玩到3PM，我地就去酒店櫃台拎返之前寄存的行李上房了。
一入電梯成個書房咁，仲要有壁爐，使唔使咁浮誇呀~
我地住3樓，可以直接行落半層樓就去到溫泉入口，非常方便。
雅緻的房間，睡覺的地方在閣樓。
我跟家人分享房間的相片，爸爸立即說逸逸一定會走上走落很忙碌。酒店超級搞笑，在下面貼了告示說十歲以下及六十五歲以上不建議上閣樓，那為什麼又讓小朋友入住？
我們沒有額外付錢為逸逸加床，只是去問房務員多拿一佪枕頭就已經很舒適了。
這個房型其實最多可以住四人，我們今次只有兩人的床舖所以另一邊就是空置的地方，逸逸爬上去說自己在襌修。
我地出發去浸溫泉了﹗長盛莊的溫泉入口比正門的規模細得多，但係更衣室的設備卻一樣完善，如果忘記帶泳衣甚至可以有泳衣免費提供。將衣物放好在LOCKER，穿上拖鞋披上毛巾就可以進入溫泉區範圍了。
好多人聽到話去內地浸溫泉好擔心衛生的問題，御溫泉除了強調自己擁有獨家溫泉水資源及絕不為溫泉水加溫之外，溫泉池採用無間斷注入新鮮溫泉水+自然溢走設計，即是持續換水，加上每個溫泉池每四小時會徹底排空、刷洗及重新注入溫泉水，TOUCH WOOD去過咁多次都安然無恙。
逸逸對上一次浸溫泉已經是2019年11月去台灣北投的春天酒店，不過當時只是一直待在溫度較低的親子池，直正感受溫泉的熱度要追朔到2019年7月去日本北海道洞爺湖的溫泉初體驗，所以今次再浸溫泉逸逸首先要適應一下溫泉的熱度。
成功落水
我地第一個浸的是瓜果泉，御溫泉其中一個特色是有各式各樣味道的溫泉，逐款試下都好忙碌。
試埋旁邊的椰奶池之後就去我地都未去過的雲來湯區。
原來依度有個泳池，逸逸一見到就忍唔住跳落水玩。
池水真係好凍，阿媽我真係捨命陪君子。
雲來湯區仲有個波波池，係貨真價實的波波池，成身濕透又去玩波波池咁奇怪？我心入面暗暗打算明天吃過早餐後可以先帶逸逸嚟波波池玩一下再去浸溫泉。
依個係六福湯，六個泉池依季節每兩時辰更替草本，衍化出36種功效。
溫泉範圍內周圍都放有各式各樣的飲品包括多款涼茶、汽水、茶、水等自由取用，每個飲品容器都會標示最多可以存放的時間，很有系統。
也有職員推著飲品詢問正在泡溫泉的客人是否需要飲品。
雖然一點也不餓，但一直記掛住這兒有免費水果、飲品和小食供應的休息廳，好想看看現在的樣子。
原來現在採取自助的模式
本來掛住係出面玩水唔太情願入來的逸逸，見到有芒果醬塗麵包即刻開心晒。
唔肚餓都要樣樣試下，回味一番。
食完又返出去繼續浸溫泉
逸逸發現了有趣的玩意
旁邊有個冰水瀑布，佢可以跳落冰水，但係唔敢企係瀑布下面。
我示範俾佢睇又叫佢幫我影相，結果影到咁~仲POST依張相？好明顯重點係想俾大家睇下我真係瘦咗好多，哈哈。
玩到差不多5:30PM，我地係時候返房沖涼，因為今晚的晚餐 – 大餐廟會6:00PM就開始喇~
輪流沖涼時間
發現到原來房間有免費贈送的小湯鎮信封連郵費，酒店可以代為寄出，之前媽媽叫過逸逸下次去旅行要好似曉曉詩詩咁寄明信片俾佢，於是叫逸逸寫返封信先。
大功告成
逸逸同公公婆婆分享了她的溫泉體驗呀~