DAY 1 @ MALAYSIA: HONG KONG–>LANGKAWI

期待已久o既假期﹗雖然之前只係block c，但考試無論如何都俾人壓力，加上之前太過撻皮，搞到溫唔切書﹗最尾o個個星期咪勁忙勁辛苦o羅~22號考完試，23號同day去玩，24號同hyper4去玩+去聖堂望彌撒，25號一早就出發lu~

因為係九點幾機，所以七點幾就要去到機場啦，搭車經過屯門公路時都仲係日出緊o既景色﹗靚~

難得聖誕節出trip，當然要係機場o既聖誕樹前面留影啦~

雖然係假期，但搭飛機o個3個鐘都唔好徙﹗我o地一家人都非常o既搏盡，爸同媽都改考試卷，家姐準備佢讀master o既論文，我就係度做logbook同埋睇psychi書﹗(<–乖~)

搭飛機時係度翻閱派發o既馬來西亞報紙，呢D英文報紙都幾易睇，內容又都算有趣，其中一則係講聖誕老人o既profile~大家可以睇睇﹗

我o地首先去kuala lumpur，再轉機過去langkawi，第一程要三個幾鐘啦，但時間都好容易過，第二程好快咋，唔駛一個鐘﹗

已經見到langkawi o既島嶼lu~主要有一個本島，旅遊書話旁邊仲有「99」個小島﹗「99」其實只係表示多o者，唔係真係數清楚99個o既~

落機lu~因為機場好細，大家都係徒步由飛機行過去客運大樓﹗幾步路之嘛~

睇下我o地o既心情幾愉快~

去到酒店落腳先~我o地會係呢間langkawi lagoon住三晚，犀利咯，check-in時有welcome drink呀﹗﹗﹗係美味o既菠蘿汁，好親切呢~

上酒店休息一下就二話不說落去酒店o既私家海灘enjoy lu~所有沙灘椅、沙灘遮都係免費available，人又唔會好雜好亂，環境好舒服~時間尚早，太陽又曬，係樹蔭下躺躺先~

都係要落水游下﹗哇~~~~~~~~~~~~~~~~~靚景﹗後面係我o地住o既酒店o既另一D房間，呢D係水上建築o既馬來屋恐怕房價貴好多吧？﹗但真係好靚~好在帶o左個水泡去呢~可以徹底撻皮，就咁係個海上面浮，哈，游都唔駛游﹗

同家姐又合一個照先~

後面係酒店o既beach bar，有o野食添o架，第二晚我o地係o個度食dinner o羅~D環境簡直就似我o地玩「模擬渡假村」D場景﹗

係海水中暢泳…游游下時，oops﹗點解隻左腳咁痛o既？﹗莫非係俾水母襲擊？﹗因為沙灘都有告示話beware of jellyfish﹗媽咪即刻急急腳捉住我上岸~

坐低一睇﹗紅晒腫晒啦，有兩撻﹗左膝頭對上同埋左邊腳掌對上呀~pain+burning sensation﹗我要同大家講：senior clerkship o既block c係有用o架﹗﹗﹗因為我記起o左jellyfish injury o既management﹗係用醋﹗所以問o左服務生拎o左D醋，rinse o左幾次再敷上去之後，果然好快就冇咁痛lu~都唔諗住點樣求診啦，反正notes都只係咁講，睇醫生都冇乜好做…好好彩，好快就好o左好多lu~

之後唔再落海灘啦，係酒店泳池度游算數lu~有個俾細路仔玩o既小滑梯，我咁安全咁交叉手放係胸前滑落o黎俾家姐笑：「你好似滑D好高o既滑梯咁﹗」

晚餐係聖誕pool side buffet呀~超正環境，超正氣氛﹗仲有少少禮物添~hee~我特登換o左條靚靚裙落o黎食飯，day好衰呀，話我呢個look似肥田﹗﹗﹗後來兜番，肥田係肥得可愛家嘛，仲要人氣急升﹗咁我應唔應該嬲呢？呵呵~

待續

前往其他馬來西亞旅遊blog

Comments

comments