大家好似已經睇咗我好多篇blog，但一直都仲係Barcelona，嚟到第五日(名義上o既第五日，其實第一日係搭飛機囉~)，我哋終於出發去下一個大站—-Sevilla(塞維亞)~

先一晚明明仲有一件重要事，掛住講啲高興o既大商場美食水族館，因為冇乜損失，居然唔記得講我哋今個trip唯一一次o既被小偷睇中~一早就知道西班牙治安麻麻，勁多小偷，估唔到大家會遇到小偷o既frequency真係咁高~話說我哋離開Maremagnum已經好攰好眼瞓，歸心似箭之時，仲要係地鐵轉車先返到酒店，我半夢半醒同day一齊係地鐵度行時忽然聽到day大喝一聲，我都唔知佢喝中文定英文定咩，我即刻嚇醒咗，原來佢驚覺有人拉佢背囊條拉鍊﹗﹗好在發覺得早，嗰條拉鍊都拉開咗三分之一，而day o既銀包同身份証+我哋一半o既歐羅確實就係嗰度入面，差多幾秒就大件事~好在有今次o既經歷，之後都更提高驚覺~

雖然第一張相已經嚟到Sevilla，其實呢程火車係最長嗰程，要坐大概五個鐘﹗我哋怕時間難預，而且因為時間都幾早，我哋打從一開始就打算係火車站買早餐，唔知入閘仲有冇嘢賣，所以去到火車站大堂就有理冇理買咗先，我牛刀小試用西班牙文，簡單的買咗兩個牛角包，day o既齋啡同埋我o既奶啡，算係成功吧﹗heehee~但唔成功o既係要拎住兩大件行李再加兩杯熱飲同埋包包，於是男人管重o既，女人管食o既，一樣掂~ 閱讀全文 →