女人之中我平時都自係比較食得嗰type，人人first trimester作嘔作悶時都胃口減少，所以我一公佈咗有baby之後周遭嘅人問候我嘅頭兩件事都係有冇嘔同埋食唔食到(估下第三件事係乜？﹗)，我都完全no problem～進入咗second trimester之後仲要變得大食咗添，好似之前我都寫咗篇blog講成日想食下午茶啦～
我開始懷疑裡面嘅都係「大衛junior」，或者叫做「大胃」更合適，因為 閱讀全文
28-11-2014：懷孕扎記18w6d．一個大衛一個大胃
6
標籤彙整: 中期懷孕
27-11-2014：懷孕扎記18w5d．奇妙時刻第一次胎動
呢排技術上問題個blog唔係好穩定，呢篇blog要面世時可能已經係一至兩星期後，那管我之前仲構思咗幾個想寫嘅懷孕扎記topic，但呢個題目唔可以拖﹗﹗
繼幾時見肚之後，下一個問題就係幾時會感覺到BB郁動，一般資料都會話16至20週之間，之前生過嘅媽媽會早少少，因為一來有經驗知道感覺係點唔駛估估下，而且子宮鬆少少BB多啲空間郁，而第一次懷孕嘅媽媽就大概18至20週吧～至於感覺係點，其他人講嘅都只能係用文字去形容吧，有啲話好似bubble冒出來，有啲話好似爆谷爆開，有啲話好似金魚係肚皮下游動，有啲就話好似腸腸蠕動，媽咪話當年覺得好似心跳噗噗噗，而Helen就19週時經歷第一次，佢話好似flutter一樣喎～
我呢？？幾時會感覺到BB呱嘅第一次呀？17週後我就開始仔細留心有冇類似嘅情況﹗首次有懷疑係17w6d，嗰晚去聽「港樂星夜交響曲」，放工後食個tea之後出發過去中環，其間行路時感覺好似有東東係肚皮下左內側篤咗我一下咁﹗不過只此一次﹗﹗我都唔知係唔係嚟嘅～之後嗰日18w0d完全冇感覺，所以我都唔敢抱咁大奇望呢個就係傳說中嘅「第一踼」(應該係「第一篤」至啱…^.^”)～
但到咗18w1d連續成個星期都間歇感覺肚皮有不尋常感覺﹗有時係 閱讀全文
15-11-2014：懷孕扎記17w0d．baby人體奧秘深度遊
又到咗檢查嘅日子﹗雖然BB呱就日日同我一齊係我肚子裡，但幾個星期冇見過真係好掛住佢呢～每次有機會同佢say hi都好期待啊～血壓、weight gain、小便正常，跟住就可以睇睇BB呱嘅成長啦～
有婦產科同學仔S醫生幫我哋，由頭到腳仲有胎盤胎水臍帶每一部份都睇睇、度度～佢好仔細講埋我哋知睇到啲咩情況點點點呢，所以改呢篇blog名做「baby人體奧秘深度遊」﹗
因為超聲波機只有一個mon，佢好認真郁個probe幫住mon，day就笑咪咪咁、充滿期待咁一齊望住個mon，躺係床嘅我？只好眼巴巴望住佢哋兩個塊面囉﹗S醫生話：「呀，佢張開個口，用手擋住塊面喎⋯」我只恨得牙癢癢⋯就嚟要咆哮啦，我都要望下BB呱啊﹗檢查完畢之後S醫生show番俾我聽佢啲findings，yeah，我都有得睇﹗
我揀咗幾張有代表性嘅俾大家睇啦～有啲返到嚟都⋯唔記得咗添～:p
睇睇size先～真係要讚歎天主造物嘅偉大，點解programming可以咁精確？﹗頭仔同大脾骨嘅size都啱週數，對比起14週時又長咗好多(請參閱：25-10-2014：懷孕扎記14w0d．成長中的小寶貝)，BB呱叻叻～ 閱讀全文