26-12-2006:浮羅交怡全島遊.紅樹林.觀鷹.七仙井.纜車

DAY 2 @ MALAYSIA: LANGKAWI

經過o左relax o既第一日之後,第二日極度充實呀﹗我o地參加o左mangrove tour (紅樹林)去睇餵鷹、蝙蝠洞、鱷魚洞、fish farm,晏晝坐o左cable car睇langkawi全景,之後再去seven wells (七仙井)睇瀑布水潭~

未夠鐘出發之前再係酒店池邊撻陣皮先~

d_ZrquMX.7Hvs77uj61NEg

坐o左半個鐘頭左右車就去到碼頭lu,我o地就係坐呢D咁o既船遊紅樹林啦,超犀利o羅,原來係每一組人有一隻船o架,即是我o地一家四口自己坐一隻船﹗

幾輕鬆~

第一站係蝙蝠洞﹗石壁上掛住o既就係一隻隻蝙蝠啦,睇到都起雞皮,因為入去黑meng meng o架,乜都睇唔到,要照電筒先睇到,但電筒照到o既範圍細,一次只係見到十隻八隻,係影相一影影到幾十隻先嚇人﹗我o地戴定帽入個洞呀,如果唔係呢…有少少…risk﹗

出番洞繼續坐船,見到馬騮家庭~

呢一帶都係紅樹林o黎o架~

風光如畫﹗你睇到前面隻船咁細,對比起D山上o黎就知道o個度有幾雄偉~

下一站係去fish farm,其實就係魚排,人o地養魚o既地方o羅~係度工作人員帶我o地餵魚、睇魚、係餐廳休息~

佢俾D魚塊我o地餵呢條魔鬼魚呀,我有試過,但一見佢張開口就嚇到坐係地下,魚塊跌落池塘﹗家姐就成功咁餵o左佢o羅~

之後係附屬o既餐廳飲少少o野~係用原個芒果打出o黎o既鮮果汁呢~

之後就去睇鷹lu~冇花冇假﹗呢隻係一隻真正o既鷹﹗就係我o地頭頂飛過﹗咁近見到真係好大隻o架~

唔係得一隻o架~仲有好多隻﹗D船夫會放D雞皮落D水度,咁D鷹咪會飛落水面叼起D雞皮o黎食o羅,咁樣可以keep住佢o地係呢個範圍﹗有好o野食喎,梗係留低啦~

其實已經影o左我好多張,目的係要影到我同鷹同時出現係鏡頭前﹗但好困難呢,呢張都算係有啦~細細的係頭頂﹗

船夫再帶我o地出去大海遊一轉先回程呀~

下一個行程去cable car,會登上一個比較高o既山,可以幾乎睇到langkawi o既全貌﹗上山之前食DD o野先~係呢個food court度食咖喱飯,味道係唔錯,但發生o左「一間餐廳最罪過o既事」,就係portion太細﹗食唔飽人﹗搞到家姐心情都冇咁靚~

搭cable car上山lu~

其實係山頂上面都睇得好遠o架,知道方位o既話,連我o地間酒店都見到~

上面有一條彎彎o既吊橋可以俾我o地行上去睇風景,位置都起得幾險要o架~

你睇下幾宏偉?見到我嗎?o個個細細個o既我,舉起雙手o既我~

下一個景點係七仙井,未正式去到好上o既七仙井之前去一去近山腳o既瀑布先~

水極清﹗清到見唔到腳o既邊部份係水底邊部份係水面﹗

七仙井﹗水又係好清呀~好可惜冇著住泳衣上身,好多人都噗一聲跳落水到游呀~不論男女老幼都一樣﹗

回程lu~dinner係酒店o既laguna bistro度食~可以係beach side睇日落~

就係呢間好似「模擬渡假村」o既餐廳~情調唔錯吧~

食o左好多o野呀,沙爹、薯角、pizza、pasta~因為價錢非常相宜,爸媽飲o左啤酒,我o地叫o左cocktail呀~食完仲食埋雪糕做甜品添~

充實、又疲累o既一日﹗

待續

前往其他馬來西亞旅遊blog

Comments

comments

在《26-12-2006:浮羅交怡全島遊.紅樹林.觀鷹.七仙井.纜車》中有 4 則留言

  1. 你姐真的不會露齒笑呢~ 那蝙蝠沒有叫或飛下麼~ 在訓覺? 教會有時行d 山水澗時,都會游下水~ 不過如果得我們二人去便很危險了!!

  2. Re day: 所以要捕捉佢自然笑o既一刻o羅~叫佢自己笑佢真係好勉強都笑唔出﹗ 冇o架~唔郁咁一隻隻吊係度o架咋,恐怕係瞓緊覺吧~ 係呀~係香港其實都唔主張D人落水潭度游水…但係langkawi D安全意識極低﹗而馬來西亞政府都已經楝o左個牌係度講明有咩事發生唔會負責任﹗真係好離譜o架~

  3. 這一天下海和上山,真的很豐富,當時是怎麼安排的呢?我們是看見酒店大堂張貼出來的團而報名參加的嗎?

    • 我都唔記得lu,睇下史官有冇寫?呢個tour都join得幾好,節目幾豐富又唔覺得太rush,我仲好enjoy係個湖度游水添~

發表迴響

你的電子郵件位址並不會被公開。 必要欄位標記為 *