩，按完一個鐘真係好舒服。
按完摩再食少少水果
晚上的御溫泉都很美
酒吧街雖然沒有很熱鬧，不過有LIVE BAND其實坐係度飲下嘢都幾CHILL，不過已經差唔多半夜12點，我都係返房沖涼休息喇~