媽千叮萬囑今日一定要去參與十一點鐘彌撒，因為係爹媽有份o既「婚姻祝福禮」呀~十二月三十日係天主教o既「聖家節」(若瑟+瑪利亞+耶穌=聖家，佢o地就係家庭o既典範了)，我o地聖堂每年都會係呢個日子為教友夫婦舉行婚姻祝福禮，今年爹媽終於可以參與了，之前幾年好似都咁o岩唔得閒咁~

婚姻祝福禮係彌撒之中舉行，今次主禮係孫神父，參加o既20對夫婦要重新向對方宣讀結婚時o既誓詞，可能我未有呢個經驗感覺唔太強烈啦，但聽家姐講，原來佢呢一刻比起佢自己結婚時更感動，呢D夫婦，有結婚五年的、十年的…最耐o既係五十周年﹗好難得啊~ 閱讀全文 →

終於補寫番呢個大日子o既diary了﹗有兩樣o野呀，家姐結婚+surgery o既OSCE﹗

呢件都算係我人生之中其中一件超遺憾o既事，居然唯一o既家姐結婚o個日會撞中考試喎﹗太可惡了﹗憎死surgery~不幸中o既大幸係，好在個試都好早考完o者，十一點幾就走得，係miss o左屋企最熱鬧o個part o羅，係聖堂o既婚禮同埋夜晚擺酒方面都唔受影響~考試一切順利呀，因為呢個試不嬲都放水o既，所以知道晒要讀熟咩topic，去到考試當然冇乜大問題啦，最怕怕都係o個幾個live station o者~整體都ok o既~

十一點幾考完就飛奔去join番大隊lu，呢個時候佢o地到達男家，家姐要斟茶俾老爺奶奶~原本應該趕得切上去佢o地屋企o架，但因為搭錯lift，耽誤o左少少時間，結果係join食飯…都好o既~就趁呢個時候認識下D兄弟姊妹團啦﹗姊妹們就好熟喇，係唔識D兄弟o羅~

家姐o黎到坐低隔離枱食飯，哇，好靚呀~個妝、set o既頭都好靚﹗唔該晒你呀，化妝師maggie~食飯時我o個枱除o左坐o左兄弟姊妹團之外，仲有化妝師maggie，我o地係度怒吱喳，呵呵~(家姐話：「你同個個都好傾o架啦~」<–都唔係咁勁o架~)

lunch後搭車番屯門﹗

行婚禮o既地點就係我o地長大o既天主教屯門贖世主堂了﹗我仲係一個embryo(胚胎)時已經番緊呢個聖堂啦~ 閱讀全文 →

今日係day姐姐lily同阿孝結婚o既大日子呀~~~~~~~~~~~~~~~~~~~~~~~恭喜晒~﹗祝佢o地甜甜蜜蜜，永遠都相親相愛啦~

schedule原本有3個lecture o架~點知上完兩個(其中一堂係超級nice o既劉澤星教﹗good~)之後，第3個lecturer過o左半個鐘都未出現﹗唔通佢又走堂？﹗其實今日已經係re-schedule o既堂~上次佢又係冇出現﹗實在太過份了﹗到o左11:00am我都唔知佢會唔會o黎，但無論如何，即使佢即刻o黎，講一個鐘，我都會趕唔切，所以就走o左lu~

要番金風裝裝身呀~因為平時太少化妝，所以都花o左唔少時間﹗出門口時都差唔多了~平時著波鞋行落去巴士站搭970唔覺得D咩，但今日著住對高踭鞋，條路就長o左好多﹗我本身都有諗，搭970會唔會撞到同學呢？撞到的話好似有小古怪，因為平時好少咁樣打扮呢~結果果然撞到carol cheung，佢見到我都好驚訝：「哇乜咁盛裝呀？差D認唔到你添﹗」唔知係讚賞、批評、定係純粹敍述事件呢？

去到旺角自己食飯咋(day要跟車，係屯門出o黎o既旅遊巴上面打點一切﹗)，去o左KFC，哇，個蜜蜜燒雞翼好好味呀~再配埋個雜菜湯、格格脆薯、凍檸茶，實在太令人感動了~但因為加呢樣改o個樣，結果食KFC都食o左$37添~

婚禮開始lu~

day爸爸拖住lily步入教堂，day爸爸好緊張呀，行路時戰戰兢兢的~ 閱讀全文 →