又到咗定期檢查嘅日子﹗今次除咗睇睇BB呱嘅成長之外，仲有一件大事，大家都好關注嘅飲糖水測試(我都估唔到係FB大家會有咁熱烈嘅反應，可能引起媽媽們嘅共鳴吧？)，今日有得睇報告了～4.3/7.5/5.5－－正常丫﹗﹗雖然正常，當然都唔可以大吃大喝啦，冇咗妊娠糖尿嘅憂慮，但都唔可以俾自己過量增磅，身邊嘅大家都幫手提醒我唔好食咁多冇益嘅肥嘢丫﹗血壓、小便正常，另一樣關注嘅就係體重了，經過上次驚嚇嘅67kg之後，我呢幾個星期都算收籨咗好多，唔好食咁多「佬飯」，亦因為怕胃酸倒流啦，都唔敢食太飽或油膩嘅東東，今次weight gain放緩了，非常好嘅67.5kg only，我冇出貓㗎，今次磅重都著咗牛仔褲㗎～
我哋睇下BB呱啦～
例行必做嘅當然係各樣measurement睇下生長得好唔好啦～頭仔﹗ 閱讀全文
大家可能講都唔信，到而家懷孕差不多有六個月，之前我真係一件東西都未買過俾BB呱﹗相關嘅消費都係for自己，brabra、衫、攬枕、補品⋯始終感覺距離出世仲有好耐時間，唔太實在咁，而且又唔知係男仔定女仔，都唔係好敢買住～週數到咗二次頭開始越來越實在，BB呱越郁越多越明顯啦，20w同23w都照到佢係女仔啦，到24w佢有咗法律上嘅身份啦(touchhhhhhh wood先開始解釋：24週後出來嘅B先至叫做早產，有咩大吉利是早咗出嚟醫生都會搶救～BB呱乖乖，我哋四月至見面﹗ok？)，而啲apps亦叫我可以開始選購東東了﹗所以我嘅心態開始放寛啦，見到啱就可以買lu～
24w6d呢個日子我第一日掏荷包買東東俾BB﹗﹗ 閱讀全文
又到咗相約S醫生作定期檢查嘅日子﹗而家日日都感覺到BB呱郁郁郁，相對地冇咁牽腸掛肚，但我依然期待每一次同你嘅約會丫～
血壓、小便都正常，體重今次變成67kg了﹗﹗嚇死人啦～我就嚟追得上day嘅體重啦～～～個個都話食得就好，不過apps就時時提醒我哋要食nutrition dense而唔係energy dense嘅東西，開胃係好，但真係要時刻提醒自己唔好食啲垃圾，而家咁開胃真係想食好多立雜嘢﹗除咗67kg呢個數字之外，其實近排都收籨少少嘅，因為食得太多或太油就會胃酸倒流，都係要乖乖地，清清地好啦～聽醫院嘅產前講座話average增重total應該係12.5kg，我已經用咗7.5kg了，邊有可能剩低嘅17星期只增5kg？﹗oh no no，真係要控制下，唔好暴飲暴食，同埋做番多啲運動丫﹗
好，輪到度度BB呱嘅生長啦～
頭仔係非常準確嘅23週﹗叻叻～ 閱讀全文
台北babymoon完滿結束，返嚟香港之後嘅一日，原本係要工作嘅星期二，但為咗呢項特別活動請假，去參加屯門醫院物理治療部嘅產前運動實習班﹗
呢個運動班係上次聽講座時報名的(請參閱：29-11-2014：懷孕扎記19w0d．屯門醫院產前講座(7)．產前及產後運動)，其實比起呢一堂運動班，我比較有興趣參加第二堂，原定第二堂係同老公一齊去上，學下點樣用分娩球、丈夫點樣按摩幫助太太減少生產時嘅痛楚、點樣用止痛儀器等等，但 閱讀全文
二十週－－嚟到整個懷孕過程嘅一半了﹗﹗BB呱開始郁啦、肚子越來越突起啦、開始有人讓座啦⋯懷孕嘅感覺越來越強烈﹗﹗之前嗰廿幾篇blog全部都係我自己講講講，話晒呢baby都有一半係day家嘛，決定係二十週期間推出「特別號」－－等我訪問一下準爸爸先～
以下嘅問題係我draft嘅，答案就完全交俾day作答啦～
Q1. 嚟到二十週咯喎，而家感覺如何呀？
好期待BB出世！好想抱下佢 ：） 閱讀全文