DAY 4 @ MALAYSIA: LANGKAWI–>KUALA LUMPUR

雖然呢日影得o既相比較少，但揀相放上o黎時依然難以取捨﹗呢張又想揀，o個張又想揀，結果又有好多張添~呢日上晝去o左laman padi(稻米園)，下晝食埋lunch就準備上飛機過番去吉隆坡lu，去o左夏振基叔叔(爸媽o既老同學﹗)屋企坐坐，佢就帶o左我o地去打邊爐﹗

稻米園﹗呢度其實應該專係俾人參觀o架，佢種o左好多唔同收成期o既稻米，即是我o地可以見到唔同成長階段o既稻米，有D只係o岩o岩插秧，但有D已經可以收成lu~

稻米博物館門口﹗我o地遇到一個好熱心o既管理員呢，佢唔單止帶我o地係博物館裏面參觀展品，仲帶我o地出去稻米田同埋花園睇各式各樣o既植物香草﹗

哈哈，原本我o地係唔會走上個展品度影相，但個管理員叫到喎~呵~

佢帶我o地睇同埋聞各式各樣o既香料呢，有熟悉o既，亦有一D係東南亞常用但我o地好少接觸o既~

左邊o既係沙薑o黎o架~咪就係整鹽焗雞o個D沙薑粉o既原料o羅~右邊o既葉我唔記得o左係咩lu~

個管理員叔叔剝開一種根莖，用o黎整o左隻臨時耳環俾我o地，都幾好睇丫~

左邊o既白色小花好有趣﹗佢係有陣飯味o架﹗冇錯﹗係煮熟o左o既飯o既味道﹗右邊o既葉呢，馬來西亞人用o黎包粽~

結實纍纍o既稻米田﹗

管理員叔叔折o左一小截稻米俾我呢~橙色衫o個個人就佢lu~

仲有機會可以親手用鐮刀收割﹗有趣有趣﹗要除鞋赤腳落去田地o架，但因為田地好乾爽，所以腳唔會污糟o既~我收割o左兩下咁大把啦~

呢個小涼亭係農夫工作之間休息乘涼o既地方，同管理員叔叔合照﹗

taman padi附近就係人氣最旺o既海灘pentai cenang，但呢日真係超級超級熱同埋曬o羅~係個沙灘度行真係極度辛苦，加上著住拖鞋o黎行更加寸步難移，但除鞋行更加冇可能，沙熱得不得了﹗真係好想好想快D搵到餐廳可以坐低食o野，特別要飲冰凍飲品呀﹗pentai cenang呢度有好多靚靚resort，我話呢，第時如果再去langkawi o既話一定要住呢頭D酒店﹗

終於坐低食lunch lu~我叫o左美味o既雞肉沙律同埋鮮榨芒果汁﹗食物飲品都係精心炮製o架~(意即：等o左好耐﹗)

間小餐廳對住條人來人往o既街o羅，呢頭有好多比較平o既渡假屋之類~

未夠鐘上飛機，幫襯o左pool bar，但要坐係pool bar o既bar枱即是要換泳衣坐係泳池入面﹗所以我o地叫佢送D冰凍啤酒過o黎lobby o羅~

我o地係langkawi認識o既一個重要人物﹗係我o地酒店o既concierge呀﹗佢係呢幾日幫o左我o地好多﹗到埗時為我o地張羅買電話sim咭，後來又介紹我o地去邊度玩，點樣去，總之非常nice nice啦~非常稱職﹗thanks~

終於要離開langkawi lu~

去到夏叔叔o既屋企﹗佢左邊o既係佢太太，最右手邊係我爸右邊o既係夏叔叔o既二仔煥昌，大仔鼎昌係台灣讀緊研究生，細女呢就weekdays住係college o既宿舍，仲未番o黎~

除o左同夏叔叔一家食飯之外佢o地仲邀請o左好多朋友一齊食~我家姐左邊o既係一位醫生，佢o既幾個女女係夏叔叔o既書法學生，而再左邊o既係阿常，亦係夏叔叔o既學生，佢係拍電視劇、music video o既導演o黎o架~之後o個日佢帶我o地周圍出去玩呢~好nice nice~

待續

前往其他馬來西亞旅遊blog

Comments

comments