嚟到36週了﹗時間過得越嚟越快呢～開始進入倒數階段了﹗仲有一個星期－－仲有一個星期BB呱就足月，隨時可以出世啦～不過呢個「隨時」都叫做橫跨好長時間，37週嘅足月，到41週嘅過期，有整整一個月嘅時間啊，不過之前八九個月嘅等待都過去啦，唔爭在呢一時三刻，但媽媽真係好期待見到你丫～見證住呢段大直路，我哋最尾呢幾個星期會密密見住S叔叔啦～
上次嘅腳板仔大獲cutie好評(請參閱：21-3-2015：懷孕扎記35w0d．乖乖穩步生長)，今次BB呱又揮揮手仔同大家打個招呼先～
血壓、小便都 閱讀全文
嚟到懷胎十月接近尾聲，呢段時間會檢查得密啲了～隔咗兩個星期冇見，BB呱你最近長成點呀？我今次最關注兩樣嘢，頭仔向下未？size ok嘛？
嚟到35週，我第一次覺得自己腳有水腫了，之前去按摩啲按摩師不嬲都話我腫(即使未陀baby佢哋都係咁講^^”，我不嬲都話係肥～)，但我唔覺，西醫嘅水腫係指按落去骨嘅位置上面形成個小凹痕至算，所以直至34w6d我先第一次衷心地覺得有腫～好在係返工嘅日子，拿拿林量一量血壓同驗一驗有冇尿蛋白，兩樣都正常咁都放心啲～所以腳腫嚟講主要係舒唔舒服嘅問題了，好在鞋都著得落，不過腳感覺重少少囉～
今日檢查時再量血壓同驗小便都正常，體重嘅增長我都有少少擔心，BB又大隻，我又有水腫，會唔會重得好恐怖？﹗好在依然未破70大關，今日－－69.5kg﹗咦，對比番兩星期前原來冇重到喎(請參閱：7-3-2015：懷孕扎記33w0d．我們的長腿厚嘴唇性感美女？﹗)，呢段時間肥B唔肥媽都好成功﹗似乎啲惱人嘅胃酸倒流都幫到我唔少，幫我控制唔好咁大食～
我哋睇下BB呱啦：
頭仔﹗想像下頭仔直徑8.68cm其實都幾大了， 閱讀全文