今日係day姐姐lily同阿孝結婚o既大日子呀~~~~~~~~~~~~~~~~~~~~~~~恭喜晒~﹗祝佢o地甜甜蜜蜜，永遠都相親相愛啦~

schedule原本有3個lecture o架~點知上完兩個(其中一堂係超級nice o既劉澤星教﹗good~)之後，第3個lecturer過o左半個鐘都未出現﹗唔通佢又走堂？﹗其實今日已經係re-schedule o既堂~上次佢又係冇出現﹗實在太過份了﹗到o左11:00am我都唔知佢會唔會o黎，但無論如何，即使佢即刻o黎，講一個鐘，我都會趕唔切，所以就走o左lu~

要番金風裝裝身呀~因為平時太少化妝，所以都花o左唔少時間﹗出門口時都差唔多了~平時著波鞋行落去巴士站搭970唔覺得D咩，但今日著住對高踭鞋，條路就長o左好多﹗我本身都有諗，搭970會唔會撞到同學呢？撞到的話好似有小古怪，因為平時好少咁樣打扮呢~結果果然撞到carol cheung，佢見到我都好驚訝：「哇乜咁盛裝呀？差D認唔到你添﹗」唔知係讚賞、批評、定係純粹敍述事件呢？

去到旺角自己食飯咋(day要跟車，係屯門出o黎o既旅遊巴上面打點一切﹗)，去o左KFC，哇，個蜜蜜燒雞翼好好味呀~再配埋個雜菜湯、格格脆薯、凍檸茶，實在太令人感動了~但因為加呢樣改o個樣，結果食KFC都食o左$37添~

婚禮開始lu~

day爸爸拖住lily步入教堂，day爸爸好緊張呀，行路時戰戰兢兢的~

哈，呢個位day緊緊咁捉住我隻手﹗點解？o個陣o岩o岩到「証婚」o既程序呀~牧師話，根據傳統，一定要問在場o既人3次，有冇人反對呢對新人結婚﹗雖然知道應該唔會咁激動咁有變卦，但大家都好肉緊﹗

今日其實我o地要獻唱呀，day揀o左「這個家」呢首歌﹗整體效果唔錯o既~其實我o地開始前調好o左結他o既音，咁就好放心啦，但點知上到台唱時，day一彈第一個chord，oh，點解會走音o既？但已經開始o左，我o地都番唔到轉頭，大家都唔覺意hee o左出聲，後來唯有逼自己唔好咁留意個結他D聲啦，如果唔係真係會忍唔住笑﹗第二段o既跳躍版改o左少少歌詞，lily都有嚇o左一跳呢，用意應該湊效了﹗唱完首歌兩次之後day有D說話同姐姐講嘛，我去o左彈琴伴奏，所以聽得唔清楚，D人話超感動呀﹗lily俾細佬搞到喊，day都眼泛淚光，觀眾們都感動了~我睇唔到添﹗不過，day不嬲都係咁的，平時就不擅辭令，但要講起感動o既說話時你真係招架唔住﹗

day妹妹liza呀~大家都爭相同佢影相﹗因為第一次見佢著裙﹗都幾好睇丫~我條裙係咪好靚呢~但…我係小胖ta﹗留心：後面有人「R影」﹗o個個係邊個？呵呵﹗

day嬤嬤~

梗係要同一對新人影相呢~lily好靚呀~似唔似陳慧琳呢？今日見到阿孝，忽然覺得阿孝個樣有D似聖堂o既新韓國神父金神父呢~哈，媽(睇相﹗)同day都覺得有D喎~

婚禮結束我都跟旅遊巴番屯門了，坐o左係D教會o既婆婆太太們旁邊~年輕人都係車o既後面呀~同佢o地唔熟，我都係自己休息下、聽下歌(聽緊咩歌？估下﹗)咋~落車諗住同小組o既女生打個招呼先走，阿珊阿玲邀請我一齊去食tea呀~都幾吸引喎~所以一齊去o左椰林閣﹗同行o既仲有小鳳、黃教師同埋第一次見o既esther~吱吱喳喳下﹗講下黃教師個B，講下去physical做gym，其樂融融~

好似好耐冇見爸媽姐lu，可以同佢吱喳真係10高興﹗爸諗住浸D蒜頭醋(唔知係咩方o黎o既？)，咁我o地食完飯之後咪一齊係度剝蒜頭o羅，我覺得場面好溫馨啊﹗其實影o左相，但未放落電腦呢~

我都好累呀，去睡了﹗聽日同爸媽去healthex(總係好有感情﹗應該聽日會去，下星期同hyper4再去﹗)，夜晚再去lily o既喜宴呀~

Comments

comments