我們的房間可以看到大餐廟會的場地。
大餐廟會6:00PM開始,雖然4:30PM才在溫泉內的休息廳吃了下午茶,6:30PM我就按捺不住要落去參加廟會了。
搭升降機落樓又有驚喜,上次搭個架佈置到成間書房咁,依架就起咗個PLAYROOM的小廚房,唔講都唔知逸逸係度搭緊LIFT。
周圍都係大餐廟會的指示牌
有啲人會著晒浴衣參加廟會,好有氣氛~
預備入場喇~
職員首先幫我們在手上印上印水紙,之後就可以自由出入,不過我們一直都無離開過會場。
靚靚~
大餐廟會有咩食?全部寫晒係上面喇~
太混亂?唔緊要,御溫泉係CHECK IN時已經同時派發了游食地圖俾住客。
食BUFFET都要地圖會唔會太誇張?其實一啲都唔誇張,因為我地無帶地圖落去,食到差不多飽先發現有一區完全未行過,而且仲有少少迷路。
游食地圖入面仲有特別推介:
新進必食
燒排骨、燒牛肉粒、黑醋排骨、芝士焗土豆、豚肉小瓜串、雞皮小串、巴掌毛肚、燒鳥食、石頭燒、北京烤鴨、脆皮腸小串、雞中翅小串
大廚來自YASOTHON的泰國佬地道泰菜
紅咖喱牛肉、綠咖喱雞、冬陰功湯、泰式米粉、椰子果凍、泰式芒果飯、黃咖喱海鮮
最受歡迎排行榜
不可不試:太公分豬肉、鴻門夜燕、艇仔小火鍋
熱門排行:巴西燒烤、三文魚刺身、炭燒生蠔
趣食排行:熱帶蟲館、太婆叉燒、長沙臭豆腐
鄉味排行:鍋邊糍、雞湯魚面、黃酒煮蛋
解膩排行:聯邦調茶局、茶趣、秋記糖水
肉食排行:去骨牛肋排、土耳其烤肉、現切墩子肉
鮮味排行:海味燒、扒烤秋刀魚、芝士焗青口
主管級員工的相片大大張展示出來:泰國大廚帕拉斯、廣東大廚輝哥、法國大廚尼古拉、明星炒手強哥,仲有服務總監皮得羅,表示著御溫泉對他們的信任,他們也要為這個大餐廟會負責。
大餐廟會主張邊逛邊食邊玩,沒有固定座位,去到邊食到邊,可以一邊行一邊食。
不過其實周圍都有桌椅,可以坐下來慢慢食,食完又再起行。
周圍都可以自取餐具,食完又係周圍都有地方放用過的餐具。
無諗過連蚊怕水都有供應,不過我地當晚唔係好覺有蚊。
會場入面仲有條河,真係好似去咗個古城參加市集咁~
會場內的舞台上有人表演唱歌
不過更加吸引我的是皮影戲
真係幾好睇架~
我地仲一邊食三文魚刺身一邊睇添~
20分鐘後有太公分豬肉,唔知係咩嚟架呢?
依個檔口逸逸食咗蛋撻、恆仔食咗菠蘿包,我就食咗法式燴海鮮,味道都唔錯。
飲品的種類也很多元化,亦有很多不同的檔口,逸逸今次話要飲水果茶,入面係新鮮水果嚟架~
跟住我地排咗隊食好受歡迎的北京烤鴨,職員會幫你包埋,於是叫職員包咗兩份走鴨版俾逸逸。
其實大餐廟會主張不排長隊,檔口排長隊可以人少時再去,強調不怕吃不上,後來我們晚點再經過果然就不用排隊了。
飲返盅蟲草花燉竹絲雞
依個叫做墩子肉,吃起來像燻蹄,焦辣油來吃,很不錯。
係咗入去一個叫做西餅軍校的房子,入面竟然可以玩DIY PANCAKE,利用不同顏色的PANCAKE粉創作獨一無二的PANCAKE,真係又好玩又好食。
我就設計咗糖霜曲奇,其實我仲見到有人係度整麵粉公仔,不過我地好似無咁多時間喎~
跟住想食串燒,因為要等佢即燒都等得耐耐地,食咗牛肉、魷魚同埋雞軟骨,好好味不過好辣。
等串燒時恆仔帶咗逸逸去玩遊戲,入場時每人獲派發了10張廟會衙票,贏了遊戲可以賺到廟會衙票,高手可以玩唔停,又或者賺多些廟會衙票去禮物屋換禮物。
這就是廟會衙票,製作好精美架~
除咗玩遊戲,廟會衙票仲可以換特色小食,我就換咗杯飲落酒精濃度都頗高的荔枝酒,正﹗
仲可以賭返兩手賺多啲廟會衙票
恆仔排緊隊玩攤位遊戲,我帶逸逸去洗手間,結果回程邊行邊逛邊繼續食。
終於試咗想試好耐的黑色臭豆腐,好好食~
其實依一刻已經好飽,但係意大利粉、RIBS、中式點心、巴西燒烤全部都未試過….
其實PIZZA都好吸引
蟲蟲就唔駛客氣喇~
依度仲有CHILDREN CORNER “淘堡”
逸逸係入面揀咗棉花糖
見到太公分豬肉的攤檔了,原來係燒豬,帶兩件返去俾恆仔試下先。
大戲台有木偶戲表演,依個劇目係《梁祝精選版》,好靚~
返去快樂小堡JOIN返恆仔,恆仔今次發掘到自己射箭的天賦。
玩咗幾個遊戲之後又繼續飲飲食食。
逸逸飲咗提子沙冰
依度仲有各式各樣的涼果,不過我地無乜興趣。
不過我地又忍唔住食咗巴西燒烤的燒牛肉和燒秋葵、烤生蠔、脆皮茄子、同埋芒果糯米飯。
再次經過大戲臺,今次的劇目係《故鄉情》,透過控制木偶隻手去寫大字真係好厲害。
食埋要用COUPON換一人一份的燉燕窩
同埋玩埋淨返的廟會衙票
經過又忍唔住試咗巴掌毛肚,好好食但係超級辣,睇返游食地圖原來佢有三隻辣椒。
最後食埋又係用COUPON換一人一份的手工雪糕,一次過點了恆仔的芒果、逸逸的藍莓和我的香芋。恆仔將盛好的雪糕分過來,我先吃了一口,恆仔問我好唔好食,我沒有表態,到逸逸吃了一口就立即說這不是我的藍莓口味,原來逸逸和我的雪糕調亂了,難怪我在猶太人,說不出這是好吃的香芋雪糕了,哈哈~
調返啱之後終於可以講:雪糕好味﹗
本來仲想食水果,因為佢令我諗返起係華欣水上樂園食BUFFET時的大桶水果,但係依個時候的我,真係飽到連一粒藍莓都食唔落了。
大餐廟會絕對顛覆咗我對自助餐的想像,成個慨念好瘋狂,雖然無名貴嘢食,但係絕對係天花板級別的掃街自助餐。