懷孕扎記blog

因為17w0d時照唔到男仔定女仔，未有得開始購物住，day話：「BB呱話等你哋執好地方放我啲嘢，我至俾你知﹗」所以就決心要大－－掃－－除－－﹗過新年都冇咁有決心，heehee～加上呢排鼻敏感好嚴重，可能都用雜物太多有關，而雜物多嘛，要吸塵要清潔都份外困難～之前有考慮過搵家務助理幫手「深層清潔」一下家居，但你未執通啲位人哋都好難同你清潔，冇辦法，第一步都係要靠我哋自己﹗而家做啱啦，遲少少個肚再大啲就仲辛苦了～大家可能以為呢三張相係「before」⋯其實係「after」﹗:p只怪iphone5個鏡頭唔夠廣角，閱讀全文 →

15-11-2014：懷孕扎記17w0d．baby人體奧秘深度遊

發佈日期: 2014-11-15 作者: Rita

又到咗檢查嘅日子﹗雖然BB呱就日日同我一齊係我肚子裡，但幾個星期冇見過真係好掛住佢呢～每次有機會同佢say hi都好期待啊～血壓、weight gain、小便正常，跟住就可以睇睇BB呱嘅成長啦～

有婦產科同學仔S醫生幫我哋，由頭到腳仲有胎盤胎水臍帶每一部份都睇睇、度度～佢好仔細講埋我哋知睇到啲咩情況點點點呢，所以改呢篇blog名做「baby人體奧秘深度遊」﹗

因為超聲波機只有一個mon，佢好認真郁個probe幫住mon，day就笑咪咪咁、充滿期待咁一齊望住個mon，躺係床嘅我？只好眼巴巴望住佢哋兩個塊面囉﹗S醫生話：「呀，佢張開個口，用手擋住塊面喎⋯」我只恨得牙癢癢⋯就嚟要咆哮啦，我都要望下BB呱啊﹗檢查完畢之後S醫生show番俾我聽佢啲findings，yeah，我都有得睇﹗

我揀咗幾張有代表性嘅俾大家睇啦～有啲返到嚟都⋯唔記得咗添～:p

睇睇size先～真係要讚歎天主造物嘅偉大，點解programming可以咁精確？﹗頭仔同大脾骨嘅size都啱週數，對比起14週時又長咗好多(請參閱：25-10-2014：懷孕扎記14w0d．成長中的小寶貝)，BB呱叻叻～閱讀全文 →

2-11-2014：懷孕扎記15w1d．懷孕必用apps之強力預言書

發佈日期: 2014-11-02 作者: Rita

對於早期懷孕嘅女人嚟講，心理上嘅support真係好緊要，冇乜感覺bb嘅存在，患得患失、七上八落嘅心情，其他人實在未必明白到～有呢啲apps真係幾好：

呢兩個免費嘅懷孕apps我好早就download咗係我電話度啦，分別係「What to Expect」同埋「Babycenter」，Babycenter嗰個好似有得揀其他國家語言添，不過我就原汁原味睇番美國版～閱讀全文 →

15-10-2014：懷孕扎記12w4d．第一次產前檢查

發佈日期: 2014-10-15 作者: Rita

一個月前拎住referral letter去健康院預約，覺得呢個日子好遠好遠，時間一直過去，終於嚟到呢個日子了﹗既然係正式第一次檢查，叫老公請埋假一齊去啦～

首先係小便問題，預約時已經講咗自己帶早餐前小便去，我諗咗好耐用咩容器好⋯^^”想問下有經驗嘅媽媽用咩載去？有諗過用party紙杯，用完就丟掉乾手淨腳，但冇蓋喎，雖然只係過一條馬路嘅距離，好似有啲論盡⋯最後決定用一個舊嘅調味玻璃樽，呢段日子每次用完都洗啦，最後一次就掉咗佢啦～>.<記起之前冇乜幾多次驗小便嘅經驗，嗰陣係HKU做research subject次次去要驗小便，佢會俾個一次使用樽你係嗰度留specimen，乾手淨腳，而職員亦會好謹慎地戴手套至幫你驗尿～至於健康院？姑娘們更乾淨﹗哈，原來係全自助，你去到自己拎兩張試紙自己點落啲尿度再自己計時，夠鐘俾姑娘遠遠用眼尾望一望就ok了﹗

去到健康院除咗驗小便之外，第一件事就係度高磅重同量血壓，原來真係vasodilatation，血壓比平時好似仲低咗呢～我做完呢幾件事時啱啱有個簡短人奶講座要開始，姑娘就叫我聽埋先了～

之後就係漫長又漫長嘅等待啦～見姑娘，問好詳細嘅病歷同埋資料，又介紹下之前派嗰本健康資訊書仔～waiting area位又唔係好夠坐，入去見姑娘又冇位俾老公坐，我叫day去返工算了⋯等醫生等好耐丫，好在帶咗書去睇﹗終於見了，原來只係簡短嘅摸肚同聽doptone，每次聽到BB呱嘅心跳聽都好開心呢～原本好似就此結束，因為如果唔問就之後follow up都唔會再見醫生，追住佢講番之前手術嘅complication事宜，佢諗咗好耐先load到咩意思，最後決定我下一次檢查去咗屯門醫院先，都好嘅，去見下啦～

成個過程我覺得最impressive就係離開嘅一剎那﹗ 閱讀全文 →

分享此文：

請按讚：

分享此文：

請按讚：

分享此文：

請按讚：

分享此文：

請按讚：

分享此文：

請按讚：