媽千叮萬囑今日一定要去參與十一點鐘彌撒，因為係爹媽有份o既「婚姻祝福禮」呀~十二月三十日係天主教o既「聖家節」(若瑟+瑪利亞+耶穌=聖家，佢o地就係家庭o既典範了)，我o地聖堂每年都會係呢個日子為教友夫婦舉行婚姻祝福禮，今年爹媽終於可以參與了，之前幾年好似都咁o岩唔得閒咁~

婚姻祝福禮係彌撒之中舉行，今次主禮係孫神父，參加o既20對夫婦要重新向對方宣讀結婚時o既誓詞，可能我未有呢個經驗感覺唔太強烈啦，但聽家姐講，原來佢呢一刻比起佢自己結婚時更感動，呢D夫婦，有結婚五年的、十年的…最耐o既係五十周年﹗好難得啊~

禮成o黎個大合照~

我o地當然都要o黎個全家福啦~yup，而家全家福要包括埋恒仔了，呀，唔係，係「姐夫」or「楊先生」~heehee~

爺嫲番o左o黎，所以番屋企食午飯~飯後當然抵受唔到「星期日的咒詛」啦，唔知點解，個個星期日食完lunch之後都會特眼瞓，必須午睡，但呢個又唔係星期六or其他假期發生o架喎，一定係星期日﹗古怪古怪~

我都唔可以盡情瞓呀，因為夜晚又要出街喎，再唔溫書就si-cal-cal，所以係出門口前都溫o左個幾鐘書o既~5:00pm左右就出門口lu~

今晚約o左爸媽o既舊同學夏叔叔食飯，仲有佢o既書法學生阿常同埋佢個friend孔先生，阿常係我o地去馬來西亞旅行時熱情招呼我o地，而家佢番o黎香港工作，趁夏叔叔o黎香港呢個機會，點都同佢食餐飯啦~我o地約o左係灣仔o既fat angelos’，8:00pm先食，不如早D出去逛逛街啦~

小插曲係，我o地搭巴士過海時，係車上面撞到爸媽o既兩個學生同佢o地o既家人，一家四口，於是媽就同佢o地吱喳o左全程車lu，果然係好smart，好乖o既兩個女生呢﹗

今日特別去sogo因為有D gift coupon，媽提議一人買一件衫用o左佢~因為sogo D o野真係好貴呀，D冷衫成千幾蚊一件真係嚇死人，所以選擇都好有限，最後媽買o左件衫，我買o左條裙，爸冇揀到，我o地去supermarket用埋剩番o既gift coupon﹗消滅晒lu﹗

fat angelos’ o既晚餐真係食到人肚滿腸肥，好飽啊~味道好似冇以前咁好咁…唯一食到我瞇眼o既，莫過於最後o既甜品蘋果撻了，酸酸甜甜o既蘋果加上肉桂味，好好味啊~番到去時都好夜啦~

Comments

comments