標籤彙整: internship

30-5-2008：做功課

發佈日期: 作者:
12

各位，其實我前日(28-5-2008)番o左o黎香港了﹗一切平安，感謝天主﹗

其實係我未補打好所有印度blog blog o既同時，每一日發生o既事都應該記低，嗚哇呀~~~~~~~~~越積越多﹗anyway，總之而家唔好唔寫新o既啦，舊o既慢慢補﹗我會通知大家click番去睇o架啦~(梗係啦，打得咁辛苦，點都要有D讀者先值得﹗)

今日都少少忙碌o架~因為…見到標題嘛？因為要—-做功課﹗吓？唔係考完final呢咩？事關我o地七月一號開始實習，但實習前有個pre-internship training，而上堂之前就要上網做D web-based exercise~聽日就deadline了﹗就因為「少壯不努力」，即是因為尋日撻o左皮，咁今日咪要趕趕趕o羅~

朝早食過早餐，睇下書，十一點幾出門口lu~約o左day去午飯﹗搭車時不斷係度試新電話(新電話o既來歷我遲D再講~)﹗入面有D games o架，不過全部都係試玩版，玩三次就冇lu，叫你買，雖然唔貴(每款$18)，但都要好好考慮一下﹗

去o左apm o既food court，食o左o個間「南京街」，但麻麻地呢，我o地叫兩個小菜，蕃茄蝦仁炒蛋同埋乾煸四季豆，哈，居然兩款都炒燶o左喎﹗真係離晒譜~好在有啖湯飲下，豆漿都唔錯，補番D分數﹗最重要都係，同day食的話，食乜都好o既~

food court有印度食品﹗睇下正唔正宗先~有我之前提過o既samosa(咖喱角)呀﹗唔知我而家飲D奶茶慣唔慣呢？右上角o既雞係咪tandoori chicken？(p.s.第一次擁手有得影相o既手機﹗新屎坑，要好好用一下~) 閱讀全文 →

16-4-2008：上課日第二天

發佈日期: 作者:
15

因為尋日o既狼狽相，今日要好好考慮一下出去o既行裝﹗淨係咩個細側揹袋應該放唔晒所有o野喇，而我覺得揹住個背囊跟round都ok，所以目標係以減重為主。照揹兩個袋袋，放低上ward其他工具，只帶白袍同埋stetho(聽診器)，放低旅遊書，唔帶咁多支水，唔，滿意了，輕盈得多。到上堂時將細袋放入大袋，咁淨係揹個背包咪ok o羅~不錯不錯﹗

今日約好英國女生Amy 9:30am去到MICU(內科深切治療部)，我o地跟o個個doctor o既ward round由o個度開始，去到要換拖鞋，哈，好難湊夠一對相同款式o既，所以人人都鴛鴦鞋﹗哇，入面真係勁多千奇百怪o既case﹗cerebral malaria(腦瘧疾)、幾個GBS(平時係QMH最多咪一個半個﹗)、又有placental abruption整到DIC同埋acute renal failure﹗總之好多平時少見o既case啦~

照理上個MO present俾o個個doctor聽時講緊英文，但…umum…都唔係聽到太多，有時甚至以為佢o地講緊印度文﹗﹗主要教我o地o個個doctor講o野就聽得清楚D~

round o左MICU、男同埋女o既general medical ward就結束了，完結時doctor仲請我o地飲咖啡添~o黎到咁多日第一次飲咖啡﹗如果canteen o既咖啡飲o左唔肚痛的話即是以後都可以飲啦~

lunch去o左學校附近一間靚靚地o既餐廳食，有AC hall o架，都幾抵食，味道樣樣都唔錯~下次都好有機會再去~叫o左hong kong fried rice， 閱讀全文 →

15-4-2008：KEM-O

發佈日期: 作者:
5

先祝家姐生日快樂﹗~~~~~~~~~~~~~~~~~~~~

終於第一日番學了，十點幾去到office，搵o個個miss beena desai，佢話elective student o既學費加價了﹗?？﹗有冇搞錯？﹗加o左價都唔通知我o地？﹗唔係話俾唔俾得起o既問題，而係點可以咁o既行政o架？而且仲加得唔少添啊~我o地係度爭論啦，佢叫我o地去見department of anatomy o既某個doctor，哎??，o個個doctor咁陰聲細氣，溫柔的同我o地耍太極，我o地要發火都發唔出啦~唯有乖乖就範~最唔憤氣就係輸o左俾faculty office o個個女人…

交好錢，辦好手續喇，faculty office叫我o地搵department of medicine o既office問下上堂o既東東了，哇哈哈，「KEM-O」開始啦，D人o’camp時咪要玩HK-O o既，即是好多check point，要跑o黎跑去衝station呢，我o地今朝就係做D咁o既o野了，係成間醫院度東奔西跑，搵到office了，又叫我o地去邊度搵邊個醫生，o個個醫生又叫我o地去邊度搵邊個~奔跑o左個幾兩個鐘先到最後一站﹗係OPD跟o左一個case之後，就有個doctor o黎接走我o地去ward round了~

個general ward超大，所有床，幾十張，唔知有冇五六十張？係一大個hall入面~香港o個D病房係一個個cubicle家嘛，每個cubicle六張床左右~個doctor怒抽書，仲要係抽D physical sign同埋D basic o野，harsh程度同平時上bedside差唔多，但平時好少問呢D o野家嘛~唉，對住外面o既人又唔想丟自己大學、香港、祖國o既假…真係想答得好D呢~我o地仲要係pass o左final o既medical student添~

係呢度睇到好多平時香港見唔到o既case o羅~TB pericarditis、empyema…所以平時唔多用o既knowledge都要搵出o黎﹗

同Amy於canteen合照 閱讀全文 →