27-12-2006:浮羅交怡island hopping.去到邊游到邊

DAY 3 @ MALAYSIA: LANGKAWI

第三日o既行程﹗呢日上晝去o左Tanjung Rhu海灘,下晝出o左海去幾個小島玩,夜晚番去kuah town o個邊o既夜市﹗

未出發之前係酒店附近逛逛先~行o左過去馬來屋o個邊~

靚靚o既百合花﹗係好特別o既淺橙色呢~

之後就出發去Rhu海灘lu~

個海灘好長,兩邊都行唔到去盡頭,比起我o地酒店o既私家海灘靚好多,沙比較幼,而特色就係海灘對出有好多個小島﹗

睇見對面有幾個小島嘛?犀利咯,因為水退,所以好淺水,我o地係:行—-路—-過—-去—-最大o個個島﹗真係全部位置都到地,但番o黎岸呢邊時因為水又漲番少少,所以有D地方面游過o黎呢~

係Rhu海灘o個度食埋lunch先走~呢間餐廳就正正係海灘旁邊,氣氛勁正﹗但食食下有隻貓走過o黎向我乞求冷飯菜汁,但始終俾佢食都唔妥當,即使佢好有誠意我都冇理佢呢~

一人食o左一個椰青﹗開頭見我同家姐o個兩個椰青比較大好開心,但原來老D o架,入面D椰肉好難刮出o黎食~

食完lunch就去下一個地點lu,係langkawi截的士好困難o架,一定要call,而call的士最好o既地方就係酒店,於是我o地去o左海灘附近間酒店托個concierge同我o地call,佢問我o地room number,我好誠實咁話佢知我o地唔係住係呢度,大酒店果然有大酒店o既風範,佢依然好大方咁為我服務﹗值得一讚﹗

要出海搭車過碼頭o個邊,好lucky咁見到有間遊客中心,入去一問先知道原來一日淨係得兩個時間有cruise,上晝一班下晝一班,我o地差D趕唔切搭下晝o個班,如果唔係係遊客中心即刻買埋飛佢安排車o黎接我o地,我o地就去唔到lu~

出海了﹗我覺得呢張好型o架~yeah~

第一站:burau beras basah﹗係一個靚靚海灘,沙比Rhu更幼,水比Rhu更清~我o地係度可以逗留一個鐘,輕鬆咁暢泳﹗但呢度係冇更衣室o架﹗要換衫就要用大毛巾遮住,家姐話如果冇大毛巾,淨係得條小方巾咁點算,呵呵,佢話用o黎遮住塊面﹗哈哈哈哈哈~~~~~~~~我同家姐一早就著o左係裏面lu~

沙灘全貌﹗水入面舉起手o個兩個人咪我同家姐o羅~

第二個目的地係獅子島,呢度冇得落船,又係留係船上面睇鷹,呢度o既品種同紅樹林o個邊有D唔同喎~

去第三個目的地時船夫開得好快,所以好刺激﹗見到我個頭都吹到亂晒lu~面容扭曲﹗

第三個目的地叫孕婦島,係大海入面o既島嶼居然有個淡水湖係入面呢~

第一次係天然湖入面游水﹗超good呀~正過晒呢日之前去o個兩個靚海灘﹗水清又係淡水喎,四周又湖光山色,好好游,不過唔到地o羅,所以游得唔耐,係水入面要keep住踩水~但真係好舒服~

游完水係o個度o既小賣部買o左包薯片食,咁我o地一邊行一邊食啦,就快去番碼頭時,忽然發覺有幾隻馬騮虎視眈眈咁望住我包薯片跟住我,後來總共有五、六隻團團咁圍住我,超恐怖﹗突然間有一隻跳起搶走了﹗強盜啊~~~~~~~~~~~~~~~~~~~~~~好傷心呀~仲有四分一包o架~

強盜馬騮﹗

回程lu~壯麗o既海景﹗

去kuah town之前去一去langkawi o既landmark鷹廣場~鷹+日落景色=靚~

行過去鷹廣場途中發覺有彩虹﹗特別o既係,當時係冇落兩o架喎~仔仔細睇,其實有兩條彩虹,其中一條暗o既係係光o個條o既右手邊﹗

地標嘛,唔駛講啦~

夜晚係馬拉人o既夜市解決晚餐﹗食o左都好多o野o架~奶茶、沙嗲、laksa、甜夾餅、咖喱角、春卷、豆腐花…D飲品就係係呢D一個個o既大桶度倒出o黎o架啦,開頭覺得好似好污糟咁可能會肚痛,但結果都照飲﹗哈,我o地有「la-ja」腸丫嘛~

D laksa可以take away o架,有D攤檔賣呢D一包包o既麵同湯,番去一滾起就食得,幾方便?仲有半個蛋係入面添喎~

呢晚好夜先番到酒店呢~又係充實o既一日﹗

待續

前往其他馬來西亞旅遊blog

Comments

comments

在《27-12-2006:浮羅交怡island hopping.去到邊游到邊》中有 4 則留言

  1. 第10張相有個….地拖?!?! 椰青那張是全部相影得最好~(暫時!) 只是劫片便好~ 沒有受傷已很好啦~ blockc 有沒有教被馬騮襲擊要點呢~:p 一包包~ 小核突…

  2. Re day: 哎吔~唔好意思﹗隻船比較立立亂﹗ 所以咪做o左profile pic o羅~但你要發掘更多靚相﹗ 都是的…不幸中o既大幸﹗block c淨係教o左萬一俾馬騮咬中或者抓中要點咋,冇講如果搶薯片要點做喎~ 都不知幾方便~我都好想買喎~可惜冇個爐咋~

  3. 大家都遇過馬騮強盜,我那次是在峨嵋山上,還給牠騎在身上。我們都是同病相憐啊!

發表迴響

你的電子郵件位址並不會被公開。 必要欄位標記為 *