25-12-2023:沙巴熱辣辣聖誕遊day 4(part 3).卡哇卡哇河遊船之考眼力找找小馬騮與驚喜螢火蟲亮燈儀式

坐番45分鐘船程返去,今次曉唔再怕呢隻船了,玩到攰極嘅所有人仲係拋下拋下嘅大浪之中瞓著晒添~

充一充電,我哋上番麵包車,導遊Nelson話我哋先去食下午茶,咦,乜有呢個行程嘅咩?

我哋嚟到一個海邊休息區,有個小小嘅半露天座位區,serve咖啡同埋少少小食,休息區仲有好多吊床同埋秋千,沙灘好大浪,似乎唔適合落水玩~

點解咁多咁長、咁大浪嘅沙灘都冇人滑浪嘅呢?究竟係唔流行丫?定係水裡面有好多大石頭會危險呢?

秋千任玩唔駛排隊~

我都唔執輸~

歎~

話說係吊床同秋千之間移動時,我忽然覺得腳趾痛一痛,仲維持咗好一陣子,望望腳趾、望望沙地,似乎我俾螞蟻咬丫﹗我就諗起,平時幫啲小朋友友打針,啲陪同嘅大人總會話「好似俾蟻咬咁痛架咋」,事實上我一直都冇俾蟻咬過嘅記憶,今次俾蟻咬,我覺得打針冇咁痛又冇咁驚囉,起碼支針係冇菌嘅死物,唔需要擔心感染、或者對昆蟲汁液過敏嘅問題,而且俾蟻咬完都痛得幾耐丫,之後我唔敢赤腳係呢個沙灘度行啦~

仲有啲打咭影相位~

曉攝影師,但都要爸爸做導演~

到咗集合時間,我哋上番我哋架麵包車,去到一個河邊嘅碼頭,原來係去坐船,乜唔係睇螢火蟲咩?個天仲咁光,點睇?莫非坐好耐,由天光坐到天黑?原來我哋去睇動物,好彩嘅話,可以睇到特別沙巴獨有嘅長鼻猴~

出發認證照

開心出發

船開出,Nelson話,河嘅一邊有人居住,另一邊係保護區,唔准發展,所以應該係保護區嗰邊更大機會搵到動物~

即使冇動物睇,坐下船遊河都好舒暢嘅~

大家專心落力搵﹗

第一隻馬騮係我spot到架﹗﹗﹗我視力冇爸曉兩父女咁敏銳,但今次俾我威番次,不過唔係長鼻猴呢,只係普通猴子~因為搵到第一隻,之後就變得好神經質咁樣,呢樣又懷疑,嗰樣又懷疑係咪動物~有一段好長時間完全乜動物都見唔到,大家就講笑話,因為係聖誕節,所以啲動物去晒開party呢~

有啦有啦﹗你睇嗰隻興奮嘅手指~

大家見到幾多隻?

仲有呢度…

同埋呢度﹗

結果成程船見到最多都係普通猴子同埋各種雀鳥,見唔到長鼻猴~路上有另一隻船停低,唔知係度觀察啲乜,嗰邊導遊話見到有水獺,但我哋去到時乜都見唔到了~

坐完船我哋再次搭車返去之前個沙灘休息站,而家恍然大悟了,原來嗰度係我哋嘅晚餐地點,之前因為有空檔時間,所以過去坐一陣~

我哋食小小的自助餐~

我要求唔係太高,覺得啲雞、炒菜、煎蛋、西瓜、白飯咁樣簡簡單單已經好好味,今餐仲有蝦片,同埋炸蕃薯添~

小朋友唔係話太唔鍾意食,但無奈佢哋嘅正常速度,特別係詩,係真係好慢,到Nelson話要再出發時,仲未食完,我要幫佢加速先得~

我哋再次去同一個碼頭,哦,原來睇螢火蟲都係同一條河、同一個碼頭上船,今次唔駛搭太耐,好快就去到戲肉﹗

睇螢火蟲有幾精彩?讀小三嘅曉長假期通常要寫隨筆,老師話寫幾長都得,佢之前都係寫一段,一般四五行左右,有啲同學甚至只寫一句~今次去沙巴咁多咁精彩嘅事,曉唔單止揀咗睇螢火蟲嚟寫,仲寫咗一頁半﹗﹗﹗因為寫得太長,佢寫得太攰,攰到寫唔到多幾樣內容,最後只揀咗兩個主題,一個係螢火蟲,另一個究竟係咩呢?不如大家估下~

船開咗冇幾耐就熄咗引擎慢咗落嚟,周圍黑麻麻一片,Nelson話要變戲法俾我哋睇,佢數one-two-three拍一下手,一講Merry Christmas,周圍就好似亮燈儀式咁,一下子著晒燈,細細的一點點光係遠處嘅樹上,好震憾、好靚、好浪漫、好迷人~真係同蟲唔同命,平時啲蚊呀、烏蠅呀、曱甴呀,我哋whee嘩鬼叫不特止,仲係咁趕佢哋走,但螢火蟲就好可愛好迷人~係咪練習過?應該冇咁聰明吧,而且原來雄性螢火蟲只有四個星期壽命,雌性螢火蟲要生b需要多啲時間,可以生存到六星期,但都好短暫呢,邊有時間練習俾你啲人類睇喎~

我哋上船前Nelson叫我哋洗定手,點解呢?先前講過嘅「亮燈儀式」後,船家揮動一盞燈,啲螢火蟲就好似卡通片或者韓劇咁(啱啱煲完宋江嘅「與惡魔有約」,就有呢一幕),慢慢飛過來我哋身邊,所以大家可以近距離輕輕捉住佢哋嚟許願,手我哋有洗,但我哋四個都唔敢捉呀,怕會錯手打死佢哋~雖然冇主動去捉,但有隻螢火蟲停係曉嘅手上面唔走呢,開頭覺得好可愛,仔細觀察下佢,原來佢瘦瘦小小,屁股真係發光呢~後來想送佢返屋企佢唔走呀,fing呀、吹呀都唔走,咁我接走佢先啦,點知螢火蟲去咗我大脾之後又唔肯走,到我哋差不多返回碼頭先離我哋而去,真係好特別嘅體驗呢~

今個trip嚟到呢度真係結束啦,真係由朝玩到黑,坐完船已經晚上七點幾,已經玩咗一個對了,搭番車出去市區嘅酒店仲要搭多個幾兩個鐘呢,全部人都攰到變晒喪屍啦,好在day 5終於可以唔駛咁早起身了~

返到酒店,發現酒店送俾我哋嘅聖誕曲奇,但睇落太甜,到打blog呢一日事隔兩個月,我哋仲未食呢~

前往其他馬來西亞旅遊blog

馬來西亞旅遊blog

2023

馬來西亞.22-12-2023~28-12-2023.沙巴

22-12-2023:沙巴熱辣辣聖誕遊day 1.寒冬變炎夏

23-12-2023:沙巴熱辣辣聖誕遊day 2(part 1).Hyatt Regency Kinabalu pool fun time

23-12-2023:沙巴熱辣辣聖誕遊day 2(part 2).「慢」步亞庇市區、Tanjung Aru Beach看日落去

23-12-2023:沙巴熱辣辣聖誕遊day 2(part 3).Tanjung Aru Beach完美日落、小區sports bar@Upper Star Cafe & Bar

24-12-2023:沙巴熱辣辣聖誕遊day 3(part 1).神山一日遊(上)之神山捉迷藏、刺激雨中雨林吊橋

24-12-2023:沙巴熱辣辣聖誕遊day 3(part 2).神山一日遊(中)之波令溫泉浸浸腳、Desa奶牛牧場與呼呼

24-12-2023:沙巴熱辣辣聖誕遊day 3(part 3).神山一日遊(下)之神山公園植物導賞、一站式中菜大集匯@金糖

25-12-2023:沙巴熱辣辣聖誕遊day 4(part 1).出海到美人魚島去

25-12-2023:沙巴熱辣辣聖誕遊day 4(part 2).美人魚島盡情玩水之超大浪浮潛、滿足心願的直立板與獨木舟

25-12-2023:沙巴熱辣辣聖誕遊day 4(part 3).卡哇卡哇河遊船之考眼力找找小馬騮與驚喜螢火蟲亮燈儀式

5-1-2024:沙巴熱辣辣聖誕遊day 15(?!).好抵玩之sand flies親吻一星期零一天紀念日

 

2016

馬來西亞.18-1-2016~24-1-2016.檳城、吉隆坡

17-1-2016:曉出國之檳城假期&吉隆坡婚禮day 0.bb去旅行帶咩好?

18-1-2016:曉出國之檳城假期&吉隆坡婚禮day 1(part 1).90分的第一次飛行旅程

18-1-2016:曉出國之檳城假期&吉隆坡婚禮day 1(part 2).Hard Rock Penang

19-1-2016:曉出國之檳城假期&吉隆坡婚禮day 2(part 1).Hard Rock早餐、George Town姓氏橋

19-1-2016:曉出國之檳城假期&吉隆坡婚禮day 2(part 2).George Town壁畫處處、美食=恢復元氣

19-1-2016:曉出國之檳城假期&吉隆坡婚禮day 2(part 3).邱氏參觀檳城邱公祠龍山堂

19-1-2016:曉出國之檳城假期&吉隆坡婚禮day 2(part 4).熱辣辣逛檳城George Town

19-1-2016:曉出國之檳城假期&吉隆坡婚禮day 2(part 5).曉曉泳裝下水禮

19-1-2016:曉出國之檳城假期&吉隆坡婚禮day 2(part 6).無敵景觀海鮮餐Golden Thai

20-1-2016:曉出國之檳城假期&吉隆坡婚禮day 3(part 1).水上清真寺、Tropical Spice Garden

20-1-2016:曉出國之檳城假期&吉隆坡婚禮day 3(part 2).泰佛寺與緬佛寺、美味又便宜的local food court

 

2014

馬來西亞.20-5-2014~25-5-2014.古晉

20-5-2014:古晉學習行day 1(part 1).一個人的旅程

20-5-2014:古晉學習行day 1(part 2).古晉你好

21-5-2014:古晉學習行day 2(part 1).Waterfront小散步

21-5-2014:古晉學習行day 2(part 2).烈日下的舢板、Orchid Park與無窮無盡的路

21-5-2014:古晉學習行day 2(part 3).世界唯一的Cat Museum

21-5-2014:古晉學習行day 2(part 4).充滿趣味的City One Mall

22-5-2014:古晉學習行day 3.活潑氣氛的WONCA

23-5-2014:古晉學習行day 4.WONCA開眼界

24-5-2014:古晉學習行day 5(part 1).WONCA教我做research

24-5-2014:古晉學習行day 5(part 2).不一樣的Mirage Spa

25-5-2014:古晉學習行day 6.local早餐.再見古晉

 

2006

馬來西亞.25-12-2006~31-12-2006.吉隆坡、浮羅交怡

25-12-2006:浮羅交怡.resort裡同陽光玩遊戲

26-12-2006:浮羅交怡全島遊.紅樹林.觀鷹.七仙井.纜車

27-12-2006:浮羅交怡island hopping.去到邊游到邊

28-12-2006:浮羅交怡rice garden

29-12-2006:吉隆坡市區走走看

30-12-2006:吉隆坡.遊客眼睛的另一面

31-12-2006:馬來西亞之旅.完美的句點

5-1-2024:沙巴熱辣辣聖誕遊day 15(?!).好抵玩之sand flies親吻一星期零一天紀念日

去完旅行返嚟一個星期有多,仲可以每日早午晚三次細細回味旅程,由朝到黑貼身感受,係好正好抵玩呢?因為感受太深,連正式旅行blog都未開始打,我要先打咗呢一篇「後記」先~我講緊嘅係sand flies咬過嘅粒粒呀,好痕呀~~~~~~~~~~~~~~~~

旅程最後一日,我報名參加咗resort嘅直立板瑜伽班, 閱讀全文

25-12-2023:沙巴熱辣辣聖誕遊day 4(part 2).美人魚島盡情玩水之超大浪浮潛、滿足心願的直立板與獨木舟

打算要出海浮潛嘅人跟住Nelson再次踏上嗰隻「驚驚船」,曉嚟嘅時候雖然好驚,但佢好勇敢咁自願再搭一次,應該因為佢都好想去浮潛吧~今次佢心情放鬆好多,而且船程只係幾分鐘,好快就到達浮潛嘅目的地~

心情輕鬆曉+後面的Nelson導遊

過往浮潛嘅經驗都係就咁落水游,只係戴住浮潛goggles+/-蛙鞋, 閱讀全文

25-12-2023:沙巴熱辣辣聖誕遊day 4(part 1).出海到美人魚島去

今次去沙巴,其中一個重點必去項目一定係island hopping,記得以前去浮羅交怡都有去唔同嘅小島,去到邊游到邊真係好正,後來分別係Cebu同Fiji去過浮潛,本來上次去墾丁都打算帶小朋友體驗下浮潛,結果因為打風去唔成,今次都好想享受下靚靚沙灘同浮潛~Klook入面好多出海浮潛tour,眼花瞭亂,最近嘅有度叫做東姑阿都拉曼公園(Tunku Abdul Rahman Marine Park),因為方便、船程近,應該最多人去,好似話我哋酒店房可以望到嗰兩座島添,另外又有甚麼甚麼Mamutik、Semporna島等等…我哋結果揀咗呢個Mantanani群島浮潛&卡哇卡哇河遊船tour,點解?一方面話,越遠越偏遠嘅島越保育得好,啲另一方面,或者更重要嘅係,呢個tour嘅介紹寫得好,啲相影得特別靚啩~

Klook訂咗day tour之後,旅行社send咗reminder嚟,仲開咗個whatsapp group聯絡,原來我哋嗰團有三組人,除咗我哋一家四口之外,仲有一group馬來西亞三人組同埋韓國二人組,韓國二人組用Kaokao talk所以唔係個whatsapp group入面~見到有韓國人我就心思思,究竟會唔會有機會俾我大展拳腳呢?

去美人魚島集合時間比神山晏少少,7:10酒店lobby等,我哋照一樣時間起身呀,希望可以食早餐食得輕鬆少少啦~

今次坐麵包車,比起去神山坐嘅私家車舒適度真係差得太多, 閱讀全文