3-6-2014:三十登長城day 5(part 3).四爺的雍和宮.孔廟.回家咯

離開咗鳥巢水立方,我哋係熱辣辣嘅正午時份直接搭咗的士去雍和宮附近,先搵嘢食,再逛多一陣就要返香港咯~

呢個標題又係「四爺的」?﹗之前已經係四爺的圓明園㗎咯噃,今時今日嘅雍和宮係藏傳佛教嘅寺廟,係乾隆時期改建嘅,而再之前呢個地方其實係雍親王府,即是雍正皇帝登基前嘅府第,雍正就雍正啦,又要四爺的,是關睇咗「步步驚心」之後,吳奇隆飾演嘅四爺實在太有魅力了⋯噢~我諗我決定要係僅餘嘅時間加插多嘅呢一兩個景點,可能都同我係四爺fans有關囉~

呀,我點解未去到雍和宮就講咁多,其實係想介紹我哋食lunch嘅地方,其實雍和宮座落嘅呢條大街有好多食肆,但因為雍和宮就係佛寺,所以八九不離十都係素菜館,平時我哋都唔係可以唔食素,但飢腸轆轆嘅兩人好想食得多啲,所以我哋嘅目標係non素菜⋯SONY DSC

結果入咗去呢間食餃子嘅「輕鬆時刻」,名符其實,職員全部都享受緊佢哋嘅輕鬆時刻囉⋯ 閱讀全文

2-6-2014:三十登長城day 4(part 1).四爺的圓明園

到第三日行程,今日嘅目的地係去圓明園,其實我成日都偠搞亂圓明園同埋頤和園,圓明園通常前面加上「火燒」兩個字,唔唔係喇,睇嘅係頹垣敗瓦,至於頤和園,仲係今時今日keep得好好嘅皇家庭園,兩度位置好近,但範圍都好大,恐怕未必可以去晒兩度,兩邊只夠時間去一度點解我會去睇廢墟instead of靚靚庭園?因為要見證歷史?nonono,其實我都比較膚淺,事關睇咗「步步驚心」,小說中最令我印象深刻嘅其中一段非常浪漫嘅,就係講四爺(即後來嘅雍正皇帝)要避開其他人享受一個人嘅休閒時間,佢就會去圓明園嘅荷花池度泛舟,荷葉好高,遮住佢嘅小舟,人搵都搵唔到佢,有一次佢帶埋若曦去佢嘅私人秘密空間,噢,好浪漫~可惜後來睇電視劇,呢幕嘅CG做得好唔掂,破滅晒我嘅幻想,所以我就好想睇下真正嘅荷花池,同埋睇下有冇得係入面同我個男人泛舟了﹗呵呵~SONY DSC 出發了﹗ 閱讀全文

31-5-2014:三十登長城day 2(part 1).巨大壯觀的紫禁城

返到嚟香港家姐問好唔好玩呀,我話好攰丫﹗﹗家姐話,去北京玩預咗㗎啦~四日之中,呢日算係最最最攰嘅一日,因為要去超巨嘅紫禁城參觀,而且天氣仲超熱,太陽不留情面咁曬曬曬﹗﹗SONY DSC

由位於王府井嘅木棉花酒店出發﹗ 閱讀全文

4-11-2013:西班牙day 5(part 1).超級迷宮Santa Cruz@Sevilla

大家好似已經睇咗我好多篇blog,但一直都仲係Barcelona,嚟到第五日(名義上o既第五日,其實第一日係搭飛機囉~),我哋終於出發去下一個大站—-Sevilla(塞維亞)~

先一晚明明仲有一件重要事,掛住講啲高興o既大商場美食水族館,因為冇乜損失,居然唔記得講我哋今個trip唯一一次o既被小偷睇中~一早就知道西班牙治安麻麻,勁多小偷,估唔到大家會遇到小偷o既frequency真係咁高~話說我哋離開Maremagnum已經好攰好眼瞓,歸心似箭之時,仲要係地鐵轉車先返到酒店,我半夢半醒同day一齊係地鐵度行時忽然聽到day大喝一聲,我都唔知佢喝中文定英文定咩,我即刻嚇醒咗,原來佢驚覺有人拉佢背囊條拉鍊﹗﹗好在發覺得早,嗰條拉鍊都拉開咗三分之一,而day o既銀包同身份証+我哋一半o既歐羅確實就係嗰度入面,差多幾秒就大件事~好在有今次o既經歷,之後都更提高驚覺~SONY DSC

雖然第一張相已經嚟到Sevilla,其實呢程火車係最長嗰程,要坐大概五個鐘﹗我哋怕時間難預,而且因為時間都幾早,我哋打從一開始就打算係火車站買早餐,唔知入閘仲有冇嘢賣,所以去到火車站大堂就有理冇理買咗先,我牛刀小試用西班牙文,簡單的買咗兩個牛角包,day o既齋啡同埋我o既奶啡,算係成功吧﹗heehee~但唔成功o既係要拎住兩大件行李再加兩杯熱飲同埋包包,於是男人管重o既,女人管食o既,一樣掂~ 閱讀全文