嚟到懷胎十月接近尾聲，呢段時間會檢查得密啲了～隔咗兩個星期冇見，BB呱你最近長成點呀？我今次最關注兩樣嘢，頭仔向下未？size ok嘛？

嚟到35週，我第一次覺得自己腳有水腫了，之前去按摩啲按摩師不嬲都話我腫(即使未陀baby佢哋都係咁講^^”，我不嬲都話係肥～)，但我唔覺，西醫嘅水腫係指按落去骨嘅位置上面形成個小凹痕至算，所以直至34w6d我先第一次衷心地覺得有腫～好在係返工嘅日子，拿拿林量一量血壓同驗一驗有冇尿蛋白，兩樣都正常咁都放心啲～所以腳腫嚟講主要係舒唔舒服嘅問題了，好在鞋都著得落，不過腳感覺重少少囉～

今日檢查時再量血壓同驗小便都正常，體重嘅增長我都有少少擔心，BB又大隻，我又有水腫，會唔會重得好恐怖？﹗好在依然未破70大關，今日－－69.5kg﹗咦，對比番兩星期前原來冇重到喎(請參閱：7-3-2015：懷孕扎記33w0d．我們的長腿厚嘴唇性感美女？﹗)，呢段時間肥B唔肥媽都好成功﹗似乎啲惱人嘅胃酸倒流都幫到我唔少，幫我控制唔好咁大食～

我哋睇下BB呱啦：

頭仔﹗想像下頭仔直徑8.68cm其實都幾大了， 閱讀全文 →

二月十四日情人節，除咗我哋兩夫妻嘅情人約會之外，亦要同我倆嘅小情人見面丫﹗BB呱今日啱啱滿三十週啦，懷孕過程亦過咗四分之三，我話heehee，我哋三個都係三字頭啦～

血壓、小便都正常﹗體重方面，呢一兩個月真係唔錯呢，我只係重咗少少，而BB呱就生長良好，即是肥B唔肥媽啦(其實個媽已經係2nd trimester時肥得太多⋯而家只係放緩～)～上次68kg，三個星期後嘅今日只係68.5kg，幾好幾好﹗

我哋睇睇BB呱嘅生長啦～

指定動作﹗頭仔先～而家頭仔直徑有7.71cm，超聲波機計算嘅週數係31w3d，S醫生話而家嘅週數嚟講正負兩星期都屬於正常～ 閱讀全文 →