DAY 6 @ MALAYSIA: KUALA LUMPUR

繼續係吉隆坡o既行程﹗

享用完酒店o既自助餐就出發lu~呢張相o既主角…唔係媽咪﹗而係後面o既回教家庭，係馬來西亞呢D回教國家，街上o既女人大多都要披上頭巾，但好似後面咁極端o既幪面嘛，多數都係o黎自中東地區o既遊客了﹗

第一站係湖濱公園，都算係吉隆坡呢個城市之中o既一點點綠洲，好適合鍾意大自然o既我﹗heehee~

公園度有個咁o既告示牌呢，睇下右上第二個sign，係「唔准男人女人」，因為回教徒比較保守，唔准男女係街度過份親暱，以前曾經有case鬧上法庭添o架~

呢個公園除o左有個湖，有草地，有花草樹木之外，仲有唔同o既參觀點，有蘭花園啦，有雀鳥園啦，仲有一個睇鹿o架~我o地去到o個日o岩o岩話要維修呢，正要失望之際，我o地走上去圍欄度探頭探腦咁睇下，好nice nice o既管理員竟然開道工作人員側門俾我o地入去﹗仲俾o左幾梳香蕉俾我o地餵鹿添呀﹗真係奇遇、奇遇呀﹗﹗﹗﹗﹗超好呢~~~~~~~~~~~~~~~~~~~~~~~~~~~~~~

可以親手餵D鹿鹿食香蕉﹗佢o地好熱烈咁搶o黎食o架~

其實係多得好緊要﹗有一隻公鹿特別進取，有D位我都有少少驚o架~

之後去參觀就係湖濱公園旁邊o既天文館，我旁邊o既係夏叔叔(唔知夏叔叔係邊個？係時候睇番早一兩篇o既diary了﹗)個二仔煥昌，呢日係佢同埋夏叔叔o既弟子家毓陪我o地出去玩﹗天文館有少少戶外地方啦，仲有室內展覽館同埋電影院~呢一大舊o野可以用太陽整出o黎o既影o黎睇時間o架，都ok準個喎~

仲有唔同星座o既圖樣，呢個係「大熊星座」，我o地平時成日話睇到o既北斗星咪就係隻熊o既尾巴部份o羅~

仲睇o左一場360度電影，就好似香港o既太空館o既天幕電影咁，呢套電影叫做「hidden hawaii」，係講海底o既火山不斷噴出溶岩，不斷造出新o既島嶼，但又有D會消失咁o羅~我覺得好有趣呀，好好睇﹗但佢o地唔覺得呢…爸仲睇到…呼呼…

睇完天文館就出發去食飯同埋睇國家博物館﹗

途中遇到賣雪糕o既老伯呀﹗雖然快要食飯，但兩個大男孩依然抵受唔住誘惑買o左o黎食﹗佢o地有個特別o既食法，居然係用熱狗包o黎夾雪糕﹗真係聞所未聞﹗佢o地o個三球之中仲要有一球係榴槤雪糕﹗哇~~~~後來我o地都買o左一個share o黎食呀，有少少怪，但好處係唔會食到對手糟糟~

去到博物館附近，有好多歷史悠久o既火車頭展示出o黎，我o地又跟住兩個大男孩爬o左上去影相，oops﹗o岩o岩影完相就有人走過o黎鬧我o地了﹗

去o左博物館旁邊o既canteen食「兩餸飯」，其實唔係真係兩餸，不過呢種食法係吉隆坡好流行，首先裝飯，之後就自助咁揀餸o羅，好似自助餐咁有好多款o架，揀好就去收錢處計錢，好似話係按餸o既種類o黎計﹗我都係揀o左D睇個樣唔太辣o既o黎食咋，魚、雞同菜都好味﹗

國家博物館o既正門﹗

呢個係一個傳統遊戲，古代o既就會用咁大座o黎玩，但聽佢o地講話而家D手提電話都有得玩呢個game~我都唔係好明遊戲規則呢~

2007年對馬來西亞有特別意義，佢o地定2007為旅遊年，四處都可以見到「visit malaysia in 2007」o既字句，好似話係獨立50周年呀~(講錯o左話我知﹗)

之後上o左吉隆坡塔，上o左個塔可以幫到成個城市o架~呢個塔係全世界o既搭之中排行第四，第一同第三o既我都去過了，分別係toronto o既cn tower同埋上海o既東方明珠電視塔，第二o既因為未去過，唔記得o左係咩添~

呢張相幾有趣吧？

要影到呢個塔o既全貌都幾難呢~

之後去o左一個新建設o既城鎮叫做putra jaya，係吉隆坡政府銳意發展o既新城鎮，佢o地首先將D政府部門搬過o黎呢度，我o地話佢o地o既心態就好似玩sim city咁，吉隆坡本身係第一次玩，點知搞到一團糟，於是唔份氣，要start個new game，希望好好咁規劃起番一個滿意o既咁﹗所以係putra jaya，到處都充滿住美輪美奐o既新建築﹗

o個度有個超靚o既回教寺o架~粉紅色﹗

夜晚夏叔叔一家帶我o地去食佢o地屋企附近o既大排檔﹗有好多o野食o架，中式又有，馬拉式又有﹗

夜晚再上「小雲頂」(即是一個小山坡上)睇夜景，o個度有好多印度攤子，我o地食o左幾款印度薄餅(超平的﹗大概RM1-2一塊，即是港幣$3-4左右﹗)同埋飲o左印度拉茶﹗都幾好o架~風涼水冷又有美食喎，好適合三五知己上去食下o野傾下計﹗

再上山多少少睇到吉隆坡o既夜景呢，有landmark o既雙子塔﹗

山上面有個公園，大家都充滿童真咁盪下秋千，我o地盪冇乜o野，但夏叔叔盪會令佢仔仔同徒弟好驚訝呢，可能因為佢係鼎鼎大名o既書法家吧，平時又係認真o既老師喎~

呢日好長時間出o左o黎呀，番去酒店時都差有1:00am lu，超誇張﹗

待續

前往其他馬來西亞旅遊blog

Comments

comments