7-11-2013:西班牙day 8(part 3).華麗與血腥的鬥牛場@Sevilla

離開阿卡乍堡我哋要即刻去Sevilla最後一個景點鬥牛場了,之後就要趕下午o既火車返馬德里啦,距離話近唔近話遠唔遠,係Santa Cruz邊緣、河o既旁邊,如果唔迷路的話步行大概15-20分鐘啦,好在今次我哋都順利去到~SONY DSC

鬥牛場o既外觀﹗ 閱讀全文

5-11-2013:西班牙day 6(part 3).羅馬橋.清真寺活了@Cordoba

其實我哋逛清真寺到尾聲時,自然反應已經開始呼喚我哋,唔唔,想搵個洗手間方便一下…吓?清真寺出口冇洗手間?難怪o既,好似連紀念品店都冇~呢個咁偉大o既歷史建築,本身好有可觀性,但配套太差,我哋行緊o既時候我都不斷話,搵我幫你整好佢,變成好好行o既景點啦~記起以前印度好好o既旅遊景點o既經歷:15-5-2008:印度最佳景點‧mehrangarh fort

呀,講緊搵廁所,我又離咗題添…行出去有啲類似旅客中心o既又冇廁所,又唔好意思入去人哋啲酒店借廁所…轉兩個彎我哋發現另一個本身諗住去o既景點~

SONY DSC

呢個門後面就係羅馬橋啦~ 閱讀全文

5-11-2013:西班牙day 6(part 2).Cordoba.並存的大教堂與清真寺

之前的開場白用咗一篇blog o既時間,而家終於嚟到Cordoba o既戲肉,其實嚟Cordoba最重要o既就係參觀清真寺同埋阿卡乍堡,我哋先去清真寺,因為更特別+重要呢,而我睇到旅遊書o既圖片就俾佢吸引住了~SONY DSC

先買票,其實呢個位置已經可以話開始參觀了,因為我哋企緊o既位置就係清真寺o既橘子庭園啦~ 閱讀全文

4-11-2013:西班牙day 5(part 1).超級迷宮Santa Cruz@Sevilla

大家好似已經睇咗我好多篇blog,但一直都仲係Barcelona,嚟到第五日(名義上o既第五日,其實第一日係搭飛機囉~),我哋終於出發去下一個大站—-Sevilla(塞維亞)~

先一晚明明仲有一件重要事,掛住講啲高興o既大商場美食水族館,因為冇乜損失,居然唔記得講我哋今個trip唯一一次o既被小偷睇中~一早就知道西班牙治安麻麻,勁多小偷,估唔到大家會遇到小偷o既frequency真係咁高~話說我哋離開Maremagnum已經好攰好眼瞓,歸心似箭之時,仲要係地鐵轉車先返到酒店,我半夢半醒同day一齊係地鐵度行時忽然聽到day大喝一聲,我都唔知佢喝中文定英文定咩,我即刻嚇醒咗,原來佢驚覺有人拉佢背囊條拉鍊﹗﹗好在發覺得早,嗰條拉鍊都拉開咗三分之一,而day o既銀包同身份証+我哋一半o既歐羅確實就係嗰度入面,差多幾秒就大件事~好在有今次o既經歷,之後都更提高驚覺~SONY DSC

雖然第一張相已經嚟到Sevilla,其實呢程火車係最長嗰程,要坐大概五個鐘﹗我哋怕時間難預,而且因為時間都幾早,我哋打從一開始就打算係火車站買早餐,唔知入閘仲有冇嘢賣,所以去到火車站大堂就有理冇理買咗先,我牛刀小試用西班牙文,簡單的買咗兩個牛角包,day o既齋啡同埋我o既奶啡,算係成功吧﹗heehee~但唔成功o既係要拎住兩大件行李再加兩杯熱飲同埋包包,於是男人管重o既,女人管食o既,一樣掂~ 閱讀全文