係NIKE OUTLET買完嘢已經晏晏地，本來諗住行過去史伯泰海軍將軍馬路近海傍一帶的氹仔新春爆竹煙花燃放區，最後決定坐的士過去。無諗過睇GOOGLE MAP駕駛只要6分鐘步行也只是23分鐘的路程，坐左差不多成15分鐘，有兜路之嫌，仲要落車時付款車費大約七十多元，付100元竟然想唔找贖，實在也太過份了吧﹗
來到了，好興奮﹗
外面首先是四個售賣爆竹、煙花、火箭的攤檔，因為小時候有朋友玩龍吐珠煙花燒傷手，故此我唔係太敢放煙花，所以一早講定只會買滴滴金。滴滴金$50/兩紥，總共有大約十多支，都可以玩好耐。
氹仔新春爆竹煙花燃放區就正正位於澳門半島新春爆竹煙花燃區(澳門旅遊塔)的對面，這兒劃分了兩個煙花燃放區和一個爆竹燃放區，所有爆竹、煙花及火箭須於指定燃放區內燃放，不得攜離現場。
店主給了我們一支香用來點燃煙花，並說指住燃放區方向表示有爉燭可以點著支香，但我們找不到，幸好現場工作人員有打火機，我們才順利可以開始玩。
睇下第一次放煙花的逸逸幾興奮
手舞足蹈
按上圖可以睇下逸逸玩得幾開心
我地一邊玩滴滴金一邊欣賞其他人放的煙花。
向海飛出去的火箭其實無乜睇頭
係頭頂上面爆的煙花先至夠晒震撼
我都玩咗一支滴滴金
其實我同逸逸都影咗放煙花合照，但係我個張俾啲煙遮住晒我個樣……
逸逸已經玩到好熟手，玩完一支滴滴金要先用水淋熄火種先可以丟進垃圾籮。
玩完煙花我地去隔離睇人地放炮竹，我地好好彩遇到一條好長的炮竹。
睇下幾熱鬧，爆竹的煙隨著風向向我們飄過來，所以我們是一邊走避一邊湊熱鬧。
依串爆竹放咗超過1分鐘，好厲害。
睇人哋放煙花，煙花又大又近，直情好似向住我攻擊有種壓下來的感覺，拼命想要用手擋住，真係好震撼！
按上圖可觀賞震撼的煙花
依款都算係又靚又可愛的煙花
今晚真係好精彩，不枉我們匆匆忙忙的趕過來澳門過新年。
我地坐的士返酒店，因為氹仔新春爆竹煙花燃放區位置都幾偏僻，好多人等的士，所以都排咗好耐先有車，好彩今次終於遇上一個正常的的士司機。
今晚要倒數，酒店有FREE MINIBAR有免費汽水，所以只有我落酒店留下的便利店買酒精飲品。
對面岸就是珠海了
今晚我地睇TVB倒數，倒數之前表演嘉賓都唱好多舊歌，逸逸都好鍾意，果然佢聽音樂的TASTE都係始終如一，鍾意大媽歌。倒數之後正式迎接新年，歌手藝員都輪流講祝賀的說話，我們當然就係順便幫逸逸溫習一下喇~
倒數完之後逸逸仲要睇埋《公主嫁到》第一集先瞓，仲猛咁話好好睇，逸逸都係第一次咁投入睇大人劇集架咋﹗