正式嚟講兩日前嘅3月31號係我返工嘅last day，尋日就正式開始放產假啦﹗﹗我諗對比起其他全職太太嚟講，我嘅「一星期返兩天」變成「一星期返零天」分別唔係好大，但意義上都好唔同嘅，心理上、身體上都正式預備好BB呱嘅來臨了～
今個星期六就滿37週足月了，即是BB呱幾時出世都可以了～當然啦，我都希望佢大少少至出世啦，又大隻啲，又冇咁容易黃，又就番陪月嘅開工日子等等，不過我今日都第一次consciously自己叫咗木瓜湯嚟飲(因為青木瓜有機會令子宮收縮，之前一直都唔敢飲呢)，西瓜亦可以加入恒常水果行列了～
所以話，快嘅話， 閱讀全文
嚟到懷胎十月接近尾聲，呢段時間會檢查得密啲了～隔咗兩個星期冇見，BB呱你最近長成點呀？我今次最關注兩樣嘢，頭仔向下未？size ok嘛？
嚟到35週，我第一次覺得自己腳有水腫了，之前去按摩啲按摩師不嬲都話我腫(即使未陀baby佢哋都係咁講^^”，我不嬲都話係肥～)，但我唔覺，西醫嘅水腫係指按落去骨嘅位置上面形成個小凹痕至算，所以直至34w6d我先第一次衷心地覺得有腫～好在係返工嘅日子，拿拿林量一量血壓同驗一驗有冇尿蛋白，兩樣都正常咁都放心啲～所以腳腫嚟講主要係舒唔舒服嘅問題了，好在鞋都著得落，不過腳感覺重少少囉～
今日檢查時再量血壓同驗小便都正常，體重嘅增長我都有少少擔心，BB又大隻，我又有水腫，會唔會重得好恐怖？﹗好在依然未破70大關，今日－－69.5kg﹗咦，對比番兩星期前原來冇重到喎(請參閱：7-3-2015：懷孕扎記33w0d．我們的長腿厚嘴唇性感美女？﹗)，呢段時間肥B唔肥媽都好成功﹗似乎啲惱人嘅胃酸倒流都幫到我唔少，幫我控制唔好咁大食～
我哋睇下BB呱啦：
頭仔﹗想像下頭仔直徑8.68cm其實都幾大了， 閱讀全文
本身我條腰都差差地，如果唔係都唔會大學時join咗一個research做研究對象，去俾人照下磁力共振同埋抽下血咁啦～不過後來改善咗坐姿同埋多啲運動之後，那管係GOPC工作要坐好多個鐘頭，其實呢個問題已經消失咗好耐～直至到BB呱越來越大，呢個腰背痛「老朋友」又返嚟搵我﹗
之前嗰一兩個月都唔太嚴重，通常都係練歌要坐係個琴前太耐or坐巴士大半個鐘唔郁得至會辛苦，一個星期一次嘅瑜伽班(請參閱：3-12-2014：懷孕扎記19w4d．孕婦瑜伽@香港瑜伽舍)同埋兩個星期一次嘅孕婦按摩(請參閱：19-11-2014：懷孕扎記17w4d．纖與美孕婦按摩)已經可以安撫到我～但呢兩個星期越來越嚴重，老公係我旁邊見我郁身郁勢又面容扭曲時都會主動伸隻手幫我按下個背，直至到達臨界點－－今日去咗大會堂睇兩個半鐘頭嘅芭蕾舞演出睡美人，實在太辛苦了，乜姿勢都唔舒服，坐係度又唔可以伸展，向前彎腰個肚又頂住⋯救救我丫～
好在呢個世界上有呢項偉大發明－－托腹帶﹗﹗ 閱讀全文
由1st trimester開始，懷孕嘅身體當然有好多唔同咗啦，但到咗2nd tri、3rd tri，一直一直都有唔同轉變，身邊嘅人只見到肚子越嚟越大，會問你嘅多數都係有冇嘔呀、食唔食到嘢呀等等⋯其實仲有好多好多小變化，係讀醫時都唔會教的(因為好多都唔影響任何醫療決定)，但準媽媽們都會發現而且關注的，一定要親身經歷過至知道﹗等我分享下嚟到31週時有咩發生緊啦～
頭髮 － 聽舊年生咗baby嘅好朋友金金講大肚會唔甩頭髮，我一直留意到 閱讀全文
好耐以前已經聽過話大肚婆怕熱/唔怕凍，我之前1st同2nd trimester都唔係太覺，點解都仲係咁怕凍呢？﹗早個幾兩個月前我仲專登為咗膨脹中嘅肚子買咗件新大褸，以便平時著開嘅羽絨扣唔到拉鍊時都有件褸可以保暖～點知到咗3rd trimester就感受到唔怕凍呢件事了﹗
尋晚天文台掛上寒冷天氣警告時，我忍唔住話：「點解而家啲寒冷天氣警告咁隨便嘅？以前啲警告係真係好凍㗎喎～」 閱讀全文