畢業囉﹗畢業囉﹗畢業囉﹗畢業囉﹗畢業囉﹗
雖然期待著上畢業袍，但更加期待著上掛著「醫生」稱號o既名牌﹗(我o地不嬲掛起o既名牌都好似幼稚園生o個D嘛，得中英文名係上面﹗)而畢業晚宴(graduation dinner)亦係記載畢業呢件盛事o既一個重要部份﹗
二零零八年六月十四號—-就係呢個日子喇﹗
變成大人，梗係要用心打扮啦，我o既裙裙係爹媽之前去新加坡旅行買俾我o既手信，而頸鍊同埋高踭鞋都係家姐結婚時著o既，所以真正要準備o既主要都係頭髮同埋化妝~
反正都係時候剪頭髮，下晝就出去髮型屋剪髮+吹頭啦，唔該晒呀，後生仔髮型師﹗番屋企都要拿拿聲化妝換衫lu~好喜歡新買o既estee lauder粉底，又貼面、顏色又自然，我呢D深色皮膚o既人買粉底係難D o架啦~化妝品專櫃果然服務都專業D﹗
今次graduation dinner o既地點，係位於灣仔o既萬麗海景酒店(renaissance harbour view hotel)，係lobby就見到我o地個function o既指示啦~ 閱讀全文
我收到第一封稱呼我做「Dr」o既信，就係通知我去做醫管局入職身體檢查o既信o羅~今日就係去做body check o既日子﹗
下晝先要去醫院，上晝都free o既，我去o左上kenny教o既yoga~不嬲都覺得kenny係physical入面其中一個教yoga教得最好o既老師~佢其實唔駛示範D動作，因為淨係講解，你唔需要望住佢，已經知道D動作應該點做~而且佢會講，你做一個動作時會expect有咩感覺，例如邊個部位會有拉緊o既感覺，邊度會特別累，例如做船式時，佢就會話肚震、腳震正常，咁大家就知道自己做得o岩唔o岩啦~而且hold動作o既時間又恰到好處，唔會太harsh，但又o岩o岩有D辛苦，有鍛鍊o既作用﹗總之好good啦﹗不過我都好少刻意就上佢o既堂呢，因為唔係時時同一個時間得閒去gym~
自己食o左個lunch之後就去醫院lu~係美食廣場一買完個米線先諗起，係喎，應該趁今日試下麥當勞個玉子將軍漢堡﹗由日本番到o黎之後都唔知仲有冇得食呢~
body check就係屯門醫院o既staff clinic度做喇~
去到staff clinic，除o左stanley之外仲見到其他M08同學仔呀，見到steven同埋mary﹗大家吱喳一下去SSM同埋旅行o既東東~steven去o左喀麥隆丫嘛，有好多特別o既經歷﹗佢以前又去過印度呢~ 閱讀全文
各位，其實我前日(28-5-2008)番o左o黎香港了﹗一切平安，感謝天主﹗
其實係我未補打好所有印度blog blog o既同時，每一日發生o既事都應該記低，嗚哇呀~~~~~~~~~越積越多﹗anyway，總之而家唔好唔寫新o既啦，舊o既慢慢補﹗我會通知大家click番去睇o架啦~(梗係啦，打得咁辛苦，點都要有D讀者先值得﹗)
今日都少少忙碌o架~因為…見到標題嘛？因為要—-做功課﹗吓？唔係考完final呢咩？事關我o地七月一號開始實習，但實習前有個pre-internship training，而上堂之前就要上網做D web-based exercise~聽日就deadline了﹗就因為「少壯不努力」，即是因為尋日撻o左皮，咁今日咪要趕趕趕o羅~
朝早食過早餐，睇下書，十一點幾出門口lu~約o左day去午飯﹗搭車時不斷係度試新電話(新電話o既來歷我遲D再講~)﹗入面有D games o架，不過全部都係試玩版，玩三次就冇lu，叫你買，雖然唔貴(每款$18)，但都要好好考慮一下﹗
去o左apm o既food court，食o左o個間「南京街」，但麻麻地呢，我o地叫兩個小菜，蕃茄蝦仁炒蛋同埋乾煸四季豆，哈，居然兩款都炒燶o左喎﹗真係離晒譜~好在有啖湯飲下，豆漿都唔錯，補番D分數﹗最重要都係，同day食的話，食乜都好o既~
food court有印度食品﹗睇下正唔正宗先~有我之前提過o既samosa(咖喱角)呀﹗唔知我而家飲D奶茶慣唔慣呢？右上角o既雞係咪tandoori chicken？(p.s.第一次擁手有得影相o既手機﹗新屎坑，要好好用一下~) 閱讀全文
今日係去rural clinic o既大日子，我o地attach PSM其中一個最大原因就係想睇下佢o地D outreach clinic嘛~不過去呢D clinic都有代價啊，因為地方遙遠，好早就要出發啦~
未夠六點鐘要起身，要搭火車去到khar road station再轉auto o黎到呢間醫院集合，叫做Ramkrishna Mission，佢o地係一個宗教志願團體，負責搞o個個rural clinic o既~七點半就開車，所以唔能夠遲啊﹗ 閱讀全文